|
مشكلتي اولادي
:24:اولادي مايناموا الاقريب الصبح او بعد الفجر وزوجي يتضايق من هذا الشي لدرجه انه يقول احس اني عزوبي مااحس ان عندي زوجه طول الوقت عند اولادك واذا جيت في الليل ابغاك لقيت اولادك صاحين والله عجزت انظم نوم اولادي واحس ان هذا الشي سبب بعد بيني انا ةزوجي الله يخليكم اعطوني طريقه اقدر انوم اولادي فيها بدري وعادة اذا ناموا اولادي اول الليل يصحوا نص الليل مثلا اذا ناموا 11 يصحوا 1 او 2 ابغى حل دخيلكم
|
ممكن تذكرين لي برنامج أولادك من اول مايصحون من النوم الى موعد نومتهم كم أعمارهم وكم عددهم ... |
نُقــــل لركن الطفل مكااانه الانسب ،،،،،
|
أنا حاليا نفس المشكلة ومنقرفة من نفسي
عندي رضيع والثانية طول ما الصغير صاحي هي مستحيل تنام تخربط نومها وصارت ليلية وتنام النهار المشكلة أنا نفسي متخربط نومي وما أقدر أصحى الصباح عشان أصحيها وإذا قمت وحاولت أقومها ما تحس من التعب وإذا حست تقعد تصيح وترمي نفسها وتصرخ إنها تبغى تنام وترجع على سريرها وأنا ما أقدر أقعدها غصب حتى لو طلعتها للصالة بتنام في أي مكان هذا غير إني لازم أكون عندها لو نامت وهي تتحرك حست ماني جنبها تقوم تدورني وتبغاني أنام عندها وإذا صادف أنا نايمة تقومني ويزداد نظامي خربطة لأني من النوع إذا نمت شوي وصحيت مو دايما يجيني نوم والرضيع صعب ينتظم نومه وحتى لو نام لازم يصحى يرضع فالكبيره هي اللي مجننتني ومن زود السناعة إذا نام اخوها تركض عنده وما يمديني الحق عليها تصحيه ويقوم ما ضبطت أموري الله يعين أعتقد الحل يصحون بدري عشان ينامون بدري بس ماني قادرة أطبق هالشيء وإن شاء الله نشوف نصائح الأخوات |
اقتباس:
كانك تتكلمي عني الله يكون بالعون |
ياخواتي انا اولادي الصغار جننوني قسما بالله اني كرهت نفسي بسببهم اعمارهم 4سنين وسنه يناموا الصبح 6تقريبا واصحيهم 1ونص ظهر بعدين يناموا 4 ويصحوا 7مغرب ولايناموا المره الثانيه الا6 واذا نام اللي عمره سنه3الليل يصحى 4 الصبح ويجلس الين 7 او8 صباح وانا تعبت معاهم ماني قادره انظم نومهم حتى صرت اعصب عليهم واضربهم لدرجه زوجي صار يخاصمني ويقولي لاتجنني الاولاد والله موبيدي التعصيب بس صار زوجي يبعد عني ويسمعني كلام جارح بسبب اولادي يحسب اني اتقصد اخلي اولادي يزعجوه والله ان دمعتي صارت بعيني تخيلوا ان زوجي صار يطنشني ويضم اولادي ويتكلم معاهم ويمشيهم وانا تاركني في البيت لوحدي حاسه انو كسر كل شي حلو بداخلي من بعد ماجبت اولادي زوجي كل ماله يبعد عني ياخوفي يجي يوم ادور زوجي فبه الاقيه راح مع غيري وتركني خصوصا ان كل ماصرت مشكله هددني بالزواج
|
ياختي اكيييد بيتعبوك نظامهم غلط بغلط ...
