|
[مميز] شيخ المحشي بالباذنجان طبق سوري بالصور
السلام عليكم و رحمة الله و بركاته
http://www.66n.com/pics/hosted/ny292...tjajs467ji.gif طبختي اليوم تعلمتها من حماتي :22: اسم الطبق : شيخ المحشي شيخ المحشي بسورية أنواع طبعاً المعروف بمدينة حلب هو اللي بالكوسا و لكن اللي تعلمته من حماتي هو بالباذنجان الصغير ( باذنجان المكدوس) .. أرسلت لينك الموضوع لها تشوف تطبيقي (أهلين مرتعمو :27:.. شو رأيك بالشغل :o:o ،أظن لازم تسألي اللي أكلوا منه :25:) المهم ، طعمه بشبه الآرنيارق اللي سبق عملته و كتبت طريقته بالمنتدى لكن في شوية اختلافات بتشوفوها ان شاء الله نبدأ بالمقادير : باذنجان صغير محفور و مقلي الحشوة لحم مفروم بصل مقطع صنوبر زيت ملح فلفل أسود المرق رب البندورة (دبس الطماطم) مع ملح و ماء ويقدم مع: الرز + لبن متوّم (زبادي بالتوم و الملح) لصنع الحشوة : اقلي البصل المقطع ثم الصنوبر ، أضيفي اللحم مع رشة ملح و فلفل و قلبي حتى ينضج اللحم طريقة تحضير شيخ المحشي: الباذنجان عندي مسلوق و مفرز لا تسألوني كيف :25: عطتني ياه حماتي :17:- الله يعطيها العافية - و هو مفرز من دون حفر طبعاً لازم يكون آخد نكهة القلي و لذلك قليته لبضع ثواني مع الحذر الشديد لأنه مليء بالماء (بالبداية قليته بالمقلاة العادية و اشتعلت النار :25:و رب العالمين لطف .. بعدين جففته أكتر و كملت بطنجرة القلي حوافها أعلى و بالتالي الزيت بعيد عن النار انتبهوا لهالشغلة !!!!!!!!!!) بعد القلي تركته يبرد وعملت فيه حفرة باصبعي بهالشكل لأنه طري جداً ما ممكن حفره بالمأورة (لا تسألوني شو هي مأورة :d) http://img709.imageshack.us/img709/6725/dsc09444e.jpg http://www.4shared.com/photo/tCIQNl01/DSC09461.html بعد الحفر ضعي الحشوة بأكبر قدر ممكن (كلما كترت الحشوة بكون ألذ) ضعيه في الطنجرة بهالشكل http://img709.imageshack.us/img709/4106/dsc09449i.jpg ضعي فوقه صحن للتثبيت ، و أضيفي المرق http://img203.imageshack.us/img203/8131/dsc09451p.jpg غطي الطنجرة و ضعيها على نار هادئة حتى النضج صورته بعد النضج :28: http://img708.imageshack.us/img708/5862/dsc09461g.jpg قدميه مع الرز الأبيض http://img203.imageshack.us/img203/5804/dsc09462g.jpg و اللبن المتوّم (زبادي مع ملح و ثوم مهروس ) حسب الرغبة ... (اللبن بارد غير مطبوخ طبعاً :25: ) http://img691.imageshack.us/img691/2532/dsc09465a.jpg و هي الصورة لما فتحت بطن البيتنجان :d http://img683.imageshack.us/img683/3948/dsc09467r.jpg و صحتين و عوافي :23: |
ماشاء الله تبارك الله
تسلم يدك شكلووووووو مشهي جداا |
اشتقنا لاطباقك الحلوة ياماريا
شكلها يمييييييي على طول للمفضلة .. نسلم الايادي |
تسلم يدك ياماريا شكله يمى يمى بالهنا يارب
|
يسلمو كتير على الاكلة:22: بس الطبق مو سوري :) لانا هون نعرفه واسمه المخشي عنا بس مابنسلقه بنقليه بعد مانحشيه بيكون الز قلي |
اقتباس:
الله يسلمك بنت مكة كنت بدي قلك تفضلي كلي معنا بس خلص :d اقتباس:
بتمنى كل يوم اكتب طريقة الطبق اللي عملته بس وقتي ضيق جداً مع مشروع تنظيف ابني :29: اقتباس:
الله يهنيكي يا رب تسلمي تيررا اقتباس:
اهلين رحيل الله يسلمك وين هون قصدك ؟:25: .. يمكن انتو أخدتوه من عنا:d |
ماشاء الله تبارك الله
ماريا عندنا من جديد نورتي حبيبتي وصفة رائعه واكيد لذيذه تسلم ايديكي لكن هنا ما عمري شفت الباذنجان الصغير :) تصدريه لنا من سوريا هه:):) |
يا سلام شكله كتير بشهي مع اني اول مره اسمع بشيخ المحشي بالباذنجان مع اني من سوريا:)...
تلسم ايدك يا ماريا ...و شو اخبار مشروع النظافه؟ |
يمممممممم تسلم إديكي ماريا نحني بحومص منعملوا بالكوسا بس اكلتوا قبل فترة بحلب عند اخت زوجي عن جد كتير طعم
بالهنا والعافية يارب |
اقتباس:
اندين انا بشوف منو هون بانكلترة بس قليل و الباذنجان الصغير الجيد موجود بمناطق جغرافيه قليلة بصراحة أعتقد شمال سورية و تركية بستخدموه بشكل رئيسي و باقي المناطق الباذنجان الكبير هو الرئيسي مع انه الصغير أنكه بكتييييييييير شكرا لمرورك خيتو :) اقتباس:
انا متلك بعرفه بس بالكوسا و لما يكون اللحم محشي بالبيتنجان منقول عنه آرنيارئ و بكون بالفرن بس صراحة أكلت منه بالبيتنجان عند حماتي و كتير عجبني أكتر من الكوسا اخبار مشروع النظافة فيكي تقولي نص مبروك :14: هلأ كنت عم بكتب المستجدات بوشك ع ركن الطفل :d << متكاسلة جيب اللينك :25: اقتباس:
يا ستي و انا كمان ما بعرفو بالبيتنجان بس الحقيقة انه أطيب من الكوسا جربيه و رح تدعيلي :22: |
| الساعة الآن 06:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©