|
محتاجة لغيرة زوجي
زوجي احس ان فيه برود عاطفي فانا دائما من ابادر بالاتصال اليه واشتاق له بمجرد طلوعه من البيت وكل شوي ازعجه بالاتصال عليه والله ياجماعة الخير غصب عني حاولت امسك نفسي عليه واخبي بعض مشاعري ماااقدر وغيرته علي جدا قليلة ونادرة وانا انحرق غيرة عليه بس لاحظت اذا طنشته او قللت اتصال عليه يرجع هو من يهتم بي ولكن مو زيي
انا اشكي من بروده والله واتمنى ان غيرته تحتويني وتحسسني اني غالية وعالية بنظره وناقشته كثير اني احتاج الي غيرته يقولي مابي اشدد عليك ويقول انه يثق فيني لدرجة اني كرهت ثقته فيني طبعا انتم تستغربون لهذا الثقة جميلة وحلوة بس محسسني اني رجال مو انثى يغار ويخاف عليها حتى مرة قالي ماشاء الله عليك ماينخاف عليك قلت له ليش ماتخاف علي انا مو انثى ؟. والله ياجماعة اني مو مقصرة من ناحية المظاهر والبس والاناقة عشان ماتقلون انه ممكن يشوفني عادية الي بجهدي اسويه وفوق طاقتي بعد لكن احتاج الي اهتمامه اكثر وغيرته اكثر وهذا شى يرفع من شاني عنده والله اني فقدت الثقة بنفسي بالتدريج معه ولاصرت احس اني جميلة مثل اول والله كانت عندي ثقة بنفسي جبارة والان راحت مرات اخترع له اشياء اقوله مثلا رايحة الكويت احضر فرح قريبتي يسكت او يقولي متى تسافرين؟ ومرة اقوله بلحق على صديقتي دبي يقولي باي وقت .؟ استغرب انا اقول هالرجال ماعنده غيره ولايحس كيف يسمح لي بالسفر لوحدي من غير الضرورة وكيف مايخاف اني ممكن اتعرض مغازلة او تاثير طيب ممكن يثق فيني بس مايثق بالظروف لا تقولون لي واثق فيك ومن هذا الكلام ارجوكم لان الكلام هذا تعبني ولا اقول اني ضدد انه يثق فيني لاني والله اموت ولا اخونه بس محتااجة له يحس فيني والله ياحبتي فتحت معه الموضوع اليوم عن سالفة الغيرة وكنت احس باحتقار وكاني اقوله لازم تغار علي بالقوة حسيت بضعف والضعف شين كل رده علي انه يتحجج اني مو من المجتمع السعودي وانه ماوده يخنقني ويفرض علي العبايا عالراس والقفازات مع العلم اني والله لو قالي كذا لا اكون اسعد انسانة لاني بعرف ان زوجي يغار علي موت ولا وده احد يطالع بظفر مني بس مثل ماقلت لكم بموضوعي السابق اني حتى لو اللبس مخصر ماعنده مشكلة او مثلا اذا تضايق مرة ومسخها يقول يابنت غيري العبايا ويسكت ويغير الموضوع في الحين احبتي كل الي ابيه منكم انكم تعطوني طرق اشعلل فيها غيرة زوجي ودي احسسه لانه ممكن اي احد ياخذني منه لو مانتبه علي ادري انكم بتقلون اني تافهة بس اعذروني احبه وابيه يهتم فيني ويغار علي مثل ماانا اغار عليه هو مثل ماقلت لكم لو طنشته وسويت نفسي ما ابالي فيه يبدا مخه يشتغل بس صعب جدا مااضبط السالفة علموني كيف اسوي الله يخليكم ولا يحرمكم الاجر |
وينكم محتاااااااااااااااجة لكم
|
حسسيه بانك في حاجة له
|
عندي حل لك من ناحيه اتصالك به
خلي جوالك بدون رصيد لاجل ماتشتاقين وتدقيين وخليه هو يدق واكيد بيدق فرحبي به وعطيه من هلكلام الحلو !!! واذا عن الكولمين اسرفيه علئ اخواتك اهلك احد قريب منك وصديقني صح تنحرق اعصابك لكن بيخليه هو يدق ولا تقؤلين له ماعندي رصيد او اذا جوال عام اتصلي علئ الاتصالات وخليه استقبال يعني حددي جوالك لمبلغ معين واقعدي كلمي اهلك وغيرهم الئ ان يحدد وبكذا ماتقدري تدقين عليه او خليه استقبال فقط لاغير ماادري الاتصالات تحط لك طلبك ولا لا ! شؤفي ؤبكذا معد تدقين عليه حبيبتي من ناحية الغيره !!لاتختبرينه بامثله لا خليه اصلن مافي زوج بلدنياا الا ويغير علئ زوجته يعني هو ماجاوب كذا الا لاجل يحرق اعصابك لاجل معد تقؤلين كذا يبي يحرق قلبك وبس انتي لاتدقين عليه اذا مسكتي الجوال فقؤلي لنفسك لا هو بيدق والله ماادق! خليه يعرف يشتاق عطيه فرصه للبحث عنك والسؤال افرضي شخصيتك عليه بلثقل! فهمتي . |
ابشري حبيبتي
