|
ابوها قالي لو انت رجال (طلق)
بسم الله الرحمن الرحيم
بصراحة انا ابغا نصيحتكم فلا تبخلو علي انا متزوج من سنتين وانا احب زوجتي حب غير طبيعي بس فيها اطباع مااقدر اتحملها منها عدم الاهتمام رحت والا جيت عادي الكذب والشكوى على اهلها بكل صغيرة وكبيرة مع زيادة في الكلام طول لسانها :يعني أي كلمة في صدرها تطلعها عادي مهما كانت قوية او تجرح واذا ماقدرت اوديها او امشيها تقوم قيامتي ونتخاصم ونتهاجر اقل حاجة 5 ايام او اسبوع على قلب وجه المجادلة في الكلام والعصيان يعني لو اقولها شي لازم اكرره لين تتعب اعصابي ومن طبعها انها اذا تبغا الشي تتصلح وتتسنع وتضحك وتنبسط حتى اذا عطيتها الي تبغاه اين كان خلاص قلبت وجهها زي مثلا لو تبغا تسافر مثلا جدة تتسوق فانا مبسوط قبل السفر باسبوع او اسبوعين ومبسوط وانا في جدة حتى اذا خلصت الفلوس جينا نمشي انقلب وجهها وصارت وحدة ثانية وبرضه منانه مثلا اذا قلتلها لية ماتطبخيلي قالت حرام عليك والله اطبخلك واسويلك وهي والله العظيم تطبخ اكثر شي مرتين او ثلاث في الشهر واذا قالتلها سوي صحن فول قالت (ياااااانيني سوي فوول) مشكلت زوجتي اناه فاتحة اذنها لجميع النصايح الي تزود المشاكل وخصوصا من خواتها وهم ثنتين مطلقين وحدة الحين تزوجت ووحدة باقي مشاكلي مع ابوها كثيررر بس اهمها ومنها طول لسانة اثناء الملكة قال ايش يحسب بنتي هذا دافع 60الف مهر بارجعها له على النعال واحطها بفمة(مع العلم اني دافع 80الف وزواجي عدا 190الف والله العظيم) قالت زوجتي عشاني الله يخليك سامحة ومنها طرد ابوي من عند بيتة وقالة روح قول لزوجتك وبنتك لايفترون على بنتي ويصدقون كلام الشغالة وكنت باطلق الا زوجتي واخوها جو وتعذرو من ابوية وابوية قالي اسألك بالله لاتطلق والثالثة هي الختام زادت مشاكلي مع زوجتي وقلتلها خلاص انسيني وراحت بيت اهلها وبعد ماخلصت الاجازة وبدت الدراسة جو عشان يرجعوها قلت خلاص ماابغاها(والله العظيم قلت عشان تتادب) فارسلتلها رسالة وكتبت فيها كل الكلام الي في صدري وكتبت شكلي قريب رايح اطلق ارسلت (ياخسارة الرجولة فيك) قلت خلاص هذي نهايتها قالتلي امي اصبر لاتطلق ولدك لسا في بطنها (هي حامل في الشهر 6او 7) اتصل ابوها قال ياكذاب يالئيم يامنته كفو ولاانتة برجال وبعد مشادة كلامية قالي لو انتة رجال طلق فطلقتها طلقة وحدة والحين ماادري ايش اسوي انا عارف اني اذا طلقتها برتاح وبرضوه انتقم لكرامتي منها ومن ابوها وبرضة في نفس الوقت خايف على ولدي وماابغاه يعيش بعيد عني والحين يقولولي انها تعبانة نفسيا وانها نادمة وانا بصراحة خايف لاتكون تمثيل كعادتها وارجع بهم وغم ولو جاء الولد احس اني راح ارضخ وارضى بالواقع حلو او مر عشان ولدي انصحوني |
استخير الله يا اخي اذا كنت تريد عدم الندم فاستخره سبحانه وتعالى ماندم من استخار ومن رايي اقسم بالله العلي العظيم
لو كنت مكانك لطلقتها بالثلات تعرف ليش لانو مفيش حرمة بتنشر سر زوجها حتى لو كان مايستاهل من راي والله اعلم طلقها احسن لانها ليست كفؤا لتكون زوجة ولاا ام عوةضك الله خيرا واسفة على الاطالة واللخبطة بس بجد اتنرفزت جداااااااااا. |
اخي نصيحة لوجه الله لما اهل الزوجة بيركبو ظهر زوج بنتهم تاكد انهم لن ينزلو ابدااااااااااا انتقم لرجلوتك اخي.
