|
خايفة ومرتبكة من أول يوم دوام لي !!
السلام عليكم ,,
بدون أي مقدمات .. آنا بكرة اول يوم دوام لي .... ومادري اشفيني من الصبح للحين قلبي يدق بقووة واحس وكأن بكره موعد اعدامي مو موعد دوامي ! حدي خايفة ... واحس مرتبكة !! واحاتي .. واوسوس كلامي يضحك ؟؟؟ ويمكن غريب ! لا تستغربون لأن آآنا أول مرة بحياتي بشتغل إن شاء الله ... واصلا آنا طول عمري وحياتي كله معتمدة على الي يسوي لي اشغالي ... يعني قبل الزواج كان البابا يسوي لي كل شيء ولا اعتمدت على نفسي ب ولاشيء حتى ايام الجامعة كانت صديقتي هي المتحدث الرسمي عني !!!! وبعد الزواج زوجي استلم كل شيء عني واتكلت عليه بشكل تاااام ! وعشان جذي احس نفسي اول مرة بدخل مكان ... وبكون فيه بروحي وبدون محد يساعدني !! ياربي احس خايفة ! الحمد لله الشغل قريب مني وايد وايد ووقت الدوام مناسبني من 9 الصباح لحد 3 .. وهذا وقت يكون فيه زوجي بالشغل ... الفرصة وصلتني لعندي وترجوني عشان اشتغل عندهم وآنا احس اصلا ً ما اخذت وقتي بالتفكير صار ضغط علي مرة وحدة لحد ما وافقت بس وافقت بشكل جزئي فقط !!! يعني اداوم كم يوم ولو ما عجبني الشغل اتركه ! ولو عجبني اكمل ان شاء الله !! والمشكلة الثانية .. الإلتزام ! احس نفسي ماحب التزم بشيء غصب عني :29: واحس اكيد ما بقدر على الشغل ! ادري يتقولون عني دلوووعة ! بس شسوووي آنا جذي ما تعودت التزم بشيء ! حتى الطبخ بالشقة .. اطبخ وقت ما مزاجي يبي واترك المطبخ لو مزاجي خربان ! اسوق سيارتي وقت مابي وما اسوق اذا متمللة ! اطلع وقت مزاجي يبي واقعد بالبيت وقت مزاجي يوقف !! يعني كل شيء بحياتي مخليته بمزاجي يعني مزاجية وايد وايد والشغل احس فيه التزام ومابقدر اسوي شيء بمزاجي :25: بس ابي كلمة تشجيع منكم ابي احد يوقفني عن حدي عشان اترك الدلع برى وبعيد واشوف شغلي زين ! لأن ما احس الفرصة راح تتكرر ! |
الله يوفقك و يجعلها وجه خير عليك ,, يارب
بالعكس روحي لأن بتتعلمين أشياء جديدة مثل الإنضباط و الجدية و تعطيك ثقة بنفسك أكثر و بتصير حياتك مرتبة و تروح عنك المزاجية الزايدة و بعدين دوامها مناسب ماشاء الله تبارك الرحمن و فاضية ما عندك شيئ و تقضين وقتك علبال ما جاك البيبي الجديد بإذن الله الله يوفقك |
الف مبروك على الوظيفة يا قلبي يجعلها قدم السعد والهنا والرزق عليك يارب
حبيت ابارك ولي عودة ان شاء الله عز وجل |
منت عاجبني راح اكون قاسية معاك شوي حبيبتي .. بس والله من محبتي لك في الله
و اعتبرك اختي و خايفة عليك ... فا لا تزعلي مني ببتدي بالجزء الاخير ... جزئية المزاجية .. غاليتي .. اليوم انتي و زوجك فقط بالشقة .. و ممكن تمشوها حسب المزاج لكن بكرة ان شاء الله ربي بيرزقك اطفال .و الاطفال مو لعب و ضحك و حضن و بوس و شيلوه مني لا ياقلبي الاطفال 80 بالمية مسؤلية اذا مو اكثر .. . ايش بتسوي .. لو طفلك قعد طول الليل يصيح ؟ بتقولي مالي مزاج اقوم اشوفه؟؟ اكله و رضاعه كل شوي .. تغييره و تحميمه .. الجري وراه .. تحمل بكاءه الي يجيب الصداع .. ايش بتسوي بتقولي مالي نفس و مالي مزاج خذوه ؟؟ بكرة راح تزيد عليك المسؤليات . بيت و زوج و اطفال .. لازم من الحين تعودي نفسك على ترك المزاجية جانبا و تحمل مسؤلياتك الطبخ لازم تتعودي تطبخي كل يوم لك مزاج و الا ما عندك .. هذا اجباري . كلنا مانبي و ماعندنا مزاج نطبخ وونفخ و ننظف و نربي لكن خلاص هذا واجبنا و دام اخترنا الزواج فالازم نلتزم بمسؤلياته ... عودي نفسك من الحين اجبريها على عمل كلا شي و اي شي في اي وقت و لا صدقيني راح تتعبي بعدين ... اما بالنسبة لقلقك من العمل .. فا طبيعي ياقلبي لانك مقبلة على شي جديد .. فا طبيعي تحسي بالخوف و القلق بس بكرة ان شاء الله بتبتدي الدوام و و بتغيري رايك .. فرصة ذهبية لا تتركيها .. على الاقل بتغيري من روتينيك شوي .. بتاقبلي عالم ثاني و ناس جدد .. تتعرفي على اشياء جديدة بتكسري روتينيك و تستفيدي من وقتك المهدور صباحا :) و حتى لما يرجع زوجك بتلاقي انه فرص الحوار بينكم زادت كثييير لانه في شي تحكي له عنه ... و بعد فترة بيصير عليك صعب تتركي العمل و تقعدي بالبيت و بتذكري كلامي .. الله يوفقك يارب و ينولك كل ما تتمني حبيبتي |