بس بالنسبة لجوالي لازم يكون فيه رصيد لاقدر الله يصير اي شى لازم احتاج الجوال شوفي يالغالية همس اذا ماقتنعت داخليا اني لازم اتعلم اشلون امسك نفسي حتى لو جوالي فاضي بروح اشحنه وادق عليه من نايحة انه يحرق اعصابي هو فعلا مو مقصر بحرقها وهلكني ببروده وان شاء الله تعلم اشلون اضبط شعوري معه دعواتك يالغالية همس ولا تنحرمين الاجر |
انتي اثقلي
اقنعي نفسك اعتبريه مثل اي شخص اخر تركضين وراه وتسئلين عنه وتزورينه والنهايه مايعطيك وجه ويستفزك !!!!! واحتملي انها صديقه لك !!! انتي وش رراح يكون ردة فعلك ؟؟؟ مو تتركينها !!!لاجل هي تعرف قيمتك ومدئ ؤجودك بحياتها !! وهي بتبدء تبحث عنك ..... اقنعي نفسك حبيبتي انتي الان وجدتي الحل هو الثقل معه!! وبدء يبحث عنك ..وهذا ماقلتيه سابقا اجل ليش تطردين وراه هو عاجبه انك وراه بلسؤال ويبيك كذا الدليل انك اذا انقطعتي عنه !!بدء هو يفقدك ويبحث عنك ... حبيبتي ابدئي واعزمي نفسك علئ الثقل معه بلاتصال اما اذا قال مثلا كلمه حلوه لك او مدحك فلا تقصرين بذاك الوقت لانريد ان تكوني معه جماااااااااااااااااااااااد ! لكن انتي كشفتي الحل ! وعليك بلتنفيذ . |
عوديه على حركات حلوة..رسالة عالباب لما يطلع الشغل..او بالسيارة..ابعتيلو مسج حلوه اعميليلو مساج قبل النوم..العبي معاه العاب حلوة زي اونو السلم و الحية و اليفوز يحكم عالتاني ..نامي قريبة منه امسيكي كتافو من ورا و عطري مخديتو بريحتك..و ضللك اعميلي هيك حتى لو ما تغير..
و مرة وحدة...توقفي عن كل الحركات و المساج و الرسايل و شوفي كيف حيستفقدلك و يقدرك اكتر و يسير يعملك اشياء حلوة.. مجربة و مفعولها زبط عندي.. اما بالنسبة عن الغيرة..احسنلك انو ما يغار..اريح و صدقيتي الحب شي و الغيرة شي يعني لو ما بغار مو انو ما بحبك.. انا مخنوقة من الغيرة من زوجي..لدرجة ما يسمحلي احط اجر على اجر دااااخل السيارة!!!!!!!و كل يوم يقنعني بالخمار "برقع" و انا رافضة.. طمنينا شو بيسير و اصبري. |
اقتباس:
الخطوة الجاية هي الي راح تريحني باذن الله ابي اسافر لاهلي مدة طويلة ولعلي اصمد لاني بكون مشغولة مع اهلي واكيد الوحدة بتروح عني وانشغل معهم |
اقتباس:
انا جربت معاه طريقة اني اعطيه لاقصى حد واسحب منه كل شى وفعلا نفعت مثل ماتفضلتي ولكن يرجع يقولي ماصرتي تحبيني واحن عليه واضعف الشى هذا يبغاله قلب جامد اما بالنسبة لغيرة زوجك عليك فالله يجزاه خير ودامه يبغاك تغطين وجهك فهو حريص على عرضه ودينه انضحك اختي بلبس النقاب لاجل ربي مو حتى عشان زوجك واحمدي ربك ان زوجك فيه شيم الرجال تسلمين على مرورك ووفقك الله لما يحبه ويرضاه |
ياختي كل زوج يغار على زوجته بس تقدرين تولعين غيرته لدرجه يخنقك من كثر مايغار ...مايخلي ظفرك يبين حتى ويمكن يحبسك بالبيت ,,, اذا موافقه نفذي كلامي قولي له رحت المكان الفلاني وغازلني واحد .. او البياع ومدحني وكذا وانا خفت وهربت من المحل وتركت اغراضي .. انتي طبعا رح تتعرضين للمغازله .. باي مكان يعني انا حتى مع زوجي لازم يغازلوني بس زوجي يراقب ويناظرهم نظرات بحيث انهم يستحون على وجيههم وينقلعون عنا.. انا زوجي كانت غيرته عاديه بس من كثر ماقول له صار يموت غيره وصرت اطفش بصراحه .. بس هالفتره يحاول يمثل البرود ولما امصخها يعني مثلا عيوني هو يقول سكريها انا افتحها واتمشى معه طبيعي هو يتحمل ويتحمل بالاخير ينفجر ويقول سكري عيونك تبينهم يغالونك شوفيهم يطالعون ومن هالكلام يعني انتي لاتقولين له غار علي .. انتبهي ولاتعصبين اذا كان بارد بالعكس انتي ولعيه باسلوب عادي وكلمي خواتك بالجوال:27: وقولي صار لي كذا وكذا .. مفروض خذت معي زوجي ولا احد من اهلي حتى ماحد يتعرض لي ويغازلني وألفي بعض الكلام اذا حتجتي ..واذا جيتي تطلعي مكان ورضى لك تروحي لحالك قولي له مشكووور .. بس .. يوووه اخاف يغازلوني مثل هذيك المره ووووو الخ بعدين قولي ولا مو لازم .. ان شاء الله مايتجرأون علي .. وامشي وكل مره كذا ولارجعتي قولي اللي صار لك هناك وبعدين تشوفينه يموت غيررره ... بس لاتزودينها بعدين يخنقك هههههههههه |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©