|
هل اصارح امي ..؟؟
سلام ..كيفكم .. فيه شي ابغى اخذ رايكم فيه وياريت تساعدوني ..وتحطو نفسكم مكاني ..انا اكثر من مره احلم في الوالده احلام مختلفه عن بعض ..وكل حلم احلمه افسره عند الشيخ ..اكثر من مره قالي الشيخ انه فيك عين من امك اول مره ماخت الموضوع في بالي ابدا لكن لمن فسرت عنده حلم ثاني قام قالي نفس الشي ..وقال خذي شي من اثرها وارتقي رقيه شرعيه ..انا ارتقيت لكن ماخذت شي من اثر امي ..اللي ابغى استشيركم فيه اقول لامي كلام الشيخ والالا ..امي ماتدري اني اروح عند شيخ ..مع انها قد قالت لي اكثر من مره ..لاني تاخرت في الحمل ..واللي يعافيكم اعطوني رايكم ..اقول والا مااقول ؟؟؟؟؟ |
وعليك السلام ورحمة الله وبركاته
شفاك الله خذي من أثرها بس ما انصحك تقوليلها |
تخيلي احساسك يوم تجيك زميلتك و تقولك ، فيني عين منك ؟؟؟؟؟؟؟؟؟
هذا و هي زميلتك ، فما بالك بأمك ؟؟؟؟؟؟؟؟؟ و بنتها تجي تقولها كذا ؟؟؟؟؟؟؟؟ أختي ، الإنسان يحسد نفسه مرات ، فهل معناه إنه الواحد يتقصد يحسد نفسه ؟؟؟؟؟؟ نفس الشئ أمك ممكن بدون قصد مدحت فيك قدام الناس و زودت بالمدح و زي كذا ، و العين حق لكن لا تقولي لأمك ، راعي مشاعرها |
اقتباس:
إذا كان كذا خذي منها أثر لما تشرب من كأس أو تأكل من ملعقة خذي أثرها وضعيه بماء وأغليه (للتعقيم ) ثم اشربي منه وما له داعي تخبريها وترى مو شرط العين حسد بل قد يكون إعجاب مبالغ عزوبي بس رجل |
اقتباس:
عااااااد أمك ,,,!!!! تخيلي بالله موقفك وأنتي تقولي لها :: أمي فيني عين منـــــــــــــــــــــــــك ,, يالله كيف راح يكون شعورها ...!!!! وبعدين الأخ يقول تعقيم : تعقيم عن أمها .... !!!!:( ما جاء القرف إلا من أمها ,, !!! نسيت يوم كانت تأكلها وهي صغيرة بيدها ,, و تنظفها من نجستها بيدها ..!! الحين تقرف منها يوم كبرت .. " نعوذ بالله من العقوق بالأفعال والأقوال وحتى بالمشااعر " " عشنا وياما حنشوف !!! " |
اقتباس:
وش عقوق وش تخربطين !!!!!!!! الدعوة ما هي قرف ولا شيء يعني لو مرضت الأم بإنفلونزا وقامت البنت بخدمتها بمرضها مع الحرص البنت حتى ما يحصل عدوى فهل هذا الحرص عقوق وقرف !!!!!!!!!!!! أختي انا دخلت على أمي سابقاً بالمستشفى لكن ما سمحوا لي إلا بعد ما عطوني كمامات غصب حتى ما تنتقل العدوى مني لها أو العكس ......... فهل هذا قرف!!!!! لا تقعد تخربطين بالهرج وتطلعي السيء من رأسك وتسقطيه على كلامنا !!!!!!!!! كل إناء بما فيه ينضح عزوبي بس رجل |
خذي من أثارها وهي لا تشعر كأن تغسلي فناجيل القهوة والشاي في إناء به ماء وتشربينه أو تأخذين النوى-بقايا التمر من أثار الوالدة اغسليها في ماء واشربيها -وكرري هذا كلما شعرت أي ضرر أصابك من الوالدة
وإياك ثم إياك أن تخبرينها بالموضوع0 بعض الناس حتى ولو كان طيب قد ينضلك وهو لا يشعر لأن نفسه شريرة وأذكر أنني قد قرأت قصة أن هناك فتاة في ليلة عرسها عمي بصرها فأخذت الام من بقايا الزوار لكن بدون فائدة وجلست البنت كفيفة مدة من الزمن وفي يوم من الايام قامت البنت وإذا هي تنظر وإذا بصرها قد عاد اليها فأخذت البنت الهاتف تتصل على امها كي تبشرها لكن الذي رد هو أخو الفتاة وإذا هو يرد عليها بنبرة حزينة وقال عظم الله اجرك في الوالدة -إذا صار سبب العمى الذي حصل للفتاة بسبب الام ولم يشف بصرها غلا بعد وفاة أمها |
اقتباس:
شوف نفسك مين اللي قاعد يخربط .. والله ما صدقت يوم قاعدة أقراء ردك .. بكل صراحـــــــــــــــــــــــة .." أنا أشوف دائم مواضيعك وردودك ,, ماشاء الله قمة العقل والإتزان ,, والفكر الراقي ... بكل صدق هذا اللي أشوفه " بس يوم شفت هالجملة " للتعقيم " نصدمت وبقوووووووووووووة ...! ممكن أن أعقم الكأسات اللي أستخدمها قبل أعطيها أمي تستخدمها ,,, هذا عاادي ..! لكن اعقم شيء بعد ما تستخدمه عشان انا استخدمة ...... مستحيل ولا جاء اصلاً على بالي .. " عشان كذا أستغربت " ... أما قلت لك عقوق : لأنه مو زين ابد بحقها ...!! الأم لو كان فيها مرض معدي,, كان لازمناها ليل نهار ... كيف لو كانت سليمة ...! |
اقتباس:
يا أختي وش انصدمت ما انصدمت كلامي عادي جداً أمي الله يحفظها لها كأس خاص تشربه فيها ماء ولها كوب تشرب فيه الساخن ولا ترضى أي أحد يشرب فيه أي كان رغم أننا كل يوم نشرب بأكواب وكأسات ونغسلها !!! فهل نقول أن أمنا ما تحبنا وتعافنا !!!!!!!!!!!!!!!! لأن ولله اللي حولنا شفناهم يعملون غير ما تعمل أمي !!!!!!!!!!!! هذا طبع فيها - الله يخليها - لكن ما نحشر البر والعقوق ثم أنا ما أضمن للأخت أنتقال عدوى أو شيء وهل الجراثيم والفيروسات بتعرف الأم والإبن ، إذا قدر الله حدث ما قدر والواحد يحتاط مع كثرة الأمراض وتدني مناعة الناس هذا كل إجراء بسيط ......... لا نوقف الدنيا عليها وعلى فكرة هذا مقترح للشيخ لي لما ذهبت له ، ومن تأمل بمقترحه عرف حرص هذا الشيخ على صحة الناس وإلا وش رأيك أرجع له وأسأله عن مقترحه لي بالتعقيم !!!!!!!!!!!!!!!!!!!! سبحان الله |
لاتخبرينها وخوذي من أثرها ومافي داعي للتعقيم
الله يشفيك. |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©