|
زوجي متهاون في الصلاه ولايعمل
:(
بسم الله الرحمن الرحيم السلام عليكم ورحمه الله وبركاته حبيت انقل لكم مشكلتي مع زوجي واتمنى الي يكون عندها حل لاتبخل علي زوجي مره طيب ولكن عيوبه كثيره والمشكله اني مااكتشفتها الا بعد الزواج زوجي مره متهاون في الصلاه وهذا مره متعبني مو عارفه اش اسوي عشان اخليه اصلي رغم اني دوم اكلمه بهاالموضوع ولكن دون جدوى ثانيا احنا ظروفنا الماديه حيل صعبه يعني اول ماتزوجنا كنا نعيش ند اهل زوجي وبعدها بفتره رحت عند اهلي وموراضي يتوظف بحجه ان شهادته الكفاءه وماراح يحصل وظيفه راتبها يغطي ايجار شقه واقساط سياره ومصاريف لي ولولده انا كل يوم اكلمه لين طفشت بصراحه صرت حتى اكره اني اجلس معاه من كثر استهتاره كل يوم بكره بعده بكره بعده لين صار لنا الحين سنتين متزوجين والحين اخذت من اهلي فلوس واستأجرت شقه حتى اثاث مافيها وجاء نهايه الشهر وموقادر يدفع الايجار بس يطلب من فلا وعلان ومحد اعطاه رجعت طلبت من اهلي 1500ودفعت الايجار وقلت له لازم تدور لك وظيفه عشان مانتمرمط بعد كذا ووالله ولا كأني اتكلم فيه استهتار ماقد شفت زيه مو حق مسؤليه كل يوم بسوي بسوي ومايسوي شي ومااقدر اروح عند اهلي لان متخاصمه مع اخوي بسببه واهلي كلهم مايكلموني ومقاطعيني بسببه مصروفي اخذه من ابوي كل شهر مسكين ابوي يعطيني كل شهر500 وهو الحين عايش معاي في البيت لانه مشلول وكبير في السن ومافي احد يروح عنده والله العظيم اني مقهوره موووت مو عارفه كيف اتصرف معاه تكفون ال عندها حل تقولي..... |
لين تزوجتو كان يشتغل ؟
اقصد اول ما خطبك كان يشتغل ؟ |
لا صلاة و لا وظيفة
أختي زوجك انسان اتكالي و لازم وقفة صارمة ، كسول و يبغاك تعتمدي على اهلك إنت مالك دخل تجيبي له بيت ؟؟؟ هذه مسؤوليته ، لا يستغلك بطيبته |
عســــل طبيعي شاكره لك اهتمامك
يوم خطبني كان موظف وبعد ماملكنا فصل من الدوام يقول تخاصم مع المدير وطرده |
روح الطير كلامك صح بس مو عارفه اش اسوي هذا
غير ان مالي احد الجاء له ماعندي اخولن اكبر مني واخوالي كلهم رافضينه لاني يوم ملكت ماكلمت احد فيهم ولا عزمتهم عشان كذا ماعندي احد اكلمه |
ومااخبي عليكم والله العظيم انه نايم من الساعه12الظهر وتوه صحي
قمت قلتله اش صحاك الحين كان كملت لبكره عشان نومك يتعدل قال خلاص شبعت نوم قلتله طيب لاتزعل من كلامي بس بصراحه وضعك كذا مره موتمام لا وظيفه ولاصلاه ولا شي قال لا مابزعل انتي صادقه انا لازم ادور على وظيفه من بكره قلت ظيب اوكي نشوف وبكره بشوف كمان صادق ولا كاالعاده |
والله يا اختي مشكلتك صعبة ومعقدة
اظن انه ماليك غير الدعاء ان ربي يهدي زوجك ويرزقه بوظيفة وربنا يفرج همك عاجل غير اجل |
وليه يدور وانتي مصروفك مأمن وجيبتيله بيت وقاعدة تتدايني من اهلك عشانه
هذا يبغاله وقفة جادة |
اختي زخه مطر
شاكره مرورك حبيبتي وان شاءالله ربي يفرجها |
عسل طبيعي انا قلت له ان المصروف خلاص ماراح اخذه من ابوي
انت شف لك حل ابغى اشوف اش راح يسوي |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©