|
الإجازة وما ادراك ما الإجازة
السلام عليكم
انااعاني فى الايجازه من عدم الانظباط وكثرت المشاكل مع الاولادفي كل شئ حتى انى سرت اكره الاجازه واتمنى السنه كلها مدارس من غير كلمه طفش طفش حتى الصغير الى مايعرف معناها يقولها مع انى سويت المسحيل على شان تمر علينا الايجازه بسلالم لكن مافيه فايده ماادرى تمر عليكم الايجازه كذا قلة راحه:(:(:(:(:(:(:(:( |
ههههههههههه
كل الناس كذا يابعد عمري أنتي والله أذكر خالتي كذا تشكي من بناتها تقول أول مايصحون يقولون هاااااه وين بنروح اليوم؟؟؟؟؟؟؟؟؟؟؟؟؟ على بالهم اجازه لازم يومي زيارات!!!!!!! طيب ليه ماتدخلينهم دورات قران،انقلش ،حاسب، وان شاءالله ينشغلون... الله يكون بعونك حبيبتي وتخلصين الاجازه أنتي وعيالك على أحسن حال..... |
والله حرام عليكي يالغاليه انا قاعده أحتريها بفارغ الصبر والله الاجازه راحه عالأقل نغير جوالدراسه وأرتاح من الجامعه ثلاث شهور وبماأني توي ولدي عمره سنه وشهرين الله يعيني أذأكبر ونكد علي
|
والله ذكرتيني بالوالدة - الله يحفظها - تكره الإجازة ومن أول يوم في الإجازة تعد لنا لبداية الدراسة تنازلي يوميا ...نقول لها حرااام عليك لا تنكدينها علينا ....
وشوفيها في آخر الإجازة وشلون مبسوطة :14: وكل يوم باقي 10 ايام وتبدأ الدراسة باقي 9 أيام ةتبدأ الدراسة باقي 8 أيام وتبدأ الدراسة أحسها كانت تستمتع بتعذيبنا :( الحين وانا أم عكس بس يمكن لأني اتعب مع عيالي في دراستهم فأتمنى أي إجازة ان شاء الله يومين عشان أرتاح ... الله يصلح لنا ويصلح لكم ويطرح فيهم الخير والبركة ويعلمهم ما ينفعهم وينفعهم بما علمهم يا رب العالمين |
شكرا جمال الروح
شكرا اميره بطبعي شكرا رسيل مروركم اسعدني |
.. كم اعمار أطفالك ؟
ليش ما تسجليهم بنشاط صيفي ؟ يتعلموا شيء يحبونه ؟ مثل التيكواندو ؟ السباحة ؟ الرسم ؟ أشغال يدويه ؟ قرآن ؟ كمبيوتر ؟ رياضه كرة القدم مثلا ؟ يعني في امور كثيرة .. يعني تسجليهم بنشاط يحبونهم .. ويستفيدوا منه .. ليش ما تحاولي تشغلي وقتهم بأمور يحبونها , بدل ما يقضون وقتهم يقلبوا البيت حلبة مصارعة ؟ .. مثلي ,, شوفي كل واحد فيهم شنو ميوله ؟ وشنو يحب ؟ .. مثلا عندك بنت تحب الرسم والاشغال اليدويه , مارسي معاها هذا النشاط مرتين بالاسبوع مثلا , وعلميها تسوي اشياء تستفيد منها , والبنات يحبون القص واللصق وعمل الاشياء .. .. سوي جدول لاطفالك .. مثلا من الساعه ... الى الساعه ... مشاهدة التلفاز , وطبعا كل واحد كل وقت معين يشوف فيه رسومه المفضل .. .. بالاسبوع مره , خليهم يساعدونك بعمل كيكه مثلا بالمطبخ .. .. اشتري لهم العاب جماعيه , مثل الاونو , المونوبولي , الاربعة تربح , وخلي لها وقت معين , يعني ما تكون اللعبه متواجده معهم طول الوقت , علشان ما يلعبون فيها ويملون منها ,, لا خلي لهم يوم معين ووقت معين , خليهم يشتاقون للعب فيها يعني يوم السبت الساعه ... نلعب المونوبولي .. يوم الاثنين الساعه ... نلعب الاونو .. نمي مواهبهم , اذا كان عندك طفل يحب الرسم اشتري له عدة رسم من دفاتر رسم والوان وخلي لها وقت معين .. .. اشتري لهم بليستيشن , وحطي لهم وقت معين ويوم معين , علشان ما يملون منها , خليها مرتين بالاسبوع .. .. سوي لهم جدول يضم كل شخص وشنو راح يسوي , وسوي الجدول بالالوان والرسوم الحلوة , وحطيه لهم بغرفتهم .. .. ويفضل انك تخليهم يمارسون بعض الانشطه بدونك , علشان يكون بينهم تفاعل .. .. خذي رايهم بالانشطه الا راح يحتوها الجدول , والوقت الا يحبونه ويفضلون لممارسة النشاط .. .. سوي لهم مسابقات .. .. حطي لهم جدول للنجوم , وحطي فه خانات لاعمال او امور مثل ترتيب السرير , غسل الاسنان , عدم الشجار , الالتزام بالصلاة , خليهم يتنافسوا , واشتري لهم بنهايه الشهر هديه رمزيه بسيطه للشخص الا التزام بكل الامور وحقق نجوم اكثر .. .. واذا يوجد جنب بيتك ملعب كره قدم , اتركيهم يلعبون فيه ساعه .. .. خذيهم لمشوار جميل مثل الملاهي , حديقه الحيوان , زياره اصحابهم , زيارة الاهل .. الله يخلي لك عيالك , ويهديهم , ويكونوا بهذه الاجازة مريحين , ولطيفين .. |
أوووووه
تعالي أقول لك أنا زيك أعد الإجازه يوم بيوم والله أنتظر المدارس هذا وأنا ما أخليهم يسهرو ومسويه لهم نظام وبالكثير ينامو الساعة 11 لكن على قولك طفش طفس ووالله لو يغنو طفش طوووول اليوم مفيه طلعة إلا اخر الأسبوع لأنو زوجي مشغول لكن أكثر مايتعني في الإجازة مضارباتهم مع بعض لأنهم صارو فاضيين وبدون مذاكرة ومدارس طفشت وأنا أحل مشاكلهم وأعاقب وحدة وحدة بالدور من جد طفشت مرررررة أحيانا أعاقب نفسي وأدخل غرفتي وأقول لهم لا أشوف وجه أحد فيكم وطبو في شوش بعض أنا مالي دخل الله يعيننا عليهم |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©