|
الوقوف امام الطالبات يربكني !
السلام عليكم ورحمة الله وبركاته
عندي مشكلة للأسف متعبتني نفسياً وهي انا عندي شرح درس الأسبوع القادم وصراحه حاسه نفسي جداً خائفة ومو مرتاحه وكأني جالسه انتظر يوم وفاتي ومعطله كل مسؤولياتي بسبب هالتفكير بهالأمر والمشكلة ياليتني تفضيت لذآ الموضوع لا ولاشي :( ارجوكم ساعدوني بأفكار تعطيني (ثقة بنفسي) << فاقده موضوع الثقة بقووووووووه :29: اخاف اوقف قدام الطالبات وتجيني حالة ربكة وحوسة بالكلام وانسى الكلام وللمعلومية صارت لي هالحالة وتمنيت اقطع الشرح وانسى موضوع التدريس لكن ربي مو كاتب لي انسى التدريس لأن قريب سأكون معلمة تحت التجربة هل هذا الموضوع أو الوضع طبيعي بحكم اني ناقصة خبرة ولا بحياتي جربت الوقفة امام طالبات ؟ ومين منكم مرة بموقف زي كذا ومع الخبرة صار واثق من نفسه ؟ وارجوووكم علموني ايش اسوي علشان يعدي هالسبت على خير ؟ وهل تنصحوني بتغيير مجالي الوظيفي من معلمة إلي ربة منزل >_< ارجوووكم انا بإنتظار ردودكم بفارغ الصبر |
وعليكم السلام ورحمة الله أختي الكريمة موضوع القلق والخوف شيء طبيعي مر به الكثير من المعلمين والمعلمات ومر به المحاضرين والمحاضرين وكل من وقف لأول مرة أمام جمهور من الناس ..... فهو من المخاوف المعروفة والمنتشرة !!!! لكن هذا الشعور السلبي لا يعني أنك سيئة أو لا تستحقين أن تكوني معلمة وتقفي أمام الطالبات للشرح لذلك لا تبني عليه قرار ترك مجال التعليم !!!!! ولعل الأخوة والأخوات المنتمين للسلك التعليمي العام والعالي يفيدونك بتجارب للتخلص من هذه المشاعر المزعجة والأعراض التي تحدث لكل من يتحدث امام الجمهور أما نصيحتي لك أن تجربي تقنية "الحرية النفسية" إكتبي بقوقل الحرية النفسية وستجدي موقع ومنتدى خاص اسمه الحرية النفسية فيه مختصين في هذه التقنية ممكن تسأليهم ... وفيه مذكرة إلكترونية تشرح التقنية وتبين كيف التخلص من هذه الأعراض والمشاعر السلبية.... التقنية راااائعة وتساعد التخلص من الشعور السلبي ....!!!!! وفقك الله عزوبي بس رجل |
وعليكم السلام ورحمه الله وبركاته
ياحياتي والله حاسه فيك .. بس مافي داعي للخوف الزايد هدي نفسك ^_^ اقتباس:
كون هالتجربه جديده عليك أنا مااختبرت هالشعور / وافكر فيه من الحين بس كنت مع أختي بفترة تطبيقها .. أساعدها بالتحضير وأخليها تشرح وتجرب علي هههههه اقتباس:
أختي كانت زيك خايفه موووت وكل ماقرب هاليوم .. تقول شكلي ماراح أشرح وبسحب عليهم >_< لكن سبحان الله كل شي تغيير وربي من كثر ماهي حابه هالشغله ومن ثقتها بنفسها .. حسيت أنها مخضرمه في مجال التدريس http://www.66n.com/forums/images/icons/icon10.gif دخلت في الجو بسرعه وراح الخوف من أول حصه .. تقول بس أول خمس دقايق وبعدها صار كل شي عادي احلى أيام بالنسبه لأختي ايام التطبيق .. وكانت زعلانه لما خلصت< تحسب حلى ههههههه اقتباس:
وتعاملي بلطف مع الطالبات عشان مايتعبونك ويتجاوبون معك .. مع شوية حزم طبعاً واستعيني بربك قبل كل شي وادعي أنه يوفقك .. وبيعدي هاليوم على خير ومثل ماتحبين ان شاءالله اقتباس:
وليه ماتكونين معلمه وربة بيت وناجحه بالمجاليين خلي هالتجربه تكون تحدي بينك وبين نفسك أنتي قدها وقدود ^_^ الله ييسر أمورك ويوفقك |
نعم عزيزتي انا مريت في هذه التجربة مرارا وتكرارا في الجامعة اغلب موادنا فيها برزنتيشن
