|
من يقول لا خادمة اقول له انت غلطان
الى كل زوج يمنع عن زوجته استقدا م الخادمة
اقول له انت غلطان فقد قال الله تعالى : وعاشروهن بالمعروف احد التفاسير معناها ان المرأه التي اعتادت من يخدمها لها الحق في ان يكون لها خادمة اقروا تفسير الاية في كتب التفاسير قبل هجومكم علي ايها الرجال ودمتم بود |
أهلا أم نايف
باجاوبك بالمنطق :29: نعم المرأه المرفهه ببيت ابيها يحق لها ان تطلب خادمه ولا مانع ان يلبي زوجها طلبها لأنه قبل عقد القران عليها مأكد انه سال عنها وعن وضعها المعيشي والمالي فالقانون :30: لا يحمي المغفلين :d ولكن المرأه المرهفهه التي تقبل بزوج فقير لا يستطيع ان يحضر لها خادمه .. تصبر عليه إلى أن ييسر الله أمره ويستطيع احضار خادمه .. وعذره في هذا انها تعرف وضعه المعيشي والمالي ايضا فلماذا قبلت به ؟ هذه المره القانون :30: لا يحمي المغفلات :d اختك |
اشكر مرورك عزيزتي
وفعلا القانون لا يحمي المغفلين واعود واقول عين الرضا عن كل عيب كليلة فقد تنازلت عن حق من حقوقي من اجل الحب |
عمر السعاده والراحه ماكانت بشغاله
ممكن تحصل راحه جسديه بوجوده بس مستحيييل راحه نفسيه والحمدالله على العافية تقول جدتى عمر الشغل ماضر البنت الى يضرها شيل الثقيل شوفي نسبه السمنه عندنا والامراض كله من كثر التسدح وياليت على نفسها الاضرار حتى البنت تتعود على الكسل والجلسه مشكوره ام نايف |
شكرا لمرورك عزيزتي
ما رايك في الذي يمنع الخادمة ويرضى بالسائق |
الحمد لله
عائله من 6 ابناء + والدي ووالدتي ولنا تقريبا اكثر من 10 سنوات من دون اجانب في البيت لاخدم ولاسواويق مقسمين الشغل بيناتنا بعدين اشوف اذا بجيب خادمه أتزوج خادمه فلبينيه طيب وخلاص ! الواحد مايرتاح الا لزوجته ومايبي ياكل الا من يدها كيف الوحده ترضى ان حرمه تدخل البيت وتسنع زوجها ؟ على العموم هي قناعات وعادات .... |
انا عندي مبدأ
الخادمة لا تمسك الاطفال ولا المطبخ والحمدلله انا لا اعمل وطبخي لذيذ بشهادة الجميع اسال مره اخرى كيف يمنع الزوج الخادمة عن زوجته ويرضى بالسائق؟؟ |
انا مثلا ماعندى خادمة واعمل وبيت الله يعين عليه
وعندى رجال موسوس بس يتلمس لايكون فيه غبار بس خادمه مافكر ادخله بيتى دام ربي معافينى لكن السواق صراحه هاليومين افكر فيه لان السواق سكنه خاص ومع المواصلات الان وزحمه ونشغال زوجي ماحصل احد يخلص اغراضى وبذات الصبح مع كابوس هالخطر الاحمر مافيه مقارنه بين وجود خادمة وسواق ابدددددددددددددددد بعدين ياليت تشوفين قصه سلطانة وتعرفين الشغالات ماوراهن الا الشر والمرض والحياة اكبر من كذا انك تشغلين تفكيرك بخادمة بس مشكله الناس الان تشوف انه شي اساسي من اكبر منزله وقدر من فاطمة بنت الرسول صلى الله عليه وسلم بما اوصاها الرسول صلى الله عليه وسلم يوم طلبت خادمة مع انها بنت افضل الخلق والكل يتشرف بخدمتها قال قولي سبحان الله والحمدالله 33 والله اكبر 43 قبل النوم جربيها انتي بتشوفين من بكره كيف يتسهل الشغل عليك |
لا والله ياختي مو ضرورية
انا للان بنت وببيت مملؤء بالبنات والاولاد والجد وجدة غير حضور ابناء اخواني وماعمرنا دخلنا شغالة ببيتنا الا شغالات زوجات اخواني بالرغم من ان في اخ لي لدية خادمة ونحن كاهل لة نرى انة لايستحق لان زوجتة ليست موظفة اولا ولكن لانها تعودت بيت اهلها شغالات فاخوي وهو حر لكن زوجة اخ ثانية لها 5 ابناء وماعمر بيتها او هي طلبتها لانها مرتبة وقايمة ببيتها ومنظمة وقتها ترى ماهي ضرورية وبموت لو مافي شغالة الحياة تسير بيها وبدونها والله مساكين الرجال وش يلحق ؟؟؟؟؟؟؟؟؟؟؟؟؟؟ راتب بيت ولا شغالة ولا سواق ولا ديون ومصاريف حياة ؟ الشعالة الان تاخذ 1300 يعني قسم من الراتب رايح لها بكل بساطة لو الزوجة ذكية هي الاحق وزوجها بهالمصروف وتدبر عمرها وتراعي بيتها والقهر تجيك عرووووووسة ومالها شهور وعندها شغالة خييييييييير جيبي عيال وفكري فيها بعدين اذا زوجك لوحدة ماتخدمينة اجل لو صار عندك عيلة كبيرة وش تسوين ؟ تبغي قروب خدم ؟؟؟؟؟؟؟؟؟؟؟ |
انا اقولج ليش .. يبي يريح نفسه من المسؤوليات ويقطهم على السايق .. مشاوير زوجته ان كان دوامها او بيت اهلها او مدارس العيال واغراض البيت ... اما الخدامه ... لااااااااااا هاذي وحده غريبه شلون تدخل البيت وتمسح وتنظف وتشيل شغل البيت كله .. ليش الزوجه تخلت عن وظيفتها بالبيت !! بينما السايق لا لا عادي جدا وجوده ... لكن سؤالك في محله !!!
لي ملاحظه الوحده ممكن تكتب بالعقد المهر او شرط الوظيفه او بيت بروح .. لكن تكتب خادمه !!! اشوفها قويه !!! |
| الساعة الآن 05:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©