زوجتي تتهمني بأني حرامي
 

السلام عليكم ورحمة الله وبركاته


أسعد الله جميع أوقاتكم حبايبنا أعضاء المنتدى الراقي


راح ادخل في الموضوع على طول ..


طبعاً قربت الإجازه الصيفية والزواجات وصار لابد أن كل زوجه تنزل السوق وتبهذل زوجها وتمرمطه في الاسواق والفرفره بين المحلات ..


طبعاً صاير لي ثلاثة أسابيع تقريباً وانا وزوجتي في الاسواق وبهذله وتعب ورفعة ضغط وما نرجع الا وتعبانين وزود على المصاريف العشاء من برا << ما بنكسر صابر تهي تهي , المهم اننا تقريباً خلصنا امممممم ما بقى الا جزمه وكريم اساس ماكس فاكتور خخخخخخ << تهي تهي حفظت الاغراض من زود ما فريت معها يالله تصبرني



المهم وزبدة الموضوع ، جات اليوم وهي جالسه جنبي وطلعت جوالها وفتحت الصور وقالت شوف ، طبعاً كانت الصوره لقطعة قماش ، المهم انا اقول في بالي يا ربييييي انا وين شفت هالقطعه ، المهم قالت وش رايك فيها ، قلت انا يعني حليوه لا باس فيها ومو ذاك الزود ، قالت يعني ما اعجبتك ، قلت يعني حليوه بس ما هيب احلى من قطعة القماش اللي شريتيها هههههههههه


طبعاً هنا الكارثه ، على طول ابتسمت وقالت انت حرامي ( من باب مزح طبعاً ) قلت : ليه حرام عليك ، قالت : لانها هي القطعه اللي شريتها من محل القماش وانت في المحل تقول حلوه وتجنن وجلست تمدحها لين شريتها هههههههههههههه


قلت انا يؤ يؤ والله ما كأنها هي ، المهم جلسنا نضحك وانا قلت لها انها في الجوال تختلف ما كأنها هي وان قطعتها تهبل وهي فعلا القطعه حلوه مره وعاجبتني حيل ..



المهم ، حتى لو كنت اكذب في موقف مثل كذا ، هل يعتبر اسلوبي مو كويس؟ مع العلم اني ما اكذب ولا اعتبر هالامر كذب ، يعني مثلا لو لبست هي لبس مو يجنن مره ومدحته ، ما اعتقد انه يعتبر كذب ، او مثلاً لو طبخت وجبه ومو ذاك الزود فالواجب اني امدح شغلها مو اذمه ، لكن لو طبق الازواج هذه الطريقه فهل يعتبرون كذابين ؟؟



المهم هذا موقف خفيف وحبيت اناقشكم فيه ..

الله يهديها حركتها مره مو حلوه

يعني مجاملة عادي
أحيانا الصراحة تجلط
خصوصا ان هالشيء مو لك ولا قدامك

هههه أخي الراسي والله موقف عايدي وأسلوب عايدي مافي شي بيضايق وبعدين أنت ماكذبت قلت أناالقماش حلو وبعدين شفته بالجوال وماعجبك شودريك أنه قماش زوجتك *ياحرامي *عم بمزح من باب الدعابه

هلا بك أختي شرفتي الموضوع

مدري يمكن انك تنظرين لحركتها بالطريقه هذي ، لكن انا اشوف انه ومن باب الميانه انها قالتها مع ان الوضع بيني وبينها ميانه ووناسه ولله الحمد ولا يتعدى حدود الادب ..


شاكر ومقدر تواجدك في متصفحي

ما أحب اسلوب المجاملاات أبد ..

إذا مو حلو قول عااااادي ,, لكن طبعاً بإسلوب مؤدب ..

لكن أبداً لا تكـــــــــــــــــذب وتقول حلوه وأنت تشوف العكس ..

" أكرررررررررره هذا الشيء جداً "

الصراحه ...

مفروض تروح للمحكمة وتشتكيها ... لأنها قالت عنك حرامي ...

بس انتبه لا تكون ترمي عليك كلام وانت مافهمته ... يمكن تكون شغال لطش في الباقي ماترده لها ...

واثق من جد هذي حركه تصير بين المتزوجين الله يهديك وشفيك

!!!!!!!!!!!!!!!!!!!!!!!!!!!!!!!!!!!!!!!!


عموما اخي الراسي انا فاهمه حركة ان الصوره غير الحقيقي

وانا طحت في هذي الحركه برضو

حركة زوجتك مو حلوه لأن اشوف فيها احراج لك عن سبق اصرار وترصد .. مدري ماعجبتني لأم مبدأي عامل الناس كما تحب ان يعاملوك.. ما احب احد يختبرني او يحرجني فما اختبر احد ولا احرجه

خلاص قلي حلو معناته حلو.. ليه اجي افتح الصوره واسأل مره ثانيه واحرجه .. حتى لو ميانه .. يمكن انا ما احب احط زوجي في هيك مقلب فأستنكرت على زوجتك

بس طالما الميانه الف بينكم
الله يهنيكم ولا يغير عليكم

شاكر مرورك وتشريفك الموضوع