|
تكفون حاله زوجي جننتني امانه قولي وش اسوى؟
مساء الخير بنات انا متزوجه من 5 سنوات زوجي شخصيه مزاجيه مره ويرفع الضغط يعني رايق نروق معصب قلب البيت كنت اشك انه يتعاطي حاجه بس مالقيت شي اقصد (حشيش) لكن لقيت معه حاجه بكيس شفاف زي فتات السيجاره يعني كنه سجياره مفتته اعرف ان الحشيش يكون مثل الصلصال لاني كل اربعاء اروح لاهلي طبعا يكون رايق ومع السلامه ياقلبي وخذى راحتك مع انى اذا بغيت اروح باقي الاسبوع لازم يعطين محاظره واذا جيت لقيته مسندح وياهلا ووموووورق علي الاخر والخميس نفس الشي يوم الجمعه والسبت يبدا مزاجه يتغير وهواش :29: والله انى كرهت العيشه يعني ممكن يتعاطي شي يخلي مزاجه متعكر وشوى راضي ماعرفت له واجهته انكر وقالي يمكن تنباك اخذه علشان مادخن ومافيها شي انا اخاف يكون حشيش لان فتره ويصير راعي الحشيش مجنون وانا اروح انا وبنيتي بالله وش اسوى حتى اذا رحت لاهي الاربعاء عارفه ايش يصير معي لما ارجع ومرات ماروح لاهلي اقول اجل على قلبه نفس الشي يتعذر يروح يسوى سياره ولا مشوار كذب وانطق بالبيت واتحسر انى ماروح لاهلي علشانه امانه يابنات انتوا لو مكاني وشتسوى لاتقولون قولي لاهلك قلت وتفاهم معه ابوي وحسيته حاقد على اكثر بعد هذى البسالفه وكل شوى يدور سبب علشان ينرفزني ونتهاوش بس صرت اطنشه اعطوني حل كيف اتصرف ابغي طريقه تغير تصرفاته بدون مايحس انى فاهمه .
|
كان ياخده قبل زواجكم والا بعد بدا بيه ؟
|
والله ماعرف بس يمكن كان ياخذه لو اسال مابيجاوبني بصدق بجد تعبت من تقلبات مزاجه احس فيه شي مو طبيعي
|
نفس المشكلة عند وحدة اعرفها................
لكن الله يلهمك الصواب وان شاء الله يجيكي رد من الاعضاء هنا ويكون زي البلسم ...الله يلهمني ويلهمك الصواب اجارني واجارك الله..........قلبي معاكي والله |
الكيسة هذي اللي يستخدمها أنا أعرفها عدل,,هذي فعلا تنباك وأكثر اللي يستخدمونها يكون يامبطل دخان أو معسل أحب أفيدك بأن مالها علاقة بتغيير المزاج والعصبية الزايدة..
يمكن زوجك طبعه المزاجيه.. الله يسخره لك.. |
ملاحظة :انا رجل ولست امرأة..
على أساس ماأحد يقولي مشكوره ياأخت تعاندني,,كما سبق في مشاركات أخرى. |
الله يعينك حبيبتي
|
عجبي من تصرفات بعض المتزوجات ياغالية أنت وزوجك انصحك بأن أي خلاف يحدث بينكما لا تدخلي الاهل فيه .. لأن بذلك ترسلي لزوجك رسالة غير مباشرة يتحسس منها... نصيحتي لك إبحثي عن حلول بنفسك وعدم تدخل الأهل بينكما لأن الحياة الزوجية ... حياة شخصية وعند حدوث مشكلة او خلاف بينك وبين زوجك بعد انتهائها أنت وهو تنسيان ما حصل ولكن الاهل دائما يتذكرونها سواء اهلك أم أهله لذلك تجنبي هذه السلبيات... وبالنسبة لموضوعك الذي طرحتيه فأنا مع الأخ تعاندي لا تخافي هي ليست من أنواع المخدرات مثلما تتصورين وحاولي ان تكوني مرنة لطباع زوجك وتمنياتي لك بالحياة السعيدة |
تسلمون يارب بس الاخت اللى تقول ليه قلتي لاهلك انا ماقلت لهم الا من شهر وصابره عليه 5 سنوات بعد ماوصلت معه للتجريح فيني بكل شي يفكر ماوراى ناس يوقفون معي ..... عموما انا الحين ماعرف كيف اسوى معه مو معقوله يكون مزاج بس اخاف ياخذ شي ثاني برا البيت انتوا مر عليكم حاله زى كذا والله مرات احس ربي جابه لي غضب مانيه طاااااااااااايقه حالي ولا عيشتي وحامل الحين بسادس يعني مافيه فكه
|
اختي الحمد لله على كل حال والمثل يقول دوام الحال من المحال0
لعل الله يهدي زوجك وراجعي حساباتك وامورك وعلاقتك مع زوجك ومن غير المعقول ان يكون زوجك عاقل تمام العقل والادراك ولايستعمل اي شي يذهب العقل ويفعل معك مثل هالتصرفات 0 وللعلم اغلب الرجال يتضايق من ذهاب زوجته باستمرار لاهلها لانه يرى انها اهملت في جزء من واجبه ولم تهتم فيه واهتمت في اهلها اكثر من زوجها وايضا من غير المعقول عدم صلة اهلك ولكن في حدود المعقول والشي اذا زاد عن حده انقلب ضده 0 عليكي اختي بالاكثار من الصدقه والاستغفار وكثرة قيام الليل ومحاولة التودد لزوجك والله سبحانه وتعالى لايغير مابقوم حتى يغيروا مابانفسهم بالتوفيق للجميع0 |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©