اشيرو علي بحلولكم مع زوجي الله يخليكم
 

عزيزتي البعض من الرجال ينرفزون زوجاتهم بالكلام عن الزواج وبدل الوحده أربع

يستمتعون بغيرة المراة وفوران دمها هو صحيح زيادتها عن الحد تصير سخيفة لكن تظل تعجب فئة منهم

وبالرغم من إن الكلام عن الزواج من أسهل الأشياء لهم

لكن بالنسبة لهم صعب يتقبلون اللي انتِ قلتيه

يعني انتِ بتتزوجين غيره هذا مايصير فكلامك تلميح لأشياء أخرى وهذه أي رجل عاقل ما يتحملها عزيزتي وبيجن جنونه

حتى لو الأمر على سبيل المزح أو الند للند ... هم بالنسبة لهم ربي محللهم الأربع أما إحنا وضعنا غير

حاولي تغيرين طريقتك لو قال بتزوج غيرك ومن هذا الكلام تقولين له تزوج عادي وحتى لو كملت الأربع ما بتلقى أحلى مني

ولا أسنع مني ومن هذا الكلام

وإذا زودها حبتين ممكن تضيفين ولا وحده تتحمل كلامك هذا عالطالعة والنازلة


أما مشكلة الولد ناس كثير كذا

وأعرف زوجات من نفسهم يروحون لأبعد غرفة في البيت حتى لا ينزعج الزوج لأن عنده عمل في اليوم التالي

وهي إذا كانت ربة منزل تقدر تكمل نومتها الصبح وقت ينام الطفل وإذا موظفة الله يعنها

هو صحيح شعور مزعج وخصوصا انه هو يطلب منك هذا الشيء تحسين انه ما يساعدك ولا حاس فيك ويبغى راحته

وكأن الولد مو ولده وانتٍ الأم والأب

لكن احتسبي الأجر

ومثل ما يقول زوجي وقت أقوله بعض المرات وخصوصا وقت قريب ينام ساعدني شوي ما أقدر أنام لا ليل ولا نهار وحالتي لله وانت بس بتنام قرير العين يقولي أجل حقك عليه كأم أكبر من حقنا عالفاضي الله يعينك تحملي وينام

وشيء ثاني ممكن تجربين تخلين الولد بغرفة جنبكم وتنامين مع زوجك وبس يبدأ يصيح تطلعين له الغرفة وتسكرين على زوجك الباب وعليك وابنك في الغرفة الثانية لين يهدأ ويرجع ينام

ثم ارجعي وافتحي الأبواب

صحيح متعب لكن ربما حل إذا كان ودك تنامين بجانب زوجك

موفقه

مشكورين حبايبي عن جد افدوني وخاصهفي مشكلتي الاولى لكم جزيل الشكر والتقدير

حبيبتي انا اقولك طنشيه ااذا قالك بتزوج عليك ولو انها صعبة لكن حاولي تضغطي على نفسك شوي قدامه يمكن هو عرف نقطة ضعفك وجالس يلعب على الوتر الحساس فكوني ذكية وطنشي والله يقويك على ذالك
بالنسبة للنوم خارج غرفته اغلب الرجال لا يتحملون صراخ الاطفال ويقيامهم باليل فتحملي اختي الفاضلة والله يرزقك الصبر

اللي عندي يتزوج على زوجته ما يصرح ولا يمزح

همس\ حبيبتي مشكوره الظاهر اني باشوف طريقتك بصراحه حلولك حلوه دايم اشوف حلولك معقوله
كودمان\ يسلمو على المساعده والنصح
صابره بدنيتي\ مشكوره حبيبتي على النصح