لاحظت أن أخي الأكبر يراقبني
 

السلام عليكم
انا بدخل فموضوعي على طول بس ارجو من اي احد يقرأ موضوعي مايطلع الا لما يرد ابي اعرف ويهمني رايكم كلكم
اولأ انا خريجة جامعه وعمري 26 سنه قبل كم سنه يمكن 3 او سنتين لاحظت ان اخوي الكبير صار يمر من غرفتي كل شوي كأنه يراقبني لما يكون عندي ولد اختي عمره 7 سنين في البدايه قلت عادي ماشكيت لاني واثقه انه مستحيل احد يشك فيني انا كبيره وعاقله وملتزمه الحمدلله بديني
بس بعدها لاحظت اكثر هالمراقبه وكل ماشافه عندي يناديه ويقول له روح لامك مع انه واضح انه كان يلعب او يتكلم معاي عادي
قريب زادت هالحركات وكلمت اختي اللي اللي اكبر مني بسنه وقالت انا كمان لاحظت كمان انه اخوي يعاملها نفس المعامله
وقتها قلت الله لايسامحه لو شك بأخلاقي مو معنى اني وصلت لذا العمر وكوني احب الاطفال كأم معناها اني وحده ماعندها اخلاق
تأمت كثيييير منه وانجرحت
وبعدها نسيت الموضوع لكن اخوي رجع لاسلوبه عنده بنت عمرها 4 سنوات الله يكرمكم لما تروح الحمام ماتخسل كويس الين جاتها حساسيه تألمها ولان امها وابوها منفصلين البنت عندنا رحت جبت كريم حساسيه للاطفال وحطيتلها نقط وقلتلها انتي بيدك ادهنيه
راحت البنت ببرأه قالت لابوها عمه حطتلي كريم طلع مكشر وقالب وجهه بشكل ملحوظ وهو ساكن تحتنا ونزل بناته عنده وماخلاهم يطلعون
تأكدت من شكوكي ووكلت امري لله
وقبل كم يوم اختي ام الولد اللي عمره 7 سنين صارت كل مايجي عندي يباني اشغله الاب توب على العاب او شي تجي تفتح الباب
حتى لما قال لها ابي انام عند جده وخلاتي رفضت مع انه كان اول عادي ينام
تأثرت نفسيتي كثير
انظلمت
واللي قاهرني انه اختي بعد تألمت من اخوي
معقوله احنا اخوان متربين ببيت واحد يشوفوني كذا انا واخواتي اللي مو متزوجين طيب ليه انا احب الاطفال بطبعي والكل عارف ليش تفكيرهم وصلهم انه لاننا مو متزوجات معناها احنا ماعندنا اخلاق
معقوله انحطاط التفكير يوصل لذي الدرجه
اللي قاهرني اني عمري ماغلطت بحياتي في الماضي عشان يشكون ولا صدر مني شي يخليهم يظنو هالظن
طول عمري انا واخواتي عاقلين صح ماتزوجنا بس هذا مو مبرر لتصرفاتهم
صدقوني حسيت بألم كبير خلاني اقول حسبي الله ونعم الوكيل
بس ابي تقولو كيف ارتاح من التفكير وكيف اتعامل مع ناس كذا مع انهم اهل بس صرت احس انه مدام فكرو فينا كذا معناها الغلط فيهم مو فينا كلآ يرى الناس بعين طبعه
ريحوني تكفون قولو شو العمل

الله يهديه اخوك..

فيه مرض الشك الله يعينه بس..

هو بيتعب انتي مارح تتعبين..

طنشي ولا يهمك اخرتها بيحس على دمه..

طنشيهم حبيبتي العيب فيهم ترى مو فيك لان هذا مرض ياقلبي واكيد انهم تعبانين من هالشي لان الكل بيستغربهم لو من نظره يقهرون والله انا اعرف ناس يقربولي جدا وهذا طبعهم بس تصدقين سرنا ناخذهم تريقه على اي شي نعلق عليهم صارو والله يستحو على انفسهم وينحرجو خليك جدا عادي حتى لو من داخلك مقهوره بيني انك اعقل منهم وعادي الله يفرج همك ياحياتي

اختي لا تسيئ الظن
ممكن في اكثر من سبب ماله علاقه فيك ولا خايفين منك
الافضل انك تصارحيهم
ولو اعتقادك في محله فهذي مشكلتهم
المهم انت ماتفكري في الموضوع

مافهمت بايش يشك بالضبط ؟ يعني فتاة ماذا هتسوي بطفل او طفلة

مثلها ووين الشك بيكون وفي ايش ؟ ما فهمت قصدك


بس على العموم لا يوجد حل سوى ان تتكلمي معاه حبيبتي وهذا

افضل حل احسن ما يزعل وانتي تزعلي وما احد تكلم مع احد

الصراحة افضل طريق

بعض الناس تكثر عندهم الشكوك والظن

لذالك خليك عادية وطنشي هالحساسية

ولاتناقشيهم الالما يزداد الامر

اعانك الله ووفقك

اشكركم كلكم عالردود الطيبه وانا رح احتسب امري لله هو العالم بقلوب عباده الله المستعان