|
ولدي يخاف ان أتركه..ماالحل؟
السلام عليكم ورحمة الله وبركاته انا لي شهرين منفصلة عن زوجي ...وبالأمس تم الطلاق طبعا عايشين انا وأولادي الثلاثة لوحدنا مشكلتي ولدي الأكبر وعمره 8 سنوات بصراحة هو ما يسأل عن أبوه إلا في بداية انفصالنا بس .....الان ما سألني عنه أبدا لكني لاحظت حركات غريبة تصير له منها ....إنه يبكي لما أخرج مشوار حتى لو ربع ساعة ارجع ألقاه يبكي عند الباب وهو ما كان كدا بالعكس كنت اخرج وهم يجلسوا في البيت مع الشغالة ومرتاحين ويرفضوا يخرجو معاية مشغولين بألعابهم وأجهزتهم غير بكاه لما أخرج.......مرة رجع من المدرسة وأنا كنت بالحمام الله يكرمكم وجا دور علية بالغرفة وما لقيني ونزل الشارع يدورني وجاتني الشغالة تعلمني انه طلع برا البيت نزلت بنفسي ولقيته في الشارع يبكي ولما شافني مسكني وحضني وقال احسبك سبتينا زي بابا قلت له لا ياماما ماراح اسيبكم أبدا ...وطلعته البيت وجلست اتكلم معاه قلت له بابا ما سيبكم ويحبكم كثير ..بس هو مشغول ومايقدر يجي يعيش معانا بس اذا انت يا ماما تبغى تروح لأبوك روح واجلس عنده كم يوم ....رفض وقال لا ماأبغى أروح اتوقعته نسي وانتهينا لكن زاد صار يدورني كل شوية في البيت وألاحظه يجي يتأكد إني بالغرفة أو بالمطبخ أو أي مكان في البيت ويرتاح ويطمن قلت بسيبه .....مرة اتصل على أبوه وكلمه وسأله يا بابا متى بتجي تعيش عندنا قاله أبوه ...لا ماأقدر أعيش معاكم ...أنا بعيش لوحدي وقال طيب وقفل وراح ورا الباب يبكي .....اتوقعت أبوه خاصمه على حاجة بس لما اتكلمت معاه علمني بكلام أبوه هديته وقلتله انت الآن رجال البيت وتنتبه لأخوانك ومايشوفونك تبكي ...وبصراحة ماقدرت أقاوم نفسي وبكيت معاه ....زعلت على حاله ....مااتوقعته بيتأثر كدا رغم إنه ما يسألني عن أبوه ولا اتكلم ولا جاب سيرته قدامي .... طبعا كل صباح يروح المدرسة ببكى وبالقوة ينزل للسواق تعبني كثير ..يبكي وما يتكلم مرة مايفتح فمه ويروح المدرسة متنكد اللي صار قبل شوية كنت بالحمام الله يكرمكم وما دريت إلا فتح علية الباب والحمدلله كنت بفرش أسناني لما شافني لقيت وجهه مقلوب وقال انا انا اسف احسبك خرجتي وقفل الباب بسرعة وراح انا بسرعة خلصت وخرجت عنده في الغرفة كان بيلعب بجهازه الجديد ولقيته يبكي قلت ليش تبكي ماراح أخاصمك لا تخاف ...........بالقوة اتكلم وقال لا انا أبكي لأني أحبك والله ماأعرف اش اسوي ...اتوقعته خلاص رضي بالواقع اللي احنا فيه ....خايفة يزيد حاله دلوني اش اتصرف معاه وكيف أحل المشكلة هادي اخذته مرة وخرجت أنا وياه وفهمته اني انا وأبوك مانقدر نعيش سوا ...لكننا نحبكم انت وأخوانك وبابا بيجيكم ياخذكم تزوروه انبسطنا سوا والحمدلله لكن لسه أحس المشكلة بدأت تزيد .....وأنا ماأتحمل أشوف ولدي بهالحالة أرجوكم ساعدوني الان بكي ونام حبيبي في حضني ...........خايفة عليه كثير لا حول ولا قوة إلا بالله أتمنى ألاقي حلول عندكم وجزاكم الله خير |
. . عزيزتي ( عبير الورد ) ..
.. الا حصل الى ابنك هو ردة فعل على طلاقك من أبوه ,, .. كان لازم تجلسي معاه وتفهميه الا صار , لانه عمره كبير ويفهم ,, .. طفلك مفتقد الامان , يا قلبي عليه ,, .. لازم تحسسينه بالامان , وانك بتظلي جنبه للابد , وانك ابدا ماراح تتركينه ,, .. اجلسي مع طفلك , وتكلمي معاه , عن الطلاق , وقولي له انك انتي وابوه خلاص تطلقتوا , وماراح تقدروا تعيشوا مع بعض .. لكن هذا مو معناة انكم ما تحبونهم ؟ او انه هم السبب , ومو معناة انك انتي بعد راح تتركيهم .. تكلمي معاه واحضنيه .. وكلميه بكلام يناسب سنه , ودائما حسسيه بالامان واحضنيه , وشوي شوي ,, بيهدأ , وبيصير تمام , وراح يحس بالامان .. .. وخلي ابوه بعد يتكلم معاه , واتفقي معاه شنو يقول حق الولد , علشان ما تتخربط المعلومات عنده ,, .. الله يخلي لك عيالك , وتشوفيهم باعلى المراتب .. .. طمنينا عنك ,, |
اقتباس:
والله هذا اللي جالسة اسويه معاه بالضبط ان شاء الله بتصير الامور تمام ويتعود على اللي صار أنا تكلمت معاه بهدوء وفهمته كل شي بس الله يصلحه ماأحسو اتقبل الموضوع لسه ان شاء الله بطمنكم علية ياقلبي شكرا لإهتمامك |
اقتباس:
والله يهدي سركم وترجعون لبعض |
الله يعينك ياأختي دمعت عيني لاشعوريا حسيت فيه أبنك فقد الشعور بالأمان بعد أنفصالك عن أبوه
أنتبهي عليه وكثفي أهتمامك فيه لاتطنشي الوضع أجلسي معه باأستمرار وأطلعوا مع بعض وعلى طول قوليله أني أحبكم ومستحيل أتخلى عنكم وأكثري من الدعاء والأستغفار والله يصلح الحال |
| الساعة الآن 09:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©