اقتباس:
اقتباس:
آآمين .. ويوفق الجميع يارب ... الشيء الي مخليني اووافق بشكل جزئي إن وقت الدوام مناسب وظروفي مناسبة الحمد لله بس مادري اشفيني كل شوي آآخذ الموبايل بدق عليهم خلاص بكنسل !! ومقووويه روحي عشان لا اسوي هالحركة ! خصوصا ً إني عطيتهم كلمة :s شكرا ً لك حبوووبة عالمرور اقتباس:
اقتباس:
الله يبارك فيك ... ويسمع منك الدعوات الحلوة وبإنتظار عودتك =) |
الف مبببروك الله يوفقك يارب
:14::14::14: لاتخافي ولاترتبكي عادى دا شعور طبيعي ماتعرفي الناس والمكان كم يوم وتتعودي :22: اضحك تتصلي وتنكسلي:29: اشتغلى وغيري جوو لاترفضي رزق جاكى الله يباركلك فيه |
اقتباس:
افا عليج عزيزة وغالية .. أصلا ً آنا يبي لي من يشد علي شووي ! حتى زوجي تارك الأمر بيدي (هو مشجع فكرة إني أغيير جو بالشغل عن الملل) بس بنفس الوقت لو قلت مابي اشتغل ! بقول خلاص على راحتج .. يعني مو مساعدني اتمسك بالفرصة الي وصلتني اقتباس:
اكيد لازم اعود نفسي على المسؤوليات وهذا الي صار .. إني عودت نفسي على مسؤولية الزواج وبدأت اسوي كل واجباتي الزوجية ... ولكن بعد (بمزاج) !! وضعي ووضع زوجي يساعد بهالأمر ! يعني زوجي غايب من الصبح لليل , وما آكل معاه إلا وجبة وحدة !! وهي العشاء وقت الي مزاجي رايق بطبخ أحلى أكل وبدلعه واتفنن في التقديم ووقت الي متمللة نآكل أي شيء وخلاص !! وأوقات هالمزاج يطوول بالأشهر ! بس زوجي عادي عنده ما يقول شيء وإذا صار خاطره في طبق او شيء يطلبه واسووويه اكيد .. وايضا ً مسؤولية الشقة وترتيبها وتنظيفها والملابس ... بداية الزواج كنت اشتغل على مزاجي .. لكن الحين الحمد لله تعدل الوضع وتحسن بكثييير ... يعني وايد اوقات انظف وامسح وآنا مالي مزاج :d:25: بالنسبة لمسؤولية الأطفال .. من زمان وأنا آحاتي هالمسؤولية ... !! لأن الطفل راح يكون بحضني 24/24 ساعة !! وآنا ما احس روحي قد هالشيء ابداً بسرعة اتملل واتضايق ..!! :30: والحمد لله شكله تأخير الحمل عندي حكمة عشان ادبر اموري اول واتخلص من المزاجية واصير قدها عشان الله يعطيني طفل ... بس اكيد لا جى ولي العهد بصير كلامي غير ولا بشيله من حضني لا تخافين :d آنا مابي اجيب اطفال واهملهم !!! مستحيييل .... ابي وقتي كله لهم اقتباس:
إن شاء الله كل شيء يمشي على خير يارب والله يسهل علي !! <~ حسيت روحي ادعي لوحدة بتولد !! :d:d وهذا الحلوو بالسالفة بدل ما اقضي الصبح بالنوم والنت والتلفزيون اقضيه بالشغل و6 ساعات شغل تمر إن شاء الله نوووري حبيبي ... اشكر خوفك علي وتوبيخك :d والله يعدي بكرة على خيير وادعوا لي يعجبني الوضع بالشغل عشان اكمل :23: |
اقتباس:
الله يبارك فيك .. مادري اشفيني استانست شوي يوم باركتوا لي :d كنت حاسة روحي بروح السجن :25: بس الحين حسيت من فرحتكم لي إن بروح مكان حلو :17: آآنا لحد هاللحظة مترددة أكثر من ما تتصوري ... بس بعطي نفسي مجال بكرة اشوف الوضع والشغل شكرا ً لك حبووووبة ... وإن شاء الله اتعود بسسسرعة :29: |
ماتمرين به شي طبيعي وسوف يزول مع مرور الوقت اذا تعودتي على العمل
وسوف يصبح العمل جزء من نفسك واكيد وحده مآخذه راحتها سوف تجد صعوبة في بداية الامر لان العمل التزام جدا اعانك الله ووفقك في وظيفتك |
ما شاء الله على كلام نورة .. أتفق معها تماماً .. حتى في قرصة الأذن الخاصة بالمزاجية :)
وفقكِ الله يا عزيزتي .. وإن شاء الله فاتحة خير. |
| الساعة الآن 05:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©