|
اريد الاستقرار ولكن......
بسم الله الرحمن الرحيم
مساء الخير على كل الاعضاء الموجدين. اتمنى اني اجد راحة البال من جميع الاعضاء من خلال ردودهم الجميلة ان شاء الله وتكون من غير اي مجاملة او تحيز . انا تبدا مشكلتي مع زوجي من اول ايام الزواج بحيث انا زوجي كان يتمنى باني اتأقلم معه من البداية وهذا من المستحيل اصبحت المشاكل بيننا كثيرة واصبح ينام خارج الغرفة ويتركني لحالي من اول اسبوع في يوم من الايام حصل بيننا خلاف وذهبت لبيت اهلي برغبته وجلست عندهم 19يوم دون سؤال او اتصل وأنا اتصل وارسل دون فائدة واهلي لا يعلمون اني زعلانه مع زوجي لأني قلت لهم انه عنده شغل وكان ابوي تصل علية مايرد على احد من اهلي.هذا حصل بعد شهرين من الزواج بعدها رجع يأخذني وهو يهدد باسلوب انه راح يفكرفي غيري بس انا كنت غلطانه معه بمعنى مقصره في حقة الشرعي والحقيقة مارجعت معها الا وأنا متغيرة كثير للأفضل بعدها اصبحت الزوجة ولام والحبيبه له قمت بجميع حقوقة قسم بالله ماقصرت في شي يخصه واحترامي لاهله الحمد الله بس زوجي أخذها عليا كنقطة ضعف صار يحبسني في البيت اقاربي ما يخليني ازورهم ولا اطلع اتمشى معه ومع ذالك ما يسأل عنى ولا يجلس معي ولا يرجع للبيت من المغرب الى 1و2الليل اهله عيشين معي في نفس العمار ما أقدر اروح عندهم الابأستئذان منه وفي بعض الاوقات بيقول لا دون سبب وبصراحة اصبحت كلمة لا هي الوحيدة الا اسمعها منه وساكته وصابره بس توصل معه الموصيل انه يقول بشيل التلفزيون من البيت وأخذ الابتوب حقي وباعة دون علمي بمعنى هو مقصر في حقوقي بس انا الحين عند اهلي هو طردني من البيت علشان سبب تافه جدا بس لانه لقي نتيجة حلوه المرة الاولى توقع انه راح تكون النتيجة الثانية نفسها بس هو ما احترم اهلي ولا اخوي الي جاء علشان يصلح الموضوع طردني ودفني على الباب وهو يشوفني ابكي وترجائها انه يقضي المشكلةبعدها اغمي علي وماكان منه اي ردة فعل اخوي سبة وهزائه وطلب في اغراضي اللي باعها زوجي اتصل على ابوي وقله انا ولدك جاء يأخذ اخته وهي راحت معزازه مكرمه بعد ما وصلت عند اهلي شاف ابوي حالتي وعرف اني مقهور مع زوجي وسمع من اخوي القصة والحقيقة بعدها ارسل ابوي رساله قله فيها ارسل ورقت البنت رجع يتصل زوجي على ابوي بس ابوي صك التلفون في وجهة وارسل رساله يقول ان الدين حرم الظلم......واذا انا ضربتها فهذا مذكور في القران ارسل ابوي اقلك ارسل ورقة البنت بعدها اكتشفت اني حامل وقلتله بعد3ايام ارسل رساله لبوي يقول المولود راح اخذه وبنتك عندك .بعدها بشهر اتصل زوج اخته يبغى يصلح الموضوع وابوى قلة البنت دخلتها المعهد وبعلاجها من فقر الدم وبيكون في كلام بيننا نهاية شهر 6 . انا من جهتي ما اتصلت ولا ارسلت له اي رسالة وهو كذالك بس ترى اهلي ماقصرو فية عرفة قيمة نفسة بس خواتة يتصلوا وامه من شهرين ماتصلت الا قبل اسبوع مرة وحدة . ساعدوني ماذا افعل بس قسم بالله انه هو السبب في كل اللي صار؟ وش يدل علية اتصل اهله؟وسعي زوج اختة لصلح بيكون بعلم زوجي ولالا؟ وحابة اسال الرجال تتوقعو انه ندمان ويفكر في المشكلة ؟ اسفة على الاطاله بس اتمنى القى عندكم الحل. ولكم جزيل الشكر والعرفان |
حبيبتي
سؤال هو ليش طردك؟؟ مالسبب!! كذا فجئه !!لو سمحتي لذكري السبب التافه !! انتي الان باقي تبين العيشه معه او لا ؟؟! وليش ماتردين علئ اهله وتناقشينهم توضحين لهم الامور ؟؟!!!! ابؤك اجل السالفه ؟؟؟!! لكن اكيد محاولات اهله وزوج اخته اكيد لانه باقي يبيك وبلاخص لانك مرتبطه فيه بؤلد ! لو انه مايبيك كان قال ابطلقها وافتك ولا كان حاولو الناس للاصلاح صح ولا لا ؟ حبيبتي حاولو ا تتوصلون مع اهله اذا كلموكم تعرفونوش رائي زوجك من خلالهم ؟؟! او اي شيء اذا ارسل استغلي رسالته وناقشيه التطنيش مو حل ابد .......!!! جاوبي علئ اسئلتي لاجل افيدك اكثر باذن الله .. وبعد ليش هو حابسك بلبيت هل هو طبع الاطواء او كره لك ؟؟! ماناقشتيه ماقلتي له كيف تعامله معك ببداية الزواج وبعد رجوعك له ؟ اوصفي لي احساسك هو يحبك ولا لا؟؟واتوقع يحبك لكن شايل بقلبه بداية ارتباطك به وحركاتك !! الرجل ماينسئ ولا يعدي الامور بلساهل الا اذا وجد الاعتذار والحب والعطاء يعني تدلعه كلطفل وتعطيه حنان مو تقؤم بلؤجبات وبس! لا ... |
طرته لي بسبب اني زعلت منه لانه هاملني في البيت وقمت كسرت الصوره حقته.