|
خليها عند اهلها فترة
دامها ندمت ان شاء الله ان فيها الخير لازم تبعد شوي وتحس هي انها غلطت وتراجع نفسها وانت كمان اكيد بتحاسب نفسك وتعرف وش غلطك الحين هي بعدة ويحق لك مراجعتها بس لو خلصت العدة لازم عقد جديد ومهر جديد استشير ذوي النصح واستخير الله يصلح امرك |
الله يصلح فيما بينكم لابد ياخي ان تعلم وتفهم زوجتك بالشي الصح والشي الغلط واللي تحبة وتكرة حتى تسير الحياة بهدوء وعليها ان تلبي طلباتك بكل احترام وتقدير وعليك ان تقدر التقلبات النفسية للمراءة وانصحك اخي الكريم ان تحاول أن تغير منها وان تعمل بنصح الرسول لازم في البداية تفهمها وتوعيها وبعد ذالك تهجرها وبعدها الضرب الغير مبرح بعد ذالك تكون قد عملت بما يرضي الله ويرضي نفسك |
يااااااااااااارجال هذي مو حرمه حط براسك المرأه بحالتين قبل الزواج اما امرأه تأتي معها بالرزق لك واما امرأه تأتي بالفقر فزوجتك وجه فقر ووجه الفقر يستحي من الغنااااااه عموما ياأخي الكريم انت عرضت مشكلتك واحس انهم هضموا حقك بالكامل وماشفت السعاده نهااااااااااااااااااائي فأنصحك نصيحة لوجه الله اما انك تجيبها وترصهااااا بالمرأه الثانيه عشان تتأدب لأن مايأدب المرأه الا المرأه وانصحك نصيحة انك تتزوج عليهاااااااا وصدقني هذا يبرد قلبك شوي من كرامتك اللي راحت ومااستفدت منها شي او انك تطلقهااااااا وتريح رااااااااااااااااااااااسك ياشيخ المرأه اللي لها لسان طويل ولاتحترم زوجها احس انها ملعوووووووووووونه ...........شاريها بـ 190 الف وبعد كل هالمصاريف تطلع غثااااااااا <<<< يرد وهو معصب :29::29::29::29::29: |
رئيي انا
دامك تحبها وتريدها ولا تريد ابنك يتربئ مع اهلها ولا انصح ابدا انه يتربئ مع ابؤ زوجتك لانه اسمح لي ...... معنده اسلؤب في التعامل مع الناس.....! وانت لاتعاند قلبك ولا يلعب عليك الشيطان ...... ولا تنتقم من ابؤها بانك رجعت بنته !! وما عليك من كلامه كلامه لايؤدي ولا يجيب كلامه بس يستفزك فقط زوجتك تحبك وانت كذلك فلا تلعبؤا بقلؤب بعضّ!!! انت من بيدك تعدلها تحزم رئيك ولك الطرق التي تريدها بلنصح بلهجر بببب.....الخ انت رجل وكلمتها بتمشي عليها انت مدلعها بلبدايه .... زوجتك انا متاكده انها تعلمت درس لن تنساها .......! ولكن اذا رجعتها فصدقني والله ثم والله ان ابؤها بينقهر اكثر من انك تترك بنته عنده ...لان ماوده انك تكون زوج لهلبنت ... نصيحتي بعد ان قرئت انك تحبها !!ولو انك لم تكتبها لما كتبت هلكلام انت تحبها !!! فرجعها وضبط امورك معها بحزم وتصحيح للاخطاء لاتعاند وتسمع ولبك عكس ذلك !!فتندم وتحاول مستقبلا ترجعها وهي من ترفض بحكم انها انتظرتك طويلا .....!!! اولا راحتا لقلبك وقلبها ثانيا لاجل ولدك وكيف يعيش متشتت ومع جد بهذا الطريقه....! فنصيحتي رجعها ....وانت تناقش معها اخطاءها لن تتكرر وان تكررت ففعل ماشئت. |
أخوي الكريم الله يعينك على زوجتك وأهلها وأبوها بالتحديد أقول خلها عند أهلها ولا تكلمها حتى تشعر أنه أهلها ضروها ..... فإما تتعدل وتفهم أن سبب مشاكلها هم أهلها وتعرف عاقبة طاعتها وتبعيتها لهم والنتيجة التي ستصل أو الفراق هو الحل .... اقتباس:
كان قلت الله يهديها ... فهذه ساعة إجابة عزوبي بس رجل |
ليه تحملت كل هالعمايل من ايام الملكة والحين بعد الحمل بتأدبها هي وابوها ؟؟؟
ربي يهديها ويهديك |
اقتباس:
الله يجزاك كل خير :) و يرزقك الزوجة الصالحة ، كذا الناس اللي تعطي حلول و تصلح بيوت الناس |
| الساعة الآن 09:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©