منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي حساس جداً و قليل الكلام (http://www.66n.com/forums/showthread.php?t=206942)

شدو الطير 25-04-2010 10:51 PM

زوجي حساس جداً و قليل الكلام
 
مساء الخيرات
وحيده زوجي يتضايق مني بسرعه ولأتفه سبب تعبت الوحدي يداوم من الساعه سبع ولايرجع الا خمس العصر بعدها ينام او على النت او التلفزيون ونادرا مانطلع 9شهور على هالحال مليت وربي حتى لو سولفنا مع بعض لازم نزعل او نتضايق صرت اتجنب اسولف معاه لانه دقييييييييق بكل كلمه ويجلس ييحقق لحد مانتمشكل او يهمش كلامي ويستخف فيه او يتظاهر انه يسمعني ينشغل بالجوال او النت اذ كلمته حاااااااااولت اسولف معاه غن دوامه يمشيني بكم كلمه ماعندي سوالف جديده لان مااطلع ولا اروح لاحدما عرفت اتعامل معاه زعوووووووووووول بسرعه وهذا الشي يخليني اتجنب اشياء كثيره معاه واتهرب من مصارحته احيانا يضيق صدره بدون سبب واحاول اعرف بس بدون فايده لدرجه ينام لوحده

عارفه كلامي مو مرتب بس وربي من الضيقه اللي فيني بسبب هالشئ مادري وش اسوي
احسه مرات يحبني ومرات يكرهني

فيه احد مثلي؟

زوجة عبدو 25-04-2010 11:13 PM

ربنا معاك حبيبتي احكي له انو ها الشي مضايقك وانو لازم يراعي مشاعرك واسمحيلي اسالك كم لك وانت متزوجة

ربنا يريحك حبيبتي وينولك مرادك ويهدي زوجك ويجعلو يارب رغاااااااااااااااااااااااااااااااااااااااي ههههههههههههههههههههه

لحد متملي.

شدو الطير 25-04-2010 11:20 PM

مشكوره حبيبتي زوجه عبدو
صاير لنا 9شهور متزوجين
انا ابيه يفضفض لي يشاركني همومه وضيقه صدره يهتم فيني وبكلامي ويحترم وجودي

الجواكندا 26-04-2010 06:23 AM

أختى انتوا في بداية المشوار
يمكن يكون زوجك من النوع اللي ما يتكلم واجد والرجال كثير من هذا النوع فهو يرجع من العمل وما له نفس يتكلم انت حاولي تكلميه بس ما واجد مثل الحريم عن كل شي بالتفصيل لانه الرجال اغلبهم ما يحبوا الكلام الواجد
انا مثلك زوجي يداوم من الساعة 8 الصباح ويرجع الساعة 8 الليل واحيانا الساعة 7 فكنا نتعشى وبعدين يجلس عند الانترنيت لحد النوم حتى لما يريد ينام وهو في السرير يفتح الانترنيت في تلفونه فكنا ما نتكلم واجد انا سكت عنه في البداية بس لما شفت السالفة مطوله وصار لها ايام وحسيت اني راح انفجر كلمته بهدوء قلت له اللي مضايقني وانه طول الوقت بالدوام ولما يرجع على النت ونحن ما لنا وقت وهو اعترف انه مقصر وقالي زين انك تكلمتي ونبهتيني لانه فعلا الوقت المفروض لكم ورجعنا مثل قبل سمن على عسل بدون ما يزعل وانا كنت خايفة اكلمه بالموضوع خايفة من ردة فعله بس الحمد لله
وانت اختي اجلسي معه وكلميه بلطف وبالتوفيق:22:

شدو الطير 26-04-2010 08:11 AM

يعطيك العافيه اجواكندا
بس المهم بالموضوع احيانا يقلب مزاجه فجاه ويتغير تعامله معي بدون ما اعرف السبب ولما اساله يقول مافيه شئ تعبت نكون رايقين مبسوطين وفجاه يزعل من بعد نقاش او مكالمه من اهلي
ماادري وش اسوي معاه

