|
مين الصح انا والا زوجي تعالوا احكموا
السلام عليكم ورحمة الله وبركاته
عندي ولد عمره تقريبا 7 سنوات واليوم الصبح لما صحيته علشان يستعد للمدرسه رفض انه يشرب الحليب ورفع صوته علي وقل ادبه وانا اتنرفزت من اسلوبه وكنت ملاحظه انه له فترة متغير وصاير يقل ادبه معي ومع ابوه ويرفع صوته علينا علشان كذا حبيت اعاقبه بدون ضرب بعقاب مايكون قاسي وقلت له انك اليوم ماراح تلعب بالبلايستيشن لانك قليت ادبك ورفعت صوتك طبعا زعل وقام يبكي وسمعه ابوه وتنرفز مني لاني عاقبته يقول انتي بتخلينه يخاف منك !! المشكله انه انا وزوجي مختلفين بالتربيه زوجي مدلع ولدي بزيادة ومايحب يهاوشه او يعاقبه حتى لو اخطأ وعلشان كذا الاحظ ولدي متعلق فيه ويحبه اكثر مني بس في المقابل ولدي مااحسه يحترمه ودايما يرفع صوته عليه وماله هيبه عنده انا احاول بقدر المستطاع امسك اعصابي ومااضربه لكن اذا اخطأ او قل ادبه لازم اهاوشه على الاقل او اعاقبه باني احرمه من شي يحبه علشان يعرف انه اخطأ وزوجي يبغاني اتركه مثل ماهو بدون صراخ ولا توبيخ ولا عقاب ويبغاني اسوي مثله وادلعه حتى لو اخطأ مااقوله شي ويقول علشان كذا يحبني اكثر منك لاني مدلعه بس انا احس الدلال الزايد يخرب الطفل ويفقد الاب والام هيبتهم واحترامهم وانا الشي هذا لاحظته في ولدي انه مايخاف من ابوه وماله هيبه واحترام عنده يعني كانه صديقه مو ابوه وانا يخاف مني اكثر ... ومااخفي عليكم احيانا اغار من تعلقه بابوه واتمنى يتعلق فيني مثله واقول ليش مااسوي مثله وادلعه بس اخاف كثرة الدلال تفسده يعني يكفيه دلع ابوه وماادري مين الصح فينا انا ولا زوجي ؟ ابغى اعرف رايكم بالموضوع وهل طريقة زوجي ودلاله لولدي صح ؟ |
عاقبيه في عدم وجود ابوه
ترى أكثر الآباء حتى لو كان عصبي مايرضى أن يشوف الأم تعاقب قدامه الله يصلحه ويهديه |
السلام عليكم ...
أولا وثانيا وثالثا : التربية مسؤولية ولا بد لكما من جلسة جادة ووضع الخطوط العريضة لهذه العملية والاتفاق عليها .. مهم جدا ...والا ستكونين كمن ينفخ في قربة مقطوعة ... وجهودك تذهب سدى... طريقتك صح ... ولا يهم أن احب أباه أكثر منك المهم انك تسوين الصح ... ولكن لا تنسي مقابل العقاب أن تنتبهي للأمور الجيدة التي يقوم بها وتمدحيها وتكافئيها ... ولا تنسي المكافئات التي بدون سبب في كل وقت مثل الضم والقبلات وأن تخبريه كم تحبينه وكم هو ذكي وكم هو لماح ( حتى ولو لم يكن كذلك ) ... صدقيني ستتوزان الكفة اذا فعلتي هذا ... دمتي في حفظ الرحمن ،،، |
(ربوهم سبع وادبوهم سبع و صاحبوهم سبع ثم اتركو لهم الحبل على الغارب) أي اتركو لهم حرية القرارات واختيار مصير حياتهم لأن الاساس والقاعدة صحيحة وسليمة
ماذا قبل السبع سنوات هذه كيف كان نظام التربية لهذا الطفل ؟ انتبهت انك ذكرتي لا يوجد بلاستيشن اليوم هل هو كل يوم ؟ الم يحدد له ساعة في يوم الاجازة مثلا ؟ طريقتك خطأ وطريقة زوجك خطأ التربية الاساس والان طور التأديب لابد من العقاب والثواب الطفل محتاج ليعرف هذا صح وهذا خطأ محتاج لقوة رادعة وسلطة حازمة تحمل قدوة وصفات عدل ورحمة وتربية صحيحة متمثلة اولا في الاب لان الطفل ولد وتساعده الام وتشد من ازر هذه الطريقة وتدعمها لاحظي انه اصبح يقلل الادب على امه واباه فأين الدلال واين ادلع فيما فاد الطفل وفيما عاد على الاب وعليكي ؟ راجعو تربية الطفل منذ اول حياته حتى اليوم وعالجوها قبل فوات الاوان والا فهناك طرف سيبني وهناك طرف يهدم والطفل لن يجد طريقة واحدة سليمة لتنشئته |
| الساعة الآن 09:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©