|
زوجي رافض يوديني السوق؟؟
السلام عليكم جميعا ..
بدخل في الموضووع على طوووول .. زوجي مقرر اننا نهاية الاسبوع هذا نروح زياره لاهله اللي ساكنين في مدينه ثانيه .. طبعا احنا نزورهم تقريبا كل شهر مره ..الى هنا حلو .. المشكله اني طلبت من زوجي يوديني السوق لانه ناقصني بعض الاغراض عشان السفره .. يعني ماراح تاخذ نزلة السوق ساعه .. بس المشكله انه رفض :( وعذره انها مالها لزمه واحنا رايحين لاهله مو ناس غريبين ..:( مع اني ماطلبت شي كثير كلها كم شغله بسيطه .. وهو ماعليه قاصر ولا هو بمزنوق ولا مطفر لا الحمدلله وضعنا احسن ما يكوون .. بس ما ادري ليه الرفض .. يعني اذا هو ما يهمه لانه رايح عند اهله انا غير طيب لازم اكون مجهزه نفسي خصوصا الحين اجازه وخالاته متجمعين في بيت اهله وفيه عزايم .. والله مررره مقهووه منه .. كل ماقلت له يقول خلاص خلاص اذا رحنا لاهلي وديتك السوق :( اساسا ماراح يمديني اروح هناك كل روحتنا 3 ايام متى اروح السووق خصوصا انه ينشغل عني تمام هناااك >> من لقى اهله نسى احبابه :16 انا عارفه بتقولوا الموضوع ما يستاهل بس والله مضايقني يعني الى متى الحركات هذي !!! |
يا ريااانة ياحبيبتي
هدي نفسك وجربي طريقة ثانية مع زوجك مثلا كلميه بدلع واطلبيه يوديكي قبل السفر قوليله مثلا بشتري قميص حلو البسه لك هناك لما نكون بغرفتنا لحالنا يعني اشياء زي كدا في رجال يحبوا الحرمة تتدلع عليهم ....مادام انه مو رافض فكرة السوق بالمرة لأنو قالك بوديكي هناك ..يعني موافق بس مافيه حيل يوديكي الان زي ماقلتلك جربي وشوفي وان مانفع خلاص ياقلبي روحي هناك وبيخليكي تروحي السوق خذي منه وعد وبإذن الله ربي يهديه ويصلحه لك الله يسعدكم ويوفقكم بحياتكم |
هلا اختي عبير الورد .. الله يسعدك حبيبتي على الرد الحلو اللي زي اسمك .. المشكله حبيبتي انو لما نروح عند اهله خلاص ينشغل عني خصوصا انو اخوه ماخذ اجازه وموجوود حتى نومه ينقلب يسهر في الليل وينام الى العصر ولا المغرب ويقوم يجلس مع اهله بالله متى نروح؟؟ يعني الشغله بس تسويف وتسكيته لي :( وصرااحه الوحده تمل كل شي باسلوووب ودلع وحيله .. هذا طيب واجب عليه اذا ما وداني من يوديني ؟؟ وانا ما فاجأته قايله له من اسبووع اني ناقصني كم غرض .. بس هو كسووووول لابعد درجه !!!!! والله من جد مقهووره حتى كرهت السفره كلها ولا عاد لي خااطر اروح :( يعني المووضوع ما يسوى وسوى منه سالفه .. وش تبغين من السوق .. والاغراض مو مهمه .. ومحد غريب عند اهلي الله يعين عليه بس .. |
حاولي ياقلبي
كل الرجال كذا وربي يشوفون الشي ماله داعي بس حاولي معه |
لا روحي عادي عند اهله بس اجلسي بعبايتك
خليه يشوفك طول الوقت بالعباية اذا سأل ليه؟ فهميه انك تحتاجين اغراض وماراح تطلعين اقل من اي وحده وانت ماوديتني لازم يفهم ان المرأة تحتاج تجهز نفسها مو مثلهم ثوب وشماغ وخلصنا>>>>> يابختهم صراحه بس لا تصلحين مشكله كذا تحسسينه بتأنيب الضمير |
كل ما زوجي رفض يوديني السوق او رفض شئ
اجي اكتب موضوع ؟ فين الحكمة و السياسة في الحياة الزوجية ؟ الحل: زوجك قال لأ .. خلاص لأ .. ماله داعي ما قدرتي تقنعيه خلاص لا تعملي من الحبة قبة و تنكدي على نفسك خذي الحياة ببساطة ليه نحن شعب نحب بس نشتكي و نولول من اقل شئ ؟؟؟؟؟؟؟؟؟؟؟؟؟ |
3 ايام يعني 3 اطقم ملابس
و مو معقولة خالاته شافوا كل الملابس .. فيه ملابس العيد و غيره مو صح ؟؟؟؟؟؟؟؟؟؟؟؟؟؟ |
الموضوع لا يستحق أبدا حتى أن تكتبي عنه اختي
يمكنك ان تدبري أمرك بدون الذهاب إلى السوق لأنه بهذه الطريقة ستضرين نفسيتك وستصبح السفرة عبارة عن عكننة ونكد وبعدها ستحصل مشكلة وستفقدين اعصابك وفي الأخير ستكونين أنت المخطئة لأنك كاتمة في قلبك تكلمي معه بأسلوب هادئ وأطلبي تحديد وقت ويوم معين وراجعي طريقتك يمكن اسلوبك مستفز أو تستخدمين الزنانة والسخرية معه او تحسسيه بأنك متضجرة من اهله |
اقتباس:
ههههههههههههههههههههاااااااااااااااااي حللللللللللللللللللللللوة تجلس بعبايتها وكمان تقولين لها ما تصلح مشكلة خخخخخخخخخخخخخخخخخخخ جلستها بالعباية ممكن تسوي المشكلة ضحكتيني ذكريات لا تغيب ,, والله من همي من زمان ماضحكت |
| الساعة الآن 08:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©