![]() |
زوجي متعبني
السلام عليكم
انا بصراحه حابه افضفض زوجي حبيب جدا وطيب جدا ماشاء الله ولاكن فيه تصرفات تغيرت فيه كثيرا انا صارلي 3 سنوات متزوجه وعند طفلين اشتاقله شوق مو طبيعي احب انه يجي يتكلم معي ويسلف معاي صاير صامت وجلسته ممله بس ادا جاء من الدوام يتفرج تلفزيون وينام احانا اجي اقله انت متضايق مني فني شي قالي لا انا متضايق من نفسي احبه موت بس تعبت كثيرا الي يسويه غيني قاعد ياثر على حياتي واطفالي نفسيا مايطلعني ولايخليني اطلع مع اختي لموزين يقول مامعكم محرم نفسي يطلعني مطعم نتعشى سوى مش الهدف الاكل والشرب الهدف تغيير جو يقول ليش بجيب عشاء وتعشى في البت صرت اشتاق اسمع منه كلام حلو صار جاف وادا زعلت يراضيني ويقول تحمليني مالي غيرك وما ااتخلى عنك بكنوز الدنيا احترت في امره عمري ماسافرت معه وانبسطت السفر معه مو ممتع صرت ما احب اسافر معه الحين وعدن بسفره قلت سامحني ماراح اروح لاني ادري اني ماراح بنبسط مشاقه لزوج حقيقي هدا شي بسيط م اللي اعاني منه متضايقة من وضعي وضعي يؤدي للخيانه بس انا اخاف الله ولله الحمد ولدي صغير نفسي اطلعه طفش من قعده البيت وعمري ماكلفت عليه عطني وسويلي الحمد لله انا قنوعه ماكلفته الابيتي قبل فتره غيرت اثاثه وماجبرته من نفسه خلال الثلاث سوات ماعندنا غير مشكله وحده عجزنا نحلها انه ماطلعني وابي اتمشى كلامي مو مرتب ادري بس قاعده افضفض وضايق صدري ولله الحمد وكل مازعلت اقوله طلقني وانا مو صاقه بس الحريم هدا سلاحهم دائما لم اقولها يقول قولي لابوك اخر مره قلتها وياريتني ماقلتها كنت وقتها اخد حبوب منع حمل وتوني طالعه من ولاده قلت طلقني وطلقني بلا تردد مع انه يدري اني مو صادقه طبعا رجعتله والموضوع ماكا جدي بنسبه لنا بس احس بجرح مو قادره اسامحه م داخلي سهولت تخليه عني وهو دايم يقول مستحيل اتخلى عنك وكان عارف وضعي النفسي وماقدر مع انه دائما يقول قدري وضعي لاكنت زعلان مشي وش معنى انا احيانا احس اي ولاشي بنسبه له وش الحل وش اسوي الحمد لله على كل حال انا ما ابي الكمال في حياتي بس ابي اعيش زي اي زوجه طبيعيه واقل كمان بس حياه حلوة |
الله يخفف عنج همج فديتج ..
عندج 3حلول ... اقدر افيدج فيهم أول حل .. تتعدلين له اتسوين ليلة رومنسية واتخلين عيالج عند اهلج او احد من اهله وتقولين له عن اللي مضايقج أو الحل الثاني < وهذا آنه اسويه اذا تهاوشت ويه ريلي اكتبيله رساله .. قولي له .. " آنه احبك واموت فيك .. واشوف فيك دنيتي وناسي واهلي واحلى يوم في حياتي يوم اللي اكتبت لي نصيبي .. كنت اتمنى ريال مثلك ، ولو الف الدنيا كلها ما لقيت واحد احبه مثل حبي لك وآآنه ادري اني حبيبة قلبك ، وانته ماترضى لحبيبة قلبك تتأذى وووو إلخ " أو الحل الثالث .. قعدي كلميه جنج بتقولين له قصة .. كان يا ماكان في قديم الزمان .. كان فيه رجال حلو وحبيب وااايد يحب وحده ووووو إلخ وكملي القصة وفي نهاية القصة قولي المشكلة اللي بينكم واسأليه عن رايه قولي له برايك انته شنو الحل ... عشان الاميرة ترضى على الامير ؟؟ الاميرة شتسوي حق الامير عشان يطلع معاها ويغيرون جو ويعيشون بسعادة :) اموفقه |
وأنتوا ياحريم كل ماصارت مشكلة بينكم وبين أزواجكم
تطلعون بسالفة: أنا ترى بخونه بس اني أخاف الله,أو أنا بطلب الطلاق(استفزتني), عجيب أمركم,وكأنها أول الحلول أو هو الحل للخروج من المشكلة نفسها, الرجال طيب وحنون وأكثره ايجابيات,يبي له توجيه بسيط, اجلسي معااه في وقت مناسب ويكون فيها رايق ويتقبل النقاش وشوفي وش في خاطره عليك,يمكنك أنتي السبب يمكن العمل, يمكن الأصدقاء,يمكن,ويمكن,ويمكن, وأنتي الأقدر على فهمه.. الله ييسرلك أمورك.. |
انا ماقلت بخونه انا ما اخسر اخرتي علشان رجال ولله الحمد انا اقول انه وضعي فقط وغير كذا ماقصرت بليالي الرومنسيه ودائما افاجئه بحفلات واذا ضاق صدري منه ارسله رساله ايميل اقوله اللي في خاطري وبنسبه له عمره ماشاف انه فيه مشاكل وهذا اللي مازم الوضع بيننا انه مو شايف انه في شي الله يعين يارب
|
حبيبتي الغالية نعم هذا سلاح كل مراة يوم تزعل تقول طلقني وانا اولهم
