زوجتي ناشز 2010 واااه عجبي
 

http://www.66n.com/forums/showthread.php?t=206294

زوجتي ناشز وهي حامل الرجاء قراءات الملف المرفق :
- كرسي الحمام ارضي عادي وهي تريد كرسي حمام مقعد وهي حامل في الشهر الثامن سالنا الدكتورة قالت عادي مافي شي لايؤثر على الجنين ( أصلاً انا كنت راح أغيره لو أتبعت أسلوب حوار هادي وعدلت اسلوبها معايا ) فقلت لها البيت شعبي وما وأخاف أغيره وينزل وتصير موية الحمام تهرب على بيت أهلي تحت فكان جوابها عادي خليه ينزل عليهم تحت هو حمام .أكيد الكل راح يقولي أنها حامل والمفروض إنك تسويه والكرسي ماهو مكلف لكن لائمتها معايا خلتني اقول لا مااسويه
- أثناء الزيارات المتعددة خلال حملها لاهلها كانت تحمل كيس تضع فيه ثيابها بمعدل خمسة ثياب تروح فيه لبيت أهلها بحجة أنها راح تنفس في بيت اهلها بدون إذن + الشنطة إلي على الكتف تضع فيها ادوات تسريحتها وتروح فيها لبيت أهلها بدون إذن مني والمفترض إنها تستاذن وتزعل لو فتحت الكيس عشان اشوف ملابسها وانا شايف وساكت أبغى اشوف نهايتها معاها وابغى اشوف عقلها كيف يفكر والله اقدر اوقفها واقولها رجعيه أحد يروح ينفس في بيت أهله ويأخذ كل ملابسه بالكامل أخر زيارة لبيت اهلها حضرت كالعادة كي أخذها قالت لي أنا ماراح أرجع معاك بعد ماأخذت كل ملابسها إلا الشي القليل انا ابغى اقعد إلى بعد النفاس وهي حامل في الشهر الثامن إذهب غير كرسي الحمام حطت العقدة في المنشار قلت لها بطلي دلع وروحي البسي عبايتك واخرجي وانا واقف في الخارج أنتظرك انتظرتها خمسة دقائق كي تخرج وما خرجت فرجعت طرقت الباب فخرجت وقالت انا لن اخرج معاك انا راح اجلس في بيت أهلي فقلت لها انا راح ازعل منك اخرجي قالت لا أريد الذهاب معك فتركتها وشغلت سيارتي ومشيت إلا ووتتصل علي تقولي لاتزعل مني انا مااقدر اجلس في هذا الكرسي وقلت لا انا ماسمحت لك تباتي في بيت اهلك انا مالي صلاح فيكي وانا زعلان منك وتركتها اسبوعان بدون مراجعة حتى عند الدكتورة من باب الضغط عليها وكانت تتصل تقولي ابغى اروح للدكتورة واطنشها اشوي ترسلي رسالة تقولي اريدك تحضر معاك الشنطة الصغيرة والجزمة اكرمكم الله عشان عندي ملكة فلان اليوم انا بالمرة زعلت فما رديت عليها وطنشتها وفي اليوم الثاني تخيلوا كنت نايم في البيت اشوي الباب يندق اشوف مين الطارق إلا زوجتي فرحت قلت لعل الله هداها ورجعت تدرون وش سوت ولا حتى سلمت دخلت البيت ونزلت الشنطة حقتها وكملت الباقي من الثياب واخذت كل الجزم اكرمكم الله وخرجت بدون مع السلامة تحتاج شي وانا ساكت اتفرج عليها لاني راح اشتكي في الاصلاح إلا رق قلبي عليها وعلى وضعها فقلت في نفسي بعد الولادة خير أصلا انا كنت ناوي اشتكي في الاصلاح ذات البين لكن قربها من الشهور الاخيرة منعني فذهبت إليها وأخذتها من بيت أهلها وذهبت بها إلى المستشفى كي تراجع الدكتورة وعشان إلى في بطنها بنتي أطريت أأجل موضوع المشاكل حتى لايرتفع ضغطها وحتى لاتدخل في مشاكل صحية واتفاهمنا مبدأيا لكن قالت لي طيب طيب الي تبغاه اسويه لكن أنا ماصدقتها لانها غدرت فيني فضحتني في الدبلة واخذت ثيابها ومكياجها بدون علمي وتخرج من دون إذن وتقول بخيل .... الخ حسب المرفق وجالست في بيت اهلها وكل ماأرفع لها سيرة بيتنا وعش الزوجية تبغضه أعتقد أنه عشان اهلها ضربوا بويه واشترو دولاب مطبخ وكنب في الصالة عشان يستعدو للنفاس أمها سوت لها غسيل مخ وهي تتبع المظاهر لكني غير موافق تخرج مع أهلها بدون إذن تسرح وتمرح معهم متجاهلة زوجها وحقوقه هذه من جهة الزوجة قلبها على بيت أهلها مو على بيت زوجها .
- قلت لها هذه ثياب الطفل ومستلزماته فقط وانت خذي الف ريال فقط لاغير سوي لنفاسك منها الحفايض والحليب والرضاعة والسمن والعسل والدقيق وكل احتياجتك من لباس من الالف إلى الياء من هذه الالف ريال قالت لا ماتكفي قلت لها ادري انها ماتكفي انا ابقى اهلك يدفعوا لنفاسك مو يعرفوا يخرجوكي بدون اذن خلاص خليهم يتحملوا قالت انا أبغى اسوي النفاس في بيتي قلت لها مين قال لك اخرجي من بيتي بدون اذني حتى ماقلتي مع السلامة لاهلي انا رايحه بس انك مقاطعتهم بدون سبب النفاس على الزوج يتحمل فيه كل شي بس انت رحتي تجري ورى اهلك وتركتي زوجك خلي اهلك يسو لك نفاسك قالت انا بتسلف من اهلي قلت وانا مالي صلاح في سلف هذا هذه مشكلتك مع أهلك قلت لها انا ماني محتاج اني اتسلف بس انت ماتستاهلي اني اسويلك نفاسك عارفه ليه لانك لئيمه قالت انا بتسلف والله ماارجع لك بعد الاربعين إلى ان تدفعها راح اقولها أين ابوكي اقوله اعطيني زوجتي فإن رفض هنا راح اسوي كش ملك ( نتقابل في الاصلاح ذات البين وإلا المحكمة أريد زوجتي وبنتي وأبوها رفض ) وإذا لك حق خذيه و|إذا لي حق أخذه ) قلت وانا ماراح اصرف لك غير الف ريال هذه والله لو تجلسي عمرك كله على نفاسك وقلت انا اصلاً انت ماأخذت ثيابك من البيت إلا انك ماتبقى ترجعي لي وهذا الدليل يشهد الله علي عندما افتح ملف البنت هذه واشوف طريقة عيشتها ارى ملفها اسود كله مشاكل ونكد يعني عشان الواحد يتنازل اشوي والله اقولها انا ماأحب الظلم ولا أحب أظلم مااحب أحد يحكمني .زعلت وقلبت وجهها وصارت ماتتكلم معايا وتنكدت وعيونها دموع وانا اقولها بطريقتك .

