|
صورة حبيت انقلها لكم
بسم لله الرحمن الرحيم ... راح ابدأ موضوعي بدون مقدمات ... الي ابغى اوصله لكم ... اني توني راجعه من زواج صاحبتي ... طبعا كحلم اي بنت تمنيت ليلة العمر تقررب بسرررعه ... واعيش الاجواء الي تعيشها العروسه ... ومنهاا:: لما شفتها تنزف .. وكل الانظار عليها وهي ملكة الحفل والحضور الغفير كله لها ... ودقات قلبها السريعه تمنيت هالاحساس كثير وبنفس الوقت ادعي لها مو حسد والله مجرد شعور فطري لا اكثر ... مايحتاج اكثر عليكم با أمنياتي الي دارات بعقلي وقلبي اليوم ... ولكم الخيال انكم تكملون كااحساس كل وحده تحضر زواج قريبه لها اوصديقه غاليه عليها .... المهم والاهم... في الموضوع ان الكل مبسوط وفرحان وكاشخ بهالليله الا وحده من بين الحضور ولحسن الحظ ... انا اعتبره حسن حظ انها جلست جنبي ... تدرون ليه ...؟ عشان احس بالنعم العظيمه الي ربي وهبني اياها حسن الخلق الا اعطانياه ربي وفضلني على كثير من خلقه تفضيلا ... طارت الامنيات ضاعت الاحلام صغرت الدنيا بعيني والله كثير كثيير كثيييررر حسيت اني تافهه جدا ... مو شماته اني انقل الصورة لكم بس والله عشان تحسون بالنعم الا انتم وانا قبلكم غافلين عنها ... البنت مو صغيره كبيره تقريبا في الثلاثين ... انا ماراح اتكلم عن الشكل لانه خلقة رب العالمين طبعا البنت اكيد مريضه الله يشفيها ويرفع عنها ... شكلها الخارجي يوضح هالشيء ... تخيلوا ... ان البنت ترقص وادا خلصت تدور على الطاولات وتسألهم حلو رقصي ..؟؟ ناس تطنش وناس تجاملها وناس تحمر العين عليها واكثرهم من النوع الاخير .... تمشي حافيه .. محد معطيها وجه .. اخر العرس لقيتها قاعده لحالها حزينه تتوقعون وش امنياتها يابنات ..؟ ... حسيت اني ملكه عندها حسيت اني املك الكثير والكثير والكثير .. حسيت اني جاحده وناكره للنعم ... مع اني دائما اشكر ربي ... بس الي حسيته اليوم غير ... ختاما : انا وانتن ملكات اللهم ادمها نعم علينا واحفظها من الزوال .. وآعنا على شكرها يارب ... اللهم اشفها وعافها يارب ومرضى المسلمين اجمعين .. |
اللهم انت الشافي والمعافي يارب
اللهم لا مريض الى شفيته ولا مبتلى الى عافيته ولا ضال الى هديته اللهم لك الحمد حتى ترضى ولك الحمد اذا رضيت ولك الحمد بعد الرضا |
السلام عليكم ورحمة الله وبركاته..
الله يشفيها ويرفع عنها مرضها .. اي والله احنا في نعم عظيمة لا نقدرها .. والله ماشكرنا ربنا حق شكره .. اللهم اعنا على ذكرك وشكرك .. الانسان ما يحس بالنعمة اللي هو فيها الا اذا فقدها .. اللهم ادم علينا نعمك ظاهرها وباطنها .. يسلمو حبيبتي على الموضوع الرائع |
الصراحة اختي ما فهمت بالضبط شنو فيها البنت
بس اللي فهمته اني في خلل في مخها الله يرفع عنها ولا يبلانا والله صج اختي انا من اشوف اللي حوالي احس اني ملكة عليهم من افضال ربي علي والله يا اختي حتى لما احمد ربي احس اني حمدي يحتاج حمد ان الله الهمني الحمد وما خلاني من الجاحدين اللهم اجعلنا من عبادك الشكور |
الحمد لله على جميع نعمه
أساسا لو نجلس طول عمرنا نحمدالله على نعمه ماوفينا حقه سبحانه بس الصراحه اني حزنت على البنت وكسرت خاطري ليه الناس تعاملها كذا مو حرام عليهم الله يهديهم ويشفيها ويلبسها لباس الصحه والعافيه والله يحقق أمنيتك أختي ويرزقك ربي بالي تتمنيه |
سبحان الله لا إله إلا الله
الله يجزاك خير أختي عالتذكير |
usdاميــــــــــــــن ...
الله يجزاك خير .. زهرة اللهم امين .. تسلمي حبيبتي على مرورك وتعليقك الرائع موهبة الكويت امين .. للدعوات الصادقه .. كلامك درر.. فعلا حمدنا يحتاج شكر مشكورة على مرورك .... ندى يالبى قلبك على هالدعوه << الله يقبلها منك يارب >> و يجزاك الف خير سعدت بمرورك في الانتظار شكرا مشرفتنا الغاليه على تواجدك بموضوعي والله يجزاك الف خير |
مسائكِ ذكر فعلاً يا غآلية من راى مصآئب غيره هآنت عليه مصيبته ~ اسأل المولى لكن راحة البآل وطيب النفس والمنال ،’ بورك فيك على الطرح واللفته هذا ان دل على شي دل على حسن اخلاقكِ وطيب شمائلكِ ~كثر المولى من امثالكِ~ |
الله يشفيها يارب تسلمى على النقل الله يرزقنا يااااارب
|
من اراد أن يعيش السعادة فلينظر لمن هو دون منه
شفاها الله ورزقها الله سلامة العقل شكرا لك على نقل هذه الحاية للعبرة |
| الساعة الآن 10:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©