شوفي حبيبتي احيانا الرجل يستفز بكلمة طلقني ويقوم يطلق وتكون ردة فعله الطبيعية انا كل ماصارت لي مشكلة مع زوجي اقوله طلقني يقولي انتي طالق صرت اخاف من هالكلمة وقلت له لو اجلس اقولك طلقني اللف مرة لا تطلقني انا بس ابي اشوف غلاوتي عندك طبعا احيانا كلمة طلاق تستفز الرجل لا تحكمي عليه من خلال نرفزة او ردة فعل قد تكون جدا طبيعية وقدري وضعه شوفي حبيبتي الي احسه انه عندك شوية ملل حاولي تغيري من روتينك والبسي وتانقي له وخليه يشوفك كل يوم لون ترى الرجال يطفشون الله المستعان وش نسوي حنا مطلوب منا كل شى اما بالنسبة للطلعات قولي له يازوجي ياحبيبي انا محتاجة اغير جو معك انا بشر واحتاج للتغير احتويه بالدلع والكلمات الي تخترق القلب اما مسالة الخيانة شليها من راسك على الاطلاق لانك بتخونين ربك اولا وتغضبينه عليك ماورى الخيانة الا الدمار وهما كان زوجك فهو حلالك واي شى يجي منه على الراس اما الخيانة ماراح تورث لك الا غضب الرحمان وضيقة الصدر بسمي بالرحمان وتوكلي على الله زوجك يحبك يالغالية بس انتي يبغالك شوي تضبطين وضعك وتغيرين عليه كل شى حتى يحس بالتجديد اذا جا متضايق قولي له شفيك واذا عيا يقول لا تضغطي عليه واتركيه براحته وفكري كيف يكون بيتك هو جنتك وافرحي بعيالك وتونسي معهم عسى ربي يحفظهم لك موقفة يالغالية واهنيك على حبك لزوجك الله يجعلك قرة عين له |
استغفر الله العظيم ؟؟؟؟
يعني عشانه ساكت وما يطلعكم صرتي تفكيرين بالخيانة والطلاق عشان تنتقمين ؟ لا حولا ولا قوة إلا بالله العلي العظيم |
معليش اللي يقرى موضوعي يايقراه زين والا يتسهل يخسى اي رجال في الدنيا اخسر ربي عشانه انا ماقلت بخونه قلت كثير من هم بوضعي خانوا ازواجهم فعلا وهذي حقيقه مش من راسي ياكثر خيانات الحريم لازواجهم بسبب والا بدون وهذ ا من ظعف الايمان والا زوجي ما ابدله برجال الكون
|
عزيزتي : مشاعرك مختلطه تشعرين بالضياع والشتات حينما قلت أنك تفكرين بالخيانة فهذا دليل صريح على افتقادك وجود شيء مهم في حياتكما الزوجية وهو ماتعانين منه بالدرجة الأولى .. عدم الأشباع عاطفياً والذي هو ماينقصك وما يجعلك تتألمين .. برأيي تحتاجين لكسر الروتين وانعاش حياتك الزوجية وحول تطبيق عدة اموور 1- توقفي عن سؤال زوجك مابك ومالذي يضايقك وحاولي أن تجعليه ينسى كل همومه وذلك بتهيئة الجو له والأهتمام به .. 2- التجديد : أمنحي نفسك مظهر جديد اما قصة شعر جديدة او تغيير لون شعرك او تغيير ستايل ملابسك وعطرك .. 3- غيري في طريقة تنظيم بيتك وتصفيف الأثاث دعيه يرى لمساتك بالبيت 4- جربي أن تختاري المكان وتححدي اليوم اذا اردتي ان تخرجان سويا وحاولي مساعدته بدفع قيمة العشاء مثلا عن خروجكم للمطعم ولكن ليس دائما .. 5- أكثري الأستغفار وسترين النتائج العجب وفقك الله لكل خير |
يا اختي اكثري من الدعاء
وبعض الرجال هذا طبعهم ممكن حتي لوتطلبي الطلاق ما حيغير من طبعه فعيشي معاه علي صمته واشغلي نفسك باي شئ مثلا احفظي قرا ن الكريم او اي شئ انتي تحبيه فهو خير ونيس الله يسخر لك زوجك |
أختي الكريمة ...
زوجك فيه شئ جديد في حياته حاولي معرفة هذا الشئ بالنقاش الهادئ قد يكون السبب مشكلة في عمله أو أنه متضايق من أحواله المادية أو شئ نفسي و هذا كثير موجود خصوصا من بعد اللي صار في السنوات الـ 20 الماضية و حاولي أنه يروح لطبيب نفساني وهذا ما فيه شئ بالعكس راح يساعده كثير إذا كان فعلا صادق في حبه لك وأنه لا يوجد سبب حقيقي في حياته لحالته معاك ... سافري معاه إذا حب يسافر و جودك بقربه وكلامك معاه راح يقرب المسافات بينكم ، أنصحك الأن بأنك تتكلمين معاه بصراحه و هدوء بدون إنفعال و تتفهمين كل حالته حتى لو كان في حياته نزوة طنشيها لأنك تحبينه و تريدين العيش معاه فمعظم الرجال يخرجون عن النص لأي سبب أو أحيانا بدون سبب و لكنها نزوة لكن أطلبي منه أنه يتكلم معاك بصراحة و أنك ما راح تتضايقين مهما كان السبب حتى لو من ورى قلبك المهم أنك تعرفين ليش الرجل متغير ،، صدقيني أختي الكريمة عطيه وقت للخروج من حالته و اصبري عليه و أنا أعرف أن بعض الحريم يتضايقون كثير من الرجل لما يكون بمثل هذه الحاله و يعتