|
أريد الطلاق وزوجي رافض
احترت والله وترددت كثيراً في كتابة هذا الموضوع تذكرون سؤالي اللي وجهته لكم قبل فترة على ذا الموضوع http://www.66n.com/forums/showthread.php?t=205904 يا جماعة أنا لي سنة ونص متزوجة في بداية زواجي كنت أسعد زوجة ونفس الشي زوجي فرحته بي كانت أكبر من فرحتي به وبحكم وظيفتي كنت بعيدة عن منطقة زوجي مرت السنة الأولى عذاب من شوق واحتياج أثرت على نفسيتي وأثرت على طباعه معاي زوجي متأثر باللي حوله تغير فجأة وقال كلام جارح مو طبيعي اعتذر وسامحته وتناسيت وبعدها تكرر غلطه ووقفت ضده واصريت ان اخواني يدخلون بالموضوع بس غلبني وماحبيت اكبرها لأني فعلاً ابي بيتي وزوجي وعندي امل إنه يتغير حاولت اتناسى عجزت الين وصلنا لمشكلة كبيرة اصريت فيها ان اخواني يتدخلون وبالفعل تدخلوا بس للأسف انكر كل كلامه ويحلف لاخواني انه يحبني ومايقدر يبعد عني وصار ينزه نفسه ويكذبني بكلام كثير انا وقتها انصدمت وحزنت عليه وقلت يارب يكون تأدب وخايف يخسرني على قوله للأسف بعد هالموقف أنا فقدت مشاعري وصرت اتعمد جرحه وصرت انتقم لنفسي من كل كلمة جرحني فيها استغفر الله واخر مرة طلبت الطلاق وأنا مقتنعة من 3 شهور تقريبا ورفض كلموه اخواني ورفض واليوم ارسل رسالة قال الأربعاء بجي آخذك معقولة كذا بكل سهولة؟؟ أنا كرهته كره مو طبيعي ولا أتخيل نفسي زوجه له بعد كل كلامه الجارح ملاحظة: زوجي حنون جداً بس عيبه لسانه سليط ومقصر معي بأمور كثيرة لدرجة أنسى أن لي زوج أحيانا انا بعينه ملاك على قوله بس عيبي حساسة واحيان اتنرفز عليه يقول اني مريضة نفسياً ومعقدة قلت يمكن أكون كذا اذا ماتقدر تعالجني ادعي ربي يشفيني يتهمني اتهامات باطلة مدري من وين يجيبها أرجوكم شاركوني همي بدون هجوم وأسألوا اللي تبون بس حبة حبة أنا للحين ماكملت قصتي لها بدايات مؤلمة يمكن لها تأثير على زواجي |
اقتباس:
من ناداني ............خخ امزح حبيبتي ذكرتي ان زوجك كان ممتاز وفرحان بيك بس البعد وتأثير من حوله هم اللي اثروا عليه طيب سيبي عملك وروحي لزوجك وخليكم مع بعض ولا تخليه لحاله وتسمحي للي حوله يأثروا عليه وغلطك انك دخلتي اهلك بمشاكلك يمكن لو حليتيها وياه كان تحسن الوضع لان في بعض الناس لا لقى احد يمسك عليه الغلط كابر خاصة لو كان رجال مثله وهذا اللي صار معاه ومع اخوانك |
:22:
اقتباس:
|
عزيزتي ..ابغض الحلال عند الله الطلاق ..عزيزتي اخر العلاج الكي ..انتي دوبك متزوجة وتبغي الطلاق
ذكرتيني في مثل سوري يقولك ..ماصارلك في القصر غير مبارح العصر .. استهدي بالله وحاولي تتفاهمي مع زوجك موكل خلاف والثاني طلبتي الطلاق وتذكري احنا بشر مو معصومين عن الخطأ ولاتتنازلين عن حياتك وتستلمين لوسوسة الشيطان .. حاولي تستهدين وارجعي مع زوجك وتذكري صفاته الايجابية وانسي السلبية عزيزتي تقدرين تغيرين زوجك بس اذا انتي حابه ..وبعدين مااحس من الانوثه انك تجرحين رجل مهما كان هذا رجل في النهاية حاولي تجذبينه بأسلوبك الرقيق وانوثك ماتخلي حياتك معه كئنك في حرب..وبعدين عزيزتي كيف انتي في مكان وزوجك في مكان انا معك انو العمل مهم للمراة بس ماابعد عن زوجي مهما يصير وادافع عن حياتي واخلي حياتي من اجمل القصص الرومنسية تتوقعين زوجك ماوده يكون سعيد معك .. راجعي نفسك وحاولي تفهمين زوجك وعرفي زوجك بنفسك بأسلوبك راح يتغير تحياتي |
ملاك
تسلمين حبيبتي فعلا اللي حوله مأثرين عليه وأنا تعبت والله ومسألة عملي حليتها ونقلت عنده بس للأسف زاد النفور بيني وبينه بشكل مو طبيعي اميرة بطبعي اشكرك حبيبتي على مرورك |
وعليكم السلام ورحمة الله أختي الفاضلة أنت عندك مشكلة بينك وبين زوجك لكن ما وصلت لحدود الطلاق أبداً فأنت قلت هالكلام بسبب أنك متضايقة جداً ..... وتبغى تتخلصي من هذا التضايق وهذه المشاعر السلبية لكن عمر الطلاق بوضعك ما كان حل لذلك تعوذي من الشيطان وتوضأي وصلي ركعتين وأسأل الله أن يبعد عنك الهم والحزن ووساوس الشيطان حتى تقدري تركزي بحل مشكلتك وفقك الله وأصلحك ما بينك وبين زوجك عزوبي بس رجل |
اقتباس:
تسلمي حبيبتي |
عزيزتي لاتكوني متشائمة ولاتلومي شاب عاش منذ نعومة اظافره واسمحولي على الكلمة يامعشر الرجال على ..الجلافه .. صدقيني اخلصي النيه والله لايغير بقوم حتى تغيرو مابأنفسكم تغيري انتي وانشاءالله بيتغير عزيزتي لاتفكرين بطلاق اعتبري الحل هذا مو موجود ابدا حاولي تلاقين حل صدقيني لابد بتلاقي مفتاح لزوجك ..
تحياتي لك .. وكم احزنني طلبك لطلاق وانتي دوبك متزوجة .. |
اقتباس:
صليت ورحت مكة مرتين والحمد لله طول الشهور اللي مرت احس براحة عكس اي منفصلة عن زوجها وكل ما اتذكر اني على ذمته اموت بكى كرهته وقلتله اني كرهتك بس مو مقتنع واليوم تضايقت اكثر يوم شفت رسالته ولا ادري كيف اقنعه بعدم رغبتي فيه جزاك الله خير اخوي على النصح |
عزيزتي من خلال سردك للموضوع لاارى مبرر كبير لطلب الطلاق لكن يبدو ان الامر اكبر من مجرد سلاطة لسان فهناك مشاكل ادت لنفورك منه بهذا الشكل فاذا لم يكن عندك مانع اسرديها وستجدين باذن الله النصيحة
|
| الساعة الآن 05:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©