|
زوجي يلتزم الصمت ولايجيب على اتصالاتي
السلام عليكم ورحمة الله وبركاتة صباحكم فل وكادي حبيت أشارككم في هذا المنتدى بعد ما أطلعت على بعض المواضيع وحابة أطرح عليكم ومشكلتي وبليز أريد حل.. مشكلتي مع زوجي إذا صار بيني وبينه أي مشكلة يرفض الحديث معي ويلتزم الصمت ولايجيب على اتصالاتي.. مشكلتي الأخيرة معه هي أبنتي حيث أني أعمل في مدينة وهو في مدينة أخرى فطلب مني أن تحضر أبنتي له عشان عندهم مناسبة عائلية في البداية كنت موافقة وبعدها غيرت رأيي بسبب أني أخاف على ابنتي من العين لأنها حركاتها كثيرة والناس في هالزمن ما تعطي خير. وبعد ما كلمني واستفسر هل ارسلت ألبنت أولا قلتله لا ووضحت له وجهة نظري بعدها ما كلمني وحاولت الإتصال به ولكنه لايجيب وأرسلي رسالة بأنه زعلان لأني ما أرسلت بنته له ووضحت له ليه ماأرسلتها ولكنه رفض تبريري له ودائما يقول لي هالكلمة "أنتي ما تسمعين الكلام" والله يشهد لي إني قايدة له أصابعي شمع بس ما أدري كيف أرضيه وألحين مابينا ألا رسائل وأدري إنه في داخلة ما هو مقتتنع باللي يسويه بس يكابر ولما سألته أنه مقتنع باللي يسويه رد علي أنه شي راجع له.. ببساطة هل في ردة فعلي واني ماأرسلت بنتي له غلط أو لا.. ساعدوني في مشكلتي بليز |
تم النقل إلى قسم المتزوجين.. |
ايه غلط.. الرجال فرحان ببنته ويبغا اهله واقاربه يشوفونها وانتي تقولين اخاف من العين.. عذرك مو منطقي اسمحيلي وعندك حالة منتشرة هاليومين اسمها هوس العين.. حبيبتي الوقايه من العين مو بالاختباء من الناس لا خطأ الوقايه من العين هي بقرائة الاذكار والورد وماعليها الا العافيه.. مالومه انه زعل يعني فرحان ببنته وهي ماهي عنده في كل وقت محروم منها يعني وانتي تكملنيها باعذار مو مقنعه..
|
اللي سويتيه ماله داعي بصراحة
الله هو الحامي وهو الواقي كان المفروض تحصني بنتك وتتوكلي على الله وترسليله البنت لازم في البداية تقتنعي إنك غلطانه وبعدين تعترفي لزوجك بخطأك مع الوعد بعدم التكرار وبإذن الله تنتهي المشكلة |
وعليكم السلام ورحمة الله وبركاته
مناسبة عائلية؟ إذا أنا فاهم كلامك فإنت تقصدين مناسبة فيها أهل زوجك يعني عمام بنتك وأجدادها والله أعلم يا أختي الكريمة إذا تخافين عليها من العين فأولا حصنيها بالأذكار وعوديها تحافط على المعوذات وآية الكرسي في الصباح والمساء ثانيا: الزوج يا أختي الكريمة يفرح لما يشوف عياله يشاركون أهله في أفراحهم هذا يفرح قلبه فلما يسألونه أهله وين بنتك؟ ينحرج يقولهم ما تبي تجيكم لأنها تخاف من العين ونفس الوقت يزعل فإنت تصوري هذا العذر لزوجك حتى تعرفين سبب صمته وتصرفه تخيلي هو اللي يمنع بنتك عن مناسبة عائلية خاصة بأهلك إنتي لأنه يخاف عليها من العين وغير كذا الأبناء يتعودون بعدين إنهم ما يشاركون أقاربهم في المناسبات فتصير قطيعة ويمكن يكبرون ولا يعرفونهم الله أمرنا نتوكل عليه ونعمل بالأسباب من أذكار وغيره ونتذكر دائما (قل لن يصيبنا إلا ما كتب الله لنا) فنصيحتي إنت بمعرفتك بزوجك تسامحي منه بأسلوب حلو حتى يسامحك وترجع المياه لمجاريها بإذن الله |
نعم يا اختي غلطانه
الرجال ينتظر ابنته وانت تقولين له اخاف من الحسد؟؟ كان حصنتيها وارسلتيها والله خير حافظ |
اقتباس:
أخي الكريم كلامك صح بس بنتي لسى صغيرة وما تفهم عمرها سنة ونص وحاولت أفهمه وجهة نظري بس مع كيذا ما هو راضي ما أعرف ايش أعمل له وبعدين يبيها تسافر له 700 كيلو صعبة أخليها بعيد عني كل هالمسافة عرفت كيف سبب رفضي |
والله يختي هو ابوها وحريص عليها وحركتك فيها من الانتقاص لقدره بشكل كبير جدا
يعني ما ارسلتيها بناء على اوهام ممكن تصير او ماتصير والاذكار بإذن الله فيها الكفايه سؤال ابي افهم شلون عايشين بعيد عن بعض؟ |
لحظه شلون بينكم سبعمية كيلو ويقول ارسليها؟ وهي حتبقى مع مين؟
|
اقتباس:
أحيانا يا أختي الاقناع بوجهة النظر لا يجدي في الارضاء استعيني بالله أول ثم استخدمي دلع الحريم واعتذري من زوجك وقوليله يا "اسمع دلع أو حبيبي" مو قصدي أعارضك إنت الأصل ولو تبي عيوني عطيتك اياهم وتحببي له بكلام حلو أو شي يحبه واعلمي علم يقين أن قلب الإنسان بيد ربه فاستعيني بالله وأرضي الله وهو بيرضيك في زوجك ثم بعد كذا سوي اللي قلت لك وتحببي لزوجك |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©