|
مصيبتي في زوجي! (مستجدات بالرد17)
السلام عليكم
مشــــــــــــكلتي عويييييصة!! طبعا من العنوان الي كتبته يشرح كل شي انا متزوجة من 6 سنوات ولدي طفل عمرة4 مصيبتي في زوجي الحمد لله ماامدح شكلي بشهادة الكثيرين جمال وجسم وشعر زوجي العكس ثلاثيني لاطول لاجسم حتى شعر موموجود,, شكلة مقبول فقط اهتم بنظافتي ومكياجي وهندامي احسن الموديلات وقمصان النوم اشكال والوان عشا على ضوء الشموع ,ترتيب البيت, احممة, احلق له اسوي رجولة , مساج , ادلعه لدرجة ان اصدقائة يقولون لة اصلا انت تكذب مستحيل اي زوجة تسوي كذا,,,,, قمة الرومانسيه المهم رضيت فية مع فارق 8 سنوات بيننا علما ان الرجال ابدا مو بشكلة لكن بتعاملة ورجولته واخلاقة لدرجة انه يقولي شلون وحدة زيك تتزوج مثلي اصلع ودب الخ الرجال قبل لاتزوجة تحرينا عنه يصلي واخلاقة الخ الخ وعمرة مالمس وحدة غيري تزوجت وكنت فرحانه مثل اي بنت كنت مفكرة اني باعيش في استقرار واحلام وردية الرجال من بداية زواجنا واثقة فيه ولا افتش في اغراضة مثلا مرة اخذت موبايلة بارسل لي نغمات لكن تفاجات في جوالة اكثر من 40 فيديو افلام واجهته ,,,, وطلع دمعتين وسامحتة مرت شهور وحصلت راسل مسج لوحده يبغي يتعرف عليها واجهته وطلع دمعتين وسامحته بالغصب وجبت اول طفل منه بعد سنتين ومرت الايام واكتشفت انه من سنة ونص تقريبا ان عنده ايميل بدون مااعرف ومشترك في احد المواقع للتعارف ودخلت على الايميل واشوف اشكال وانواع البنات والافلام القذرة من الاسيوية الى العربيه الخ الخ انه في هاللحظة مااستحملت واخذت ثيابي ورحت لبيت اهلي ورجعت بعد تعهدة لابوي انه مايعيدها ومرت الايام بعده بشهرين يقولي يبغي يسافرتايلند لكن مارضيت بس قال بيروح غصبن عني المهم فكرت في السالفة وقلت بقلبي يلا يروح والمرة الجاية انا مسكين يغير جو وسافر25 يوم بعدها ب6 شهور قالي انه خوية يبي اغراض للسيارة ويبغي يروح معاه لكن مارضيت اخذ ثيابه بدون رضاي وسافر10 ايام لااتصال ولا شي لان تلفونه خلاة بالبيت متعمد !!! ورجع من السفر وقلت باكون احسن منة وبعطية وجه ( قلت يمكن يستحي من نفسه) وبنفسة قالي ,,كل الي في الطيارة مع زوجاتهم الا انه طبعا فرحت وسامحته بعد ماقالي المرة الجاية معاي . بعد 6 شهور قالي بروح تايلند شهر كاااااامل :( قتلة ووشو!!! وانه قال انتي لا انه بروح استانس مع ربعي قتلة اذا بتروح ابغي ورقتي قالي والله اذا تبغينها باعطيك وخلي لسانك ينفعك! ليه لساني ينفعني ((لية لانه قبله باسبوع كنت انه مع زوجي وامي جالسين نتكلم وقالت امي لزوجي متى بتسافرون يا فلان صار لكم سنين,,, رديت عليها وقلت بعد 4 او خمس سنوات باستهزاء واهو سكت)) لان من زواجي ماسافرت ولامرة طلعت من الديرة الا لشهر العسل!!!!!!!!!!!! :( وكل ماقولة ابغي اسافر يقول في فلوس ومافي وقت او في وقت ومافي فلوس وانه المسكينه اصدق اثارية يجمع لنفسه حتى اذا اطلب منة شي دايما يقول نمد رجولنا على قد لحافنا :19: لدرجة ان(ذكرى يوم زواجنا )قبل لايقولي خبر السفره تجهزت ليوم زواجنا واشتريت له هديه وذكرته قبل باسبوع لكن في يوم زواجي يقول ماله داااااعي لية بعد يوم زواج !!!! اااااااااااااااه يا القهر المهم وراح المطار ودموعي على خدي علما اني ابات بروحي بشقتنا بحكم ان بيت اهلي بعيد عن مكان عملي واهو ولاهامة اكون لوحدي عطاني مصروف 600 ريال لي و400 ريال لاكل وحوائج المنزل و300 لطفلي تخيلو شهر كامل الله يعلم شيصير!! بحكم شغلي اكلي من برة يعني اذا مستشفى او شي خلاص يطير المصروف!!! اتصلت له من يومين يعني صار لة 12 يوم من سافر اقولة ارجع يقول لاااااااااااااااااا وخلاص قلت احسن مااكلمة حرق دمي اثناء سفرة فتحت صندوق سيارته ولقيت شريحة جوال في موباية القديم اللي سالته عنه وقالي عطاة اخوة والرجال اشترى شريحه قبل لايسافر وبدون ماادري شكلة ناوي على نيه