زوجي عدو الكلام
 

.......السلام عليكم ورحمة الله وبركاته..........



مثل ما واضح فى العنوان ....... بجد زوجى عدو الكلام


بيكره الكلام جدااااااااا




أى وقت ماينفعش أتكلم معاه فيه أبدا ولا يعرف يتناقش فى أى موضوع اطلاقا


من شوية كان بيتفرج على التليفزيون ....وقلتلو ياللا ننام .قالى لا مش جايلى نوم ومش هنام لغاية الفجر


بعدها الكهرباء قطعت. ودخل على السرير


دخلت واتكلمت معاه..أسألو السؤال يرد بالعافية ان رد ويغمض عينه وأسالو ويرد ويغمض عينه وكنت بكلمو فى نفس الموضوع انه مابيتكلمش ابدا وبعد ما الكهرباء جت قام يتفرج على التليفزيون..يعنى مش عايز ينام ولا حاجة.......مش حاجة تغيظ برضو



وياما اتكلمنا فى الموضوع دة


.وأهلو ساكنين تحتنا..مبيحبنيش أنزل ومش معودنى أنزل علشان عنده أخوات أولاد


فأنا المفروض أكلم الحيطة طول النهار

بجد بجد .....والله حاسة انى محرومة كلام


بجد مش عارفة اعمل اية


ارجو انكم تدعولى........وجزاكم الله كل خير

أى وقت ماينفعش أتكلم معاه فيه أبدا ولا يعرف يتناقش فى أى موضوع اطلاقا

شوفي حبيبتي زوجك من اول زواجك هو هيك ماعلينا انتي لازم تعرفي ايه هيا المواضيع الي بحبها

وتناقشي معاه فيها اكمثر الرجال يلتزمون الصمت في البيت وعلى فكرة متبينيش له انو الموضوع مزعلك

عشان ميخدوش نقطة ضعف لك. وربنا يهديه لك يا رب

اللهم امين


جزاكى الله كل خير


لكن انا ببقى عايزة أكلمة فى اللى مضايقنى علشان أفضفض وأفضية من داخلى وأهدى وماأبقاش شايلة فى نفسى

وأعامله كويس بالتالى


شكرا ليكى وأرجو الدعاء الصالح

حبيبتي انا بنصحك وجربي نصيحتي
تاخذي ورقة وقلم
وتكتبي فيها كل شي مضايقك وخاصة موضوع ان ماتنزلي لاهله وماتتكلمي معاه
وفهميه ان انت بشر وبتحسي وفي نفس الوقت اكتبي له ياحبيبي يا قرة عيني يعني خلي كتابتك رطبة
ويوم هو يكون طالع فيه للشغل الصباح اعطيه الورقة وقوليله حبيبي اللي لساني ماعرف يعبر عليه قدر قلمي يسجل جزء بسيط جدا منا على الورق هذا ياريت اول ماتكون فاضي تقرا كلامي
وصدقيني راح تستفيدي

وتاكدي مافي شي بيضل على حاله في هالدنيا
وربنا يصلح الحال ويسعدك يارب

اذيك يازوجة أحمد


انا عمالة أدور على موضوع ليكى علشان أعرف اخبارك..كان زواجك المفروض من حوالى شهرين

ياترى انتى عاملة ايه .ياريت تطمنينى عليكى



وشكرا على ردك

بس لما تكلمى حد ويرد عليكى بالعافيه.وتحسى انه مغصوب على الكلام..اكيد هتتسد نفسك


وشكرا

جزاكى الله كل خير على نصيحتك


بس نصيحتك دى كنت بعمل بيها علطول وكانت هى دربى فى كتب الككتاب وكانت بتنفع أوى


وكان بيبقى اسلوبى حلو اوى فيها فى كتب الكتاب وكان على الاقل بنلاقى حاجة نتكلم فيها



بس مش عارفة حاسة انها مش نافعة معايا دلوقتى لية


بس جربتها مرات قليلة بس بصراحة ماكانش جاى ليا نفس خالص اكتب فيها كلام حلو وانا متضايقة


بس المفروض احاول تانى


شكرا ليكى وارجو الدعاء الصالح

السؤال المهم..

هل زوجك قليل الكلام مع كل الناس ولابس معاكي..؟؟؟