مترددة في السفر إلى أهلي ..
 

السلام عليكم اخوتي الافاضل اريد ان استشيركم واخذ رايكم في موضوعي انا من لبنان و مقيمة في السعودية انا كل سنة بسافر عند اهلي في لبنان في منزلهم لانو لا يوجد عندي بيت واهلي الله يبارك فيهم ما بيضايقو مني ابدا و يحبونني وهم على قد حالهم و انا لما انزل عندهم ما اثقل عليهم اشارك في مصروف البيت بس مو عارفة انا ليه مترددة هذة المرة في السفر صليت استخارة و مشتاقة لاهلي بس حاسة نفسي ثقيلة انا عندي بنتين صبايا و ولد واحد وبناتي مصرين على السفر علشان تغير الجو ولهم ااصدقاء وحابين يزروهم انا شايفة انو اجازتي قصيرة مدة شهر فقط زوجي موظف والف حمد لله تذاكر السفر من شركته و اوضاعنا المالية اقل من الوسط بقليل من جهة بقول حرام المصاريف علشان عندي التزامات مصروف جامعة لابنتي وولدي السنة الجاي باذن الله عندو توجيهي وافكر بمستقبله كتير و ادعي من كل قلبي الله يقدرنا نصرف على تعليمه لاني خايفة من الغد لان مافي شيء مضمون انتو عارقين الغربة ما الها امان و نحنا عيشين على راتب زوجي و مليون الحمد لله عايشين عيشة كريمة بس شو اعمل اعاني من الخوف من الغد كثير شو اعمل اتكل على الله و اسافر علشان بناتي الله لا يحيركم ربي يجزيكم كل الخير في الدنيا من تساعدني برايها واسفة على طول رسالتي

لا تكوني حساسة زيادة عن اللزوم هدول أهلك ومجبورين عليك وانت ما شاء الله ما قاعدة تقصري ويدك معاهم في الصرف .. وأولادك من حقهم يغيروا ويشوفوا اهلهم ويصلوا رحمهم.. ولو كانت الميزانية تسمح أكيد كان نزلت في شقق بالإيجار وريحت بالك بس أكيد الأهل ما بيرضوا وبحبوا بنتهم جنبهم خاصة لو كان بيت العيلة.

أنا بقول توكلي على الله.. وروحي شوفي اهلك بنية صلة الرحم واستمتعوا بالإجازة ونالي رضاء أقرب الناس إليك، وهاديهم فالهدية تفتح باب المحبة.. وعن رزق العيال ومصاريف دراستهم ربنا ان شاء الله يفرجه من عنده.

السلام عليكم
الله يعطيك كل الخير في الدنيا ويجعلو في ميزان حسناتك بلشت ارتاح نفسيا وبانتظار اراء باقي الاخوات ربي ما يحرمني منكم