لان الجوال لحد الان مااتصل او ارسل مسج منه ملاحظات رفاق زوجي رفاق سوء ويسافرون للحرام كلمت ابوة لكن ابوة قالي ولدي رجال كبير مااقدر امنعه زوجي دائم الخروج من المنزل مع اصدقائة دائما حتى بالاجازة يقولي اجازتي لي روحي بيت اهلك نامي عندهم :29: الرجال عديم الاحساس والرومانسيه ويمد يدة احيانا ماابغي اقول لابوي عنه لانه اصلن مايخاف من اي احد وابوي ماله كلمة علية امه دائما في صفة حتى لو غلطان رجاءا ابغى حل لان ماعدت اقوى استحمل بديت اكرهه رجاءا ابغي اادبه ويعرف شلون يروح بدون رضاي باقي لة اسبوعين ويرجع شلون اتعامل معاة حاضرة لاي استفسار |
استغفر الله العظيم
قاهرني غصب و خليني ساكتة عنه أختي صحتك أهم شئ عندك ، انتبهي على نفسك ماعرف إيش أقول لك |
الله يسخره لك ويرده لك ردا جميلااا
مدري وش اقوولك وربي ..ان شاء الله يردون عليك الأخوه برد يعينك بعد الله الله يسعدك ويفرج همك يارب |
والله ماني عارف أيش أقول لك لكن مثل هذا الشخص خطر على نفسه و على نفسك و أخشى أنه وقع في الحرام و العياذ بالله و بالتالي انتبهي على نفسك أكثر !!!!!
هل يوجد أحد يقدر يؤثر عليه من غير والدك و والده؟؟ |
، اقتباس:
وش مقعد زوجك بتايلاند ! الدنيا مدهره هناك والسفاره والحكومه يطالبون السعوديين بالمغادره ! خليه يمكن تجيه شظيه ههههههههههه استغفر الله بس ! << امزح ياستي ..:d الله يعينك عليه ! تبين الصـدق بديت اتعقد واخاف من المجهول ! بليز اخواني وخواتي الي بالمنتدى اذا هذا هو العرس نوروني الله ينور دربكم ! وخيتي .. مالك غير الدعاء ..! زوجك ينطب ق عليه المثل الي يقول ( شين وقوي عين ) ..! ومافيه قوه بالأرض تهزه لا انتي ولا ابوك ولا اهلك ولا ابوه ولا امه ولا شي بالدنيا غير / الله عزوجل ~ تصدقي وادعي من قلبك .. وماتدرين وش الله كاتب لك معاه .~ الله يسسخرله لك بس ! ** |
والله دامه يسافر للحرام الطلاق احسن حل
اهم شي صحتك انتبهي يمكن راجع لك بمرض معدي الله يعينك |
بأختصار مادام مافيه خوف من الله سبحانه وتعالى مافيه أي شي يردعه
حسبي الله ونعم الوكيل ماأقول غير الله يعينك عليه ويعين كل زوجه أبتليت بواحد مثله اختي أنتبهي من الأمراض بس وأنتي مالك غير الدعاااااااااء الله يفرج همك ويصبرك |
الله يعينك يارب وفعلا انتبهي على نفسك كلو الا الحرام
اقتباس:
ضحكتنى يادانتيل الله يسعدك |
الله معك ومع الحق
اختي العزيزه حالك حال اغلب الزوجات في الوطن العربي بل بالعالم باسره
انا مثلك وجرحي مثل جرحك والعيب مو فينا العيب من ازواجنا اللي ما عاد يشغل تفكيرهم غير النسوان الله يهديهم والمشكله انه كل العالم بيوقفو بجانب الزوج دايما وبيقولو انه احنا مقصرات وانه العيب فينا بس مع الفتن الكثيره في هايالدنيا والبعد عن الدين وكثرة العوانس والمطلقات طبعا ما بعمم واحيانن متزوجات حالهم مثل حالنا بيلتفو حوالين الرجال بدلع وغنج من غير اي متطلبات اخرى لا مشاكل ولا هموم اولاد يعني بس بيعطوهم الحب وهذا شيء غير واقعي في حيات المتزوجين لانه احنا بنعيش حياه والحياه فيها الشيء المنيح والشيئ السيئ فيها نكد وفيها حب والازواج لازم يتفهمو هذا الشيء وما بعرف شو احكيلك اكتر الله يصبرك ويكون معك ويكون معي بس انا بقترح انك تواجهي وتتناقشي معه واذا رفض يا بتصبري يا بترحلي والله يهديه |
شوفي يا اختي المشكله ليست في سفر زوجك بدون رضاك ..
المشكله في سلوكيات و اخلاقيات زوجك يعني اذا ما سافر راح يوسع صدره مع ربعه في البلد .... زوجك محتاج منك لوقفه حازمه جدا جدا .. خوفيه من عقاب الله و من الامراض وانك مو مستعده انك تصابي بالامراض الجنسيه بالاضافه الي الامراض النفسيه من القهر .. احزمي امرك يا اختي و تكلمي معه بجد و ليكن استقبالك له بااااااااااااااارد جدا .. |
| الساعة الآن 02:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©