الزوجة لو كانت طائعة لربها ولزوجها ومقدمة طاعة زوجها على طاعة أهلها إلا في معصية الله
صدقوني يااخوان ويااخوات الوحدة لو كانت طاعة لي والله سويت لها كل الي نفسها تبغاه لكن ياحسافة طلعت انسانه مادية وهمها المظاهر والفشخره الكذابه

هيا اول من يطالب بكامل حقوقها طيب وين حقوقي انا ؟؟؟؟؟؟؟

إسمح لي انت انسان معقد .............. والله يعين زوجتك عليك ............

نصيحة ............. ما رأيك لو تسوي كتاب خاص بك توصف فيه عيوب زوجتك اللي ما تنتهي ؟؟؟؟؟؟؟؟

صدق صدق ادعي لها .. مسكينة ما لها حظ ........

في موضوعك (فلمك) الاول قلت انك راح تطلقها........ طلقها خلاص وروح دور على غيرها ........... ليش صابر عليها (يا حرام) ...............

حسبنا االله ونعم الوكيل ...............................
اللهم عافنا مما ابتلاه ........ استغفر الله العظيم .............
والله الظلم حرام ............

ام كريم

اتمنى انك تتفهمي المسالة مو تعقيد هذه الانسانه في شهر العسل قالت لي انها مجبورة علي وانا تعاملت معاها باسلوب جدا راقي لكن النت طبيعتها حب السيطرة والقيادة مثل امها .
والله في حريم تطيع ازوجها مستحيل انها مثل كذا

الحياة يوم شيلني ويوم اشيلك مو لو صار لك اي شي مااعرفك طيب قالتها مالي دخل فيك نظرتها لبيت اهلها اهم

..............اسأل الله ان يصلح مابينكم ........

انت رجل وكبرعقلك,, الحرمه لو تشوف اي شئ تكبرة وهو تافة فانت علمها صح من الخطاء وهذا دورك ولا تقول تحب السيطرة شيلها من بالك عشان تفهمها وتتجاوب معها وتقدر تفهمك ,, التفاصيل في الحياة الزوجية هي الي تسوي المشاكل يعني انت عندت ماتسوي لها كرسي عشان ماتكلمت بلاطفة طيب لية؟؟
الانسان لما يكون محتاج حاجة يطلب الشئ والمقابل له يكون رده لطيف اما,, نعم او لا ولكن باسلوب عشان يعرف ليه قال لا مثلاً ,,
اهم شئ عدم التدقيق في الحياة الزوجية تسير كل شئ تمام .

الله يصلح مابينكم ويهدي زوجتك في منها كتير لو لقت الراجل من النوع المسالم بتركب فوق ظهرو ولاعاد تنزل ابدااااااااا

الله يهديها ويهدينا اجمعين .