غيرتي ستحطم حياتي ونفسيتي
 

بسم الله الرحمن الرحيم


السلام عليكم ورحمة الله وبركاته

أخواني و أخواتي الأفاضل
مشكلتي بدأت من أول ماخطبني زوجي أي 3 سنوات أغار من أهل زوجي وخصوصا خواته بشده
أول ماخطبني كان تقريبا يوميا يروح بيت أخته يعني رجعته من العمل قبل مايشوفني يروح اليها وأخته الأخرى يدلعها بزيادة حتى أول بره بيتسوق معاي يأخذها معه
وحتى مرة كنا موجودين في السيارة وهو بينزل سوبر ماركت أول قال اليها تنزل وهي مارضت حاول فيها أ:ثر من مرة لين وافقت وبعدين لما فتح الباب قال اليي بتنزلي حسيت أني ماليي أهمية قلت اليه لا على طول نزل لاحاول ولا شيء
غير هذا أغار من طريقة لبسهم يعني لمايلبسوا قصير
وحتى لما يتكلم معاهم أتضايق
ودائما يقولوا اليي كان يسوي كذا وكذا
مع أن زوجي والله يحبني لكني أشعر وكأنني أريد تملكه
والله أحبه وأتضايق لما يزعل
الله يجزاكم خير قد ماتقدروا ساعدوني لأن بيتي بينخرب من غيرتي

أخي واثق الخطوة مشكور على الرد وإبداء الرأي
لكن زوجي يقول عني معقدة
تعبت واجد

أختي نور الأيمان
أحنا تزوجنا تقريبا من سنتين وكم شهر

والله انا كان وضعي نفس وضعك بالضبط

بس الفرق ان انا كانو هم اللي يسون له حركات

لدرجه وحده من خواته ترسل له مسج ياحبيبي يا اسر روحي

والله كنت اقول لولا الحرام يمكن كانت تنام معه شي موطبيعي

وحنا في بيت اهله تناديه ع جنب وتقوله ابيك بموضوع

قرفت منهم بعدين قلت والله ماقهر نفسي وهي حسيتها كانت تسوي هالحركات عشان تقهرني

ولما ماشافت مني رجا صارت اقل من اول

وانا كملت حياتي وكنت دايم اقول هم اهله وعاش معهم اكثر مني

لاتحسسين زوجك بغيرتك من اهله انتبهي وغير كذا زوجك ماله داعي يقشقش اهله معاه كل مكان استغرب من الرجال اللي كذا بصراحه بس حاولي تطنشي وتحسسيه انه عادي

اشغلي نفسك..
الغيره لا ستفحلت تحولت حقد انتبهي تكبريها براسك..
انشغلي في حالك وكيف تطلعي احلى منهم وبس

يابنات عاددي انتن مالكن اخوان ماتستغربي من زوجتة اذا غارت