لا والصف يكون مختلط بنات واولاد والله اني كنت بضحي بعلاماتي من أجل ما اوقف لو شنو يصير مايصير لكن بدأ أغير قناعات عقلي الباطن بطريقة يمكن مضحكة لكن كانت فعالة كنت يوميا اردد اقدر اعرض اقدر اشرح استطيع ذلك تقريبا 100 مرة وكنت اتدرب على الشرح واشرح لوحدي وحطيت لي هدف قاموا بنات الله يهديهم كثيرات بالعرض والشرح وانما بالحقيقة اهم يعرضون نفسهم من لباس وميوعة ودلع امام الاولاد واول عرض لي كان معانا ولد مثقف ومؤدب ومحترم وعلى قد حاله لكن البنات الي معانا يسخرون منه دائما ويضحكون بصوت عالي عليه ويحرجونه والدكتور ماكان ينهرهم فحطيتها بعد في راسي هالسالفة ويوم العرض حتى بطني عورني لكن ترديدي في عقلي الباطن الكلمات السابقة خلاني اوقف بقوة وعرضت وحاولت استخدم اسلوب السؤال + اجيب لهم قصة من واقع حياتي فشدهم العرض جدا + خرجت بكامل حشمتي وحجابي لابرهن للاخريات ان حتى البنت الملتزمة بحجابها الاسلامي الصحيح تستطيع فعل اكثر مما تفعله اجسادهم وعقولهم الخاوية بالاخير فقرة تعطين فرصة للسؤال وتخيلي من الي سئل!!!! وحدت بنت وهذاك الولد الي دايم يسخرون منه ولمن سأل صراحة كان فوق مستواي كنت سنة اولى جامعة واول مرة اعرض بدون استحياء قلت له سؤالك فوق مستواي ضحكت البنت صاحبة الضحكة القوية ظنا منها اني اسخر منه واستأنفت كلامي: سؤالك اكبر مني لانك واسع الاطلاع والثقافة ياريت تبسطه ليتناسب مع مستواي وجهلي مو العيب اني اقولك مافهمت العيب اني اسخر من عقلية الاخرين حتى لو كانت فوق مستواي الثقافي وبسط كلماته وجاوبته وتناقشت معاه بحضور الدكتور أثنيت وايد على زميلي في اطلاعه وجعلته واثق جدا وانبهرت البنت وسكتت للابد خطي اهداف واقتعي عقلك الباطن فيها الله يعديها لج على خير وانتي قدها ^.~ الله يوفقج |
وعليكم السلام ورحمة الله وبركاته ماشاء الله تبارك الله عساك على القوة أختي الكريمة / انسى امر الوقوف امام الطالبات وفكري بالمادة العلمية التى تقدميها لهم وكيف طريقتك في عرض الدرس من خلال تخطيطك وتحضيرك للدرس تشعري بنوع من الإعتزاز والثقه بالنفس.. والرهبه أمر طبيعي اول خمس دقائق غالبا وربما اقل .. ايضاالتفاوت في مستوى الصوت مهم حتى يتفاعلوا معك الطالبات ،حاولي مايكون مستوى صوتك ثابت .. بالنسبة لخوفك من نسيان معلومه/ حضري نوته واكتبي اهم النقاط الرئيسية .. بس ممكن اعرف المرحله التعليمية اللي تطبيقي فيها ؟ |
عذراً ينقل إلى القسم الأنسب.. |
عزيزتي انا معلمة ويمكن افيدك
اولا التحضير الجيد للدرس يعتيق ثقة في نفسك حاولي تكتبي عناصر الدرس على السبورة عشان ما تنسيها ثالتا حاولي اتبسطي المعلومة قدر الامكان وما تعقديها رابعا اعملي بروفة في البيت واشرحي الدرس لاحد اخواتك خامسا حافظي على هدوءك قدر الامكان وما ترتبكي اذا احد الطلبة وجهلك سؤال بالعكس قولي سؤال مهم وشجعيه اذا عرفتي الاجابة جاوبي واذا ما عرفتيها حاولي تتهربي بطريقة لبقة من غير الطلبة ما يحسوا... واتمنالك التوفيق |
هاد القلق شئ طبيعى كلنا مرينا بيه بس بتفاوت
وكله بيختلف باختلاف الموقف لكن القلق عندك شئ طبيعى لأنه شئ جديد عليكى ومانك متعودة -مثلا - تكون الأعين عليكى أو خايفة أنك تخطئى بشئ وانت واقفة امام التلميذات بس انتى مالازم تخافى كل شئ بياتى بالخبرة بس انتى حضرى دروسك جيد وحاولى تتخيلى أى سؤال ممكن الطالبات يسألوكى ياه وأحضرى حصص تجريبية لصاحباتك حتى تشوفيهم كيف بيتصرفوا وشوي شوي راح ماتخافى من شئ الله يوفقك |
الله يوفقك ويسهل امورك
اقرئي الاذكار صباحا وسورة من القران واسئلي الله من فضله هذا امر طبعي جدا لكن عندي سؤال اذا سمحتي كيف معلمة تحت التجربه اول مره اسمع عن كذا ولا تنسي حضري الماده تمام والله يوفقك يارب |
ياااحبيبتي والله
بسم الله عليك وبعيد الشر مجربه شعورك شنيييييييييييييييييع.. فيه حل دوائي بس مو مضر ابددددددددددد تاخذين حبة اندرال تلقينه في الصيدليه بتختفي الاعراض اللي يحسون فيها وابحثي عنه انا شخصيا استخدمته عند تقديم بعض الدروس والمحاضرات تحسين تقدمين بكل طلاقه |
| الساعة الآن 12:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©