ودي ارجع بس لم اتذكر اهاناته لي اكرهه كثير. اهله يحاولون يحطون العيب كله فيني وانه ولدهم مسكين مايطلع منه شى والعكس صحيح. حبسه لي في البيت انه يقول اني على نياتي مع الناس وهو خايف عليا منهم ومايبغى يرجع للبيت ما يلقاني في البيت. بكل حب وشتياق حتى اول يوم من الزواج وانا في المشغل كان يتصل يقول انه مستعجل ومشتاقلي. بعد ما رجعت كان انسان طيب وما كان يستنى اني اعتذر منه بس فجئه تغير على. هو ان شاء الله انه يحبني بصراحة انا طلبت الطلاق منه والحمد الله ما طلق وابوي طلب برضو رفض والحمد الله. مكالمات اهله بحبو يطمنو ان ابويه مو زعلان وانه يبغى الصلح.لان اخته تقول انه خايف من ابويه. |
حبيبتي
الان وش ؤدك تسؤين هو يبيك ؟؟؟ وهو معاه حق يزعل كسرتي الصؤره وبيعتبرها اهانه له لاتزعلي من كلامي !! لكن ليش هو حابسك؟؟اسباب حبسه لك ورده لك ؟؟؟ مااحد يقتنع فيه مع احترامي لك لكن غريب طبعه طيب ليش الان متحلي الموضوع وتطلبين من ابؤك النقاش مع زوجك ؟؟ ارسلي لزوجك رسالة اعتذار عن تكسيرك للصؤره وهذا يدل علئ تربيتك اصلن ! ولا تعاندي وبرري موقفك !قؤلي بصراحه انا تعبت انت ماتفهمني انت حابسني وكاني حيؤان بلبيت ! انا اعترف بخطئي لكن !انت المخطئ الاول بسب حبسك لي بلبيت ولماذا ؟؟!لااعلم واذا لديك الاجابه فااجب ...! لاتطنشينه وتكابري فمهما فعل فهذا زوجك؟؟! وبعدين الله يهديك تهورتي بطلبك للطلاق !! اصبري شؤفي تبريره وش ؟؟! حبيبتي ارجوك لاتزعلي مني فاانا اريد لك الخير واعتبرك كأأختي والله الشاهد فاانا تعاطفت معك .... والله تعاطفت وبلاخص يؤم طردك ؟؟! ودختي وو..........الخ هو اخطئ بعد لكن ودي تفتحي باب الحوار معه بلرسائل وانتي بادري باابيك اولا لتعجيل الحوار بينكم وانتي 2 !! لانك ذكرتي هو خائف من ابيك .... لكن لاترجعي الا بشرؤطك انتي وبعد اعتذاره ...... وش رايك تكفين جاوبي بسرعه لاتطولين والله اني انتظر ردك الي قبل شؤي من ساعه والله الشاهد اريد مساعدتك لاغير.. ترئ زوجك شاريك ويبيك ويحبك فلا تطلبي الطلاق بلحظة غضب تعوذي من الشيطان !!. |
ذكرتي انك كرهتيه بعد اهاناته لكي...
بنظرك ليش يهينك دامه بنفس الوقت يحبك ...؟ هل بسب حبسه لك بلبيت فقط.؟؟ ام هناك امور اخرئ !! ام تراكم مشاكل؟؟ معليش ابتعب اصابعك معي شؤي .. |
حبيبتي والله ان زوجي غامض مو عارفة شو يبغى من بتحديد كلما قلتله شي يقول ماراح اسوي الا اللي يريحني
وانتي بكيفك غصب عنك راح تتأقلمي معي |
بس انا ماراح اتصل عليه ولا ارسل له اي رساله لزم يعرف اني مو لعبه في ايده كلما زعل يقوم يطردني من البيت
|
ياقلبي زوجي يقول لي ياكلبه وتخسين اذا صار زعلان
|
اقتباس:
شخصيته فعلا غامضه ؟؟ وبديت اشك انه مريض ؟؟؟ وش هلحال !! حبيبتي تكلمي عنه اكثر لاجل نعرف نحلل اكثر ... يعني كيف تعامله معك ؟؟ مرتاحه معه نفسيا ؟؟ طبعا من ناحية العاطفه وغيرها ..يقؤل لك كلام حلو ووو....الخ لكن انتي عتبك علئ ايش غير حبسه لك بلبيت ؟؟؟؟!!!!!! هل له تصرفات غريبه ؟؟ام شخص عادي كئي زوج مع زوجته ! وسؤال اخر هل ابؤك ناوي يناقش زوجك ؟؟بنهاية شهر 6 صدق ولا تسكيت وبس ؟؟!!! انت باقي تبينه وهذا اكيد وهو بعد!! وانتي وش ؤدك تسؤين ؟هل ودك يكون بينكم تواصل ؟؟ تكلمي اكثر لاجل اعرف اكثر ...وارد عليك بشيء يفيدك... |
ويلعن اهلي قدامي ولا يرد على اتصل اهلي عليه قبل الزعل يعني مغرور ومتكبر
|
| الساعة الآن 09:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©