روعـــــــة 26-04-2010 08:35 AM

عليكِ بسورة البقره ..كل يوم ممكن تقرئيها ولوعجزي حطيها بالمسجل

والله لها سحرسورة البقره في البيوت .. القرآن كله عظيم كلام ربي الجليل

بس نصيحتي لكِ عليكِ بالبقره أنا كنت ومازلت أعاني من زوجي في قلة كلامه ..أسلوب تعامله الجاف

لكن لما صرت أشغل هالسوره صرت أحس براحه نفسيه عجيبه

والله يسخرلكِ زوجك ويوفق بينكم

ماريا 26-04-2010 08:48 AM

شدو الطير

مشكلتك شائعة بين العرايس الجدد
الرجال بشكل عام قليلو الكلام
و موضوع الحساسية اللي عنده أولاً طبع و ثانياً الحساسية يكون مستواها مرتفع ببداية الزواج و مع الوقت تنخفض
و اذا انتِ شعرتِ بالملل و هو ليس بمزاج للكلا تجنبي الكلام معه و حاولي تتكلمي بالتلفون مع اي صديقة او قريبة لكِ
باختصار : (اشغلي نفسك عنه)
و مع الوقت ان شاء الله بتحملي و بجيكي طفل ينسيكي أبوه و يملأ فراغك
الموضوع محتاج صبر
و لا تظني انه زوجك سيء .. أبداً هذا فقط لأنه رجل
و انتِ معتادة على الحديث و الدردشة مع خواتك و قريباتك و جاية بعد الزواج تريدين ان تجعلي من زوجك صديقة و أم و أخت و زوج و هذا صعب ...
مع مرور الوقت ستختفي هذه المشكلة ان شاءالله
فقط اصبري و اشغلي نفسك عنه :)

همس 2009 26-04-2010 09:53 AM

اولا ناقشيه بكل هدوء وحنان قؤلي انا لحالي من الساعه 7 الئ الساعه 4 لحالي
ومااصدق اشؤفك حبيبي!! والنهايه اجد منك الزعل والتهميش !!ليه انا احبك واحب اسؤلف معك وش السبب!!انا متضايقه من تقصيرك لهشيء...لا وبعد تنام لحالك انا زوجتك حبيبتك ومحتاجه لحنانك...ليش التطنيش لي انا اخطئت بين لي مو تخليني كذا وكاني خادمه بلبيت !!!
هلاسلؤب بياثر به وبقؤه ....
واذا غلط بكلمه ولا شيء اطلعي وخليه ولا تكلمينه خليه يستوعب !!!

اذا اشغل وقته بلنت بعد رجوعه من الدوام خليك جنبه وشؤفي وش يقرء واقريء معه وناقشيه اذا يؤجد مناقشه

حاولي ماتكثرين اسئله لانه راجع من الدوام ومتعب حيييييييييييييييييل......

هيئيء له البيت من نظافته واكله
ابدعي بلمطبخ والطبخ والحلئ و
اشغلي ؤقتك

مره
تنظيف البيت الدولايب...والشبابيك وترتيب الملابس وووالخ

زوري جارتك

اطبخي اكله جديده

استحمي والبسي زين تمكيجي مكياج خفيف

كلمي اهلك صديقتك طبعا بغياب زوجك

تصفحي النت ساعه

عندك اشياء واشياء لكن بس تحتاجين تشجيع .

هدوء مزعج 26-04-2010 02:55 PM

عموما الرجل قليل الكلام

سولفي معاه بالاشيا اللي يحبهاا جداا

وراح يتفاعل معاك

الله يسعدكي حبيبتي

الدلوعة لمى 27-04-2010 09:20 AM

أكثر الرجال كذا
يمكن عنده مشاكل ولا يقولك ؟ سواءا مالية أو غيره

حاولي تكسبينه خليك
ودامه دقيق لازم تكونين دقيقة مو عناد لا
اقصد تكونين دقيقة بطبخك وبالنظافة وبكلامك معاه يعني لا تسوين اللي يزعله

والمشكلة في اكثر الزوجات ما يدرون عن تعب ازواجهم بدوامهم او المشاكل اللي في الدوام والضغوط النفسية يعني مسكين 12 ساعه يشتغل ونبيه يرجع يسولف ويضحك


الساعة الآن 02:30 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©