|
مين يعرف التنباك(المضغه)
مرحبا
كيفكم؟ هذي اول مشاركه لي بمنتدانا ...صرت منكم هههه انا بحيره مووووووووت اكلم اهلي احسهم يستهينوا بامبدأي مدري انا عاله عليهم ويبغوا يخلصوا مني ولا ايش ف حبيت اخذ رأيكم انا مخطوبه للشاب يقربلنا كل يوم اكتشف شي عنها مو حلو او انا ما احب هذا الشي زي التدخين وبعدها اكتشفت انه يعزف على العود وكمان يوم الجمعه مدري كيف احنا عندنا اقل اقل شي الجمعه لها احترامها مدري تربينا على كذا وتعليمه انا جامعيه وهو مو مكمل دراسه كل هذا قلت يمكن اقدر اخليه يسيبه بس امس عرف انه ياكل شي اسمه (مضغه)او تباك مدري تعرفوها؟؟؟ شي مقزز يعمل ادمان عليه هذا بس اللي اعرفه عنه لما سالت اهلي عباره عن ايش هذي الماده ضحكوا عليا وقالوا مالك صلاح بكره يسيبها ايش رايكم يقولولي الواحد يدمن عليها ؟ ووانه ماينام الا وماكل منها وهما بكل بساطه بكره يسيبها؟ مدري ايش اسوي؟ انا تعلمت من المنتدى والكتب انو ما اخذه الزوج وافرض عليه التغير كذا راح يمل مني وانو اسلوب مو كويس طيب انا ايش اعمل اذا هو كله عيوب ولازم يتغير حرام مو حابه اجرحه بس وربي اخاف كيف حياتي معاها كيف اقدر اخليه يترك هذا الشياء؟واذا في احد يعرف هي الماده ياريت يعرفني ايش هيا ؟؟؟ وايش حكمها؟ لانهم يقولولي انها مو حرام ولا تضر بس مزاج!!! ايش يعني |
اختي التنباك او " المضغه "
هذه عبارة عن مادة مخدرة لكن تخديرها بسيط جدا ً يعني مو زي المخدرات ممكن الواحد يوقفها بسهولة لكن تعتبر من نوع من المخدرات هذه مشهورة في اليمن خصوصا في حضرموت وفي وادي عمد اذا كان هذا الشخص من منطقة وادي عمد ,, استحالة يبطلها لانو اغلب الناس من هذه المنطقة مدمنين على هذا الشي وعندهم شي طبيعي ,, فما ادري اذا هي في بلدان ثانية مدري لكن هذه المادة اضرارها مو كثيرة لكن تؤثر على اللثة والاسنان ويفضل تركها اما انو حكاية ما ينام الا بها ,, هذه مو صحيحة ,, لكن ممكن يوقفها بسهولة بس اذا اراد هو ذلك اما با الاجبار ما ينفع ,, ثاني شي اذا ما ارتحتي لخطيبك مو مجبوره تاخذيه ,, الزواج مو با الغصب اذا تشوفي انه ما يصلح لك بلاه ها الزواج ومافي شي يجي با الغصب الله يوفقك اختي ويرزقك با الزوج الصالح ^_^ |
قرأت موضوعك الصباح وحسيت انك من اليمن ;)
رجعت قرأته ثاني لقيت رد ابن المكلا وطلع هو تقريبا حاسس بنفس الشي عموما انا اعرف كذه شخص يستخدمون التنباك اكثر من عشرين سنه ومستحيل يعيشون بدونه, اذا ما لقو هذا التنباك ما يقدرون يركزون, ويحسون بجفاف بفمهم رغم انه ما فيه اثار جانبية كثيره عموما الله يوفقك ويسعدك |
أخي ابن المكلا مررت على الموضوع اليوم و تمنيت أن يجيب عليه احد لأعرف شكرا لك و أعجبتني الرمزية في توقيعك |
التنباك يا طوله العمر مثل التبغ مع تبن مدري قذاره الله يكرم القارئين
بعني يتخمر في فمه ويعفن الفم غير انة يوسخ المكان حولك المهم قوليله يا انا او التنباك <<<< مع اني متاكد انه ماراح يسيبة يعني انا اكون صريح معك تركه للتنباك صعبببببب جدااااااااا بالتوفيق |
ايه اخوي nununu كلمة تنباك او مضغه هذه تستخدم في اليمن في حضرموت
في المناطق الشمالية يسموونه " شمه " لكن الشمه اقوى من التنباك بكثير وبرضو موجود في الامارات بس اسمه ما اذكر شو هو ,, طبعا مافي غيرهم الحضارم هم الي نقلوه :d لكن مثل ماقالت الاخت يا متاعبني هو فيه تبغ وشكله يشبه " الرماد " ما ادري اذا تعرفو الرماد ,, هذا الي بعد ما تحرق الحطب يصبح مثل الرمل لونه رمادي هذا التنباك شكله كذا طبعا ً ممكن تقولو وش عرفك بهذه الشغلات ,, طبعا ً ما هو انا حضرمي :d وهذا الشي عندنا يستخدم بكثرة وسعرة رخيص مره بحوالي ربع ريال سعودي لذلك هو منتشر بكثرة والحمد لله انا مو من الناس الي يستخدمونه لكن ممكن تقول 70% من اصحابي يسوونه لكن مثل ما قال الاخ nununu ماله اضرار جانبية كبيرة ^_^ |
| الساعة الآن 05:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©