و لا تقولي ماعرفت و ما قدرت .. انت الام و المفروض هم يسمعوا كلامك مو العكس شوفي اولا انقليهم بغرفة لحالهم اذا كانوا لسه معاك .. و ابتدي من اليوم .. صحيهم الساعة و حدة و نص الظهر و لا تخليهم يناموا الساعة 4 خليهم يلعبوا يلعبوا .. اهلكيهم لعب و ظلعيهم برى المهم اشغليهم عن النوم .. بتيجي الساعة 10 او 11 و هم مدوخين نوم ... عشيهم تمام و دخليهم الغرفة و نوميهم اذا صحوا بالليل يعني 3 او 4 الفجرة.. لا تروحي لهم خليهم بيبكون شوي و يرجعوا ينامو فقط خليك حازمة .. حتى لو بكوا كثير خليهم مردهم بيرجعوا يناموا اذا ماشافوا منك اهتمام .. اذا صحوا الصبح مثلا 7 او 8 .. حلو جدا قومي معاهم و فطريهم و خليهم يلعبوا لين الساعة وحدة الظهر و بعدها بينعسوا و ينامو .. ساعة تكفيهم الساعة2 صحيهم .ز عشان تجي الساعة 10 بالليل و هم متعبين فا ينامو بتتعبي او يومين او 3 .. و بتلاقيهم صحوا بالليل يبكوا .. لكن قوي قلبك و امنعي حتى زوجك من انه يروح لهم خليهم يتنظموا .. ابني كان اخص من اولادك كان يصحى كل ساعتين يبي يرضع و يلعب و احيانا يصحي 3 الفجر شبعان نووم .. كنت اخليه يبكي اول الايام كان يبكي بالساعتين بس بعدين ماشاء الله اتعود و عرف انه مافي فايده و صاير ينام من 10 الليل لغاية 10 الصبح ماشاء الله عليه فا لازم الحزم ثم الحزم ثم الحزم الله يعينك |
الله يعطيك العافيه ياقلبي انشالله بتبع نظامك واسوي زي ماقلتي بس ترى اولادي يناموا معايه في نفس الغرفه وزوجي اذا بكي اولادي وماشلتهم يعصب عليه ودايما اللي يبكي ولدي اللي عمره سنه ينفع اهزه اذا بكي بعدين ارجعه في سريره
|
صدقيني سهل تنظيم نومهم بالذات أنهم كبروا مثل ماقالتلك نوره الله يجزاها خير طبقي كلامها وبأذن الله ينفع معاك مثلاً أذا شفتي لهم رغبه ينامون العصر أمنعيهم ماأقصد أنك تضربينهم أو شي لأ أشغليهم بأي شي يفرحون فيه خذوهم طلعوهم برى للألعاب خلوهم يلعبون وحاولوا تطولون قد ماتقدرون بعدها مثلاً روحوا السوق خليهم يحوسون فيه شوي بعدها أرجعوا البيت مثلاً على الساعه تسعه عشيهم وعلى طول على فراشهم دخليهم الغرفه وشغلي عندهم سورة البقره وطفي النور وقفلي الباب وأطلعي ولاتعطينهم أي أهتمام مهما سوو بكوا.. قاموا ... رجعيهم الغرفه ونفس الطريقه بالنهايه بيتعودون مع أني ماأتوقع يسوون الشي هذا أذا اتبعتي الخطه أللي قلتلك عليها والمفروض فصلتيهم بغرفه لحالهم مادامهم يزعجون أبوهم كذا وماشاء الله خلاص أحسهم كبروا على النوم معاكم والمفروض زوجك يساعدك ويوقف معاك مو يعاقبك على شي مالك ذنب فيه !!!!!! ولا كأنه أبوهم كأنه واحد غريب !!!!!! كلميه دخليه بالجو وخليه يساعدك |
الله يعطيكم العافيه على مشاركتكم همومي انشالله باتبع نظامكم بس انا خلال الاسبوع مقدر اخرج اولادي لان زوجي اغلب يومه في الدوام ويجي قريب العصر ومايرضى يخرجنا خلال الاسبوع بس انا ابحاول العب معاهم واشغلهم عشان مايناموا وامس كانت البدايه معاهم ناموا الساعه 12 بس صحيوا 3 وجلسوا الين 8 الصبح بس الحمدلله على كل حال ان شاءالله مع الايام يتعودوا يواصلوا نومهم وبالنسبه لنومهم في غرفه ثانيه انابيتي صغير واخاف على ولدي الصغير من اخوه فكيف انومهم لوحدهم مع بعض وهل اقدر انومهم في الغرفه اللي جنب غرفتي وهل احط ولدي الصغير في سريره مع اخوه علما بان اخوه اللي 4سنين يخاف اذا بكي اخوه ويجلس هوه كمان يبكي دخيلكم ساعدوني مالي غيركم اشكيله همومي
|
| الساعة الآن 07:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©