|
كيف اراضيها!!!!! ((مستجدات الرد 45))
السلام عليكم
مسائكم \ صباحكم خيرات البارح جاي من شغلي .. لقيت زوجتي ماكملت امور القهوه (متعود القى قهوه وحلى ومالح اول ما ارجع من الدوام) واضح انه باقي لها اقل شي ربع ساعه انا قلت لها ماخلصتي!! ابتسمت شوي قالت ماني مطوله انا اعترف اني تهورررررت وقلت : الحمد لله انا عامل حسابي واكلت برا.وانا مو من صدقي بس مادري ليه قلتها هي مسكينه جمدت في مكانها .. ومدري وش قالت لأن صوتي اعلى من صوتها وانا مدري وش بربرت على راسها( بعدين عرفت وش هببت ) بعد عشر دقايق تقريبا جابت لي صحنين كبار .. معجنات و حلى طلبَتها من محل حلويات .. وجلست على آآآآآآآآآآآخر طرف الكنب. وماتطالعني انا قلت من متى هذي عندك؟ قالت تو التوصيل جابها قلت وليه ماقلتي له يجبها قبل لا اجي؟ قالت وهي ماتطالع فيني : قال بيجيبها ثنتين و مني عارفه وش صار معاه ولا جابها الا الحين..( اربعه ونص) قلت: المفروض انك تزبطين الوقت افضل من كذا.. قالت : يعني انا غبيه ما اعرف اطلب طلب واجهزه قبل لا يجي زوجي؟ استناك تعلمني !!( مو من عادتها ترادد) فكت الصحون وحطتها قدامي وتصب القهوه وتحط الفنجال قدامي ماتناولني اياه ( ياكره الحركه هذي) قلت لها كمحاوله اخيره لفك التشنج بيني وبينها اشفيك طالبه من برا ليه ماسويتي بيدك؟ قالت بقوه : تعبانه ..قلنا تعبانه .. اخذت لها فطيرتين وقامت انا نسيييييييييييييييييييييييت انها تعبانه من الانفلونزا .. نسيت نسيت نسيت حسيت مالي داعي بقوه .. المهم خليتها ماكلمتها .. نمت في المجلس وصحيت ع المغرب .. الا لقيت الصحون زي ماهي ماجت شالتها .. ولا جت طفت المكيف كعادتها عشان اصحى.. ولا جت سوت حركاتها اللي تصحيني بها.. شفتها (وانا ناسي الموضوع ) وقمت اتميلح معها ( هذي عادتي من دون مشاكل وعوار راس).. هي صدت عني وتتململ مني ماتبيني امسكها( وهذي مو عادتها) افتكرت اني مصختها معها العصريه قمت اتميلح من قلب الحين .. الا قالت لي ( تراك قطيت كلمه مالها داعي ) بصوت وااااااااااااااااااااااااطي وانا اعرفها كل ما كان صوتها واطي معناته انا نيلت ستين نيله سودا على راسي وتنييلتي كانت في عمق عندها:24: قلت انا !! وش قلت اقسم بالله من صدقي اسالها وش قلت ؟ قالت معليه فكر شوي .. راجع شريط العصر وانت تعرف عصرت مخي قلت لها جميع الجمل اللي قلتها وافتكرها ..ماااااش وهي مكتمه وماتعطي وجه.. طيب علميني وش قلت .. ارجوك تكفين دخيل الله .. مااااااااش مكتمه وماتعطي وجه كان عندي مشوار ضروري اطلع فيه .. في نص مشواري ارسلت لي ( رحمتك .. ادري مابتتذكر لو بعد مية سنه .. بس مابتقدر تنكر لو تحاول مية سنه.. انت قلت الحمد لله انا عامل حسابي واكلت برا.. قلت لك انا تعبانه .. قلت لالا اصلا البيت مافيه حرمه !! الله يقدرني واسامحك) حسيت ان الدنيا تلف وتدور .. انا قلت البيت مافيه حرمه !!!!!!!!!!!!! شلون طلعت معاي هذي اشهد بالله اني ماصدقت فيها .. ( ارسلت رساله ثانيه بعدها : تقول انك ماكل وانت ماسح الصحون ماشاء الله !! تصرفاتك طايشه مالها اي داعي) احرجتني الصدق خلصت مشواري بسرررعه ورجعت قعدت استسمح منها قالت لا ياشيخ.. بالسهوله هذي!! تأسسسسسسسسفت لها من قلب قلب قلب قلبي بس مارضيت( انا لو تقول لي ماعندي رجال مدري يمكن اهد البيت ) طول الليل امس وهي مكتتتتتتتتتتمه مرررررررررره شسوي بها !!!!!!!!! |
حاول تاخدها بالاحضان و تقول لها البيت من غيرك ما يسوى شئ و اعزمها على مطعم
و قدم لها لو هديه بسيطة صدقني المراءة تضعف امام ذي الحركات و ربي يسهل امرك :) |
اخوي الله يحفظكم ويجمعكم على المحبة والموده دوم يارب ... والله السالفه عاديه بس غلطتك انك يوم لاحظت انك بديت تخربها من البداية ما وقفت ...بالعكس استمريت بالغلط والكلام اللي ما كان له داعي ابد ... برأيي رسالتها اللي ارسلتها لك فيها سبب الزعل ....وعليك انك تصلح غلطتك بالاعتراف بالخطأ وتوضح لها انك ما كنت تقصد الكلام اللي قلته مع قليل من المدح لها ( من قلبك ) ... يعني حياتي من غيرك ما تسوى ... والبيت من غيرك ما ينطاق و و و يعني انته تفنن في المدح بس شرط يكون من خاطرك وبصدق ...وبإذن الله بترضــــا ... ونصيحة اخت ... قبل لا تظهر اي ردة فعل تعوذ من الشيطان ... واقرأ آية الكرسي إلى ان تهدأ ثم ناقش ... العصبية عمرها ما فادت أحد ... وان شاء الله الامور طيبه ... الله يسعدك ويوفقك ... |
ما شاء الله تبارك الله
مدلعتك آخر دلع ،، وحسها ما ينسمع بعد الله يوفقكم و يهنيكم الاخوات مب مقصرينِ |
وديها بيت اهلها
و ارجع البيت و جهز اي غرفة تبيها بقلوب حمرا و اللذي منه و اشتري حلى و عصير و هدية بسيطة .. (( شي تكون طالبته منك و انت مطنش ) و غلف الهدية و حطها على السرير مع بطاقة فيها كم كلمة حلوة روح جيبها من بيت اهلها و خليها تدخل الغرفة و تشوف الهدية لحالها و انت روح جيب عشا من برى.. بترجع بتلاقيها نسيت ان شاء الله و اتعشوا و حلوو ز عليكم بالعافية الله يديم عليكم المودة يارب |
اخوي تذكرت فكرة سواها زوجي لي يوم كنت حزينه ... خذ ورقة واكتب فيها كلام حلو او مدح او غزل او اي كلام تبي تقوله لها من قلبك ... مع وردة ... وحط الورقة مع الوردة في الابريق اللي تسوي فيه القهوة او الشاي ... ويوم بتسير تجهز الشاي او القهوة بتتفاجأ ... واكيد بيكون لها تأثير قوي وبترضى بإذن الله ... ربي يسعدك ... |
تريد الصدق؟
إن كانت قائمة ببيتها وبك كما يجب وسمعت منك هذه الكلمة .. فطبيعي أن تشعر بالقهر .. وربما بطعنة في دورها كزوجة. بس واضح أنها طيبة القلب .. وواضح أنك أنت أيضاً طيب وغير معتاد على مثل هذا الكلام اللي ماله داعي ;) في رأيي الشخصي فإن التميلح يكفي في مثل هذا الموقف .. وأرى فيه تعبيراً عن الندم والأسف والاعتذار .. ولكن سيكون من الأجمل أن تنفذ مقترح العزيزتين نورة ولمني بشوق. ولا تعيدها مرة ثانية ;) لا تنسى تبشرنا برضاها. |
السلام عليكم ....
الله يسعدكم ...ضحكت والله .... أمرك بسيط وسهل ... لكن أصلا كل طبة من طباتك كانت زي اللي يبي يكحل يقوم يعمي ... عادي .... قلها أنك ما قصدت وأن حياتك ما تسوى شي بدونها وأنك ما تعيش من غيرها ... وأن نساء الدنيا كلها ما تسوى ظفر من أظفارها ... مع ضمة من هنا ولمسة من هنا .. وبعدين قلها ... فكيها عاد خلينا نطلع سوا ونتعشى في مطعم أو ناخذ عشا وناكله سوا في أي مكان .. الله يوفقكم |
في موضوعك حضر الشيطان و العياذ بالله ،،
وألا الموضوع بسيط .. أنت راجع من دوام ومعتاد على شيء معين و مضوط ،،، ومندي ،،، وبعدها سألت عن القهوة و ..الخ .. فبدأ النقاش و الشيطان حاضر و هكذا .... لذا أتمنى أن تحرص على أذكار الدخول للمنزل و السلام في البدايه على أهلك .. بالنسبة لموضوعك يكفي الاعتذار الذي اعتذرته ... وأن شأت ان تصبر حتى تعود المياه لمجاريها فلك ذلك .. وأن لم تطق صبرا .. ففي كل بساطه خذ زوجتك لوجبه عشاء و احضر لها هديه بسيطه و اعتذر منها .. وانهي الموضوع .. والله المستعان ،،، |
أسأل الله أن يجمع بينكما على خير ,,حطها في عيونك لأنها مدلعتك .. صراحة .. ربي أسأل للجميع حياة زوجية مستقرة .. ونحن بنات حواء رضانا ليس بصعب المنال .. |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©