|
ايقاف الرضاعه عن الطفل
السلام عليكم و رحمة الله و بركاته
اخواتي ولدي بسم الله عليه عمره سنتين و 8 شهور الله يحفظه مشكلته انه يشرب الحليب و هو نايم طووول فترة النوم رضعتين او 3 على حسب اكل او ما اكل قبل ما ينام ابغاه يوقف حليب عشان اقدر اعوده انه يروح الحمام و هو نايم ( و ماني عارفه كيف و لا متى ابدا فيها بحكم اني ادرس بالجامعه ) المشكله الثانيه و الاكبر انه ماااااااااا ياكل صعب اكله اسويله ساندوتش بخبز صغير مره ياكل و مرتين لا رز و ملوخيه مره و مره لا لا شوربه ممكن على حسب مزاجه خضار لا اي شيء يا انه اصلا ما ياكله او انه مره ياكل و 10 لا ياكل ماكدونادز ممكن بس احيانا يطنش حاولت سويتله ناجيتس في البيت انا اللي اكلته :29::29::29: ايش اسوي معاه ماني عارفه و الله الله يسعدكم يا رب ساعدوني |
ما ياكل عشان الرضااااعه حبيبتي
الغيها تماما خلال النهار .. وبعدين رضعه في الليل يوم ايوه ويوم لا الين تلغيها تماااما . انا افضل التدريج ما احب احرمه من الشي فجأة . الله يصلحه ويهديه . |
السلام عليكم ...
التدريج هو تذبذب في الأسلوب والمطلوب في التعامل مع الأطفال هو الثبات . الثبات هو مفتاح نجاح أي أسلوب متبع مع الأطفال ... اليك تجربتي مع ابنتي .... كانت تنام باللهاية ... أنا مرتاحة جسديا لكن جواتي عارفة أنه غلط ولازم أفطمها منها ... فشمرت عن ساعدي ونويت واتكلت على الله ... الليلة الأولى : وضعتها وقت النوم في سريرها واستلقيت امامها بدون حراك ( مهم : حتى تشعر بالأمان حيث تراك وفي نفس الوقت بلا حراك لتيأس من ان تأتي اليها ) طبعا لم أعطها اللهاية ... وبقيت تبكي 45 دقيقة حتى نامت .. ( سمي عليها بينك وبين نفسك ) الليلة الثانية : نفس الأولى واستمر البكاء 30 دقيقة ثم نامت الليلة الثالثة : استمر البكاء 15 دقيقة ثم نامت الليلة الرابعة : نامت من نفسها دون بكاء وانتهيت ... ابنتي الثانية نفس الشيئ... كانت تبكي وأنا أنام واعطيها ظهري بكت ليلتان والثالثة أصبحت تنام وحدها بدون بكاء لأنها علمت : 1- اني لن احملها مهما بكت إذن فلا فائدة من البكاء 2- أنها بأمان لأني معها في الغرفة الى ان تنام يجب الصبر ثم الصبر ثم الصبر الثبات ثم الثبات ثم الثبات التذبذب يحيرهم فبالنسبة لك ... أعطيها رضعة واحدة في الليل ثم افعلي ما فعلت اذا أرادت بقية الرضعات الليلية فلتراك ولكن تظاهري بالنوم ...لا تعطيها امل بأنك ستقومين اليها ... قوي قلبك والله معك،، |
شعاع من نور ,,, شكرا على ردك بس هو ما يشرب في النهار من زمااااااااااااااااااااان من زمان يمكن سنه تقريبا الا في ما ندر يكون ما اكل ابدا طول اليوم و فجاة يجوع وقتها ممكن
رسيل ولدي اتبعت معاه هذا السلوب في اللهايه تقريبا قصيت طرفها بناء على نصيحة خالتي الله يسعدها و قلتله اكلتها الصرصور و خليتها جمبي كل ما طلب اعطيته هي الين تركها لحاله بس خايف ابطله الرضاعه فجاه لاني بطلت الرضاعه الطبيعيه في يوم واحد و تعبت بعدها فتره يمكن اسبوع بس بجرب التدريج الله يسعدكم يارب على ردودكم |
كلامي من كلام الاخت رسيل
حاليا اتبع هالطريقه مع بنتي كملت سنتين من كم يوم نفس اليوم اللي كملت فيه السنتين وقفتها عن الرضاعه بس بالليل اعطيها حليب شوكلاته بكاس وصارت تحب تشربه بالكاس ولا تطلب الرضاعه لاننها اخذتها ورمتها بالشارع |
| الساعة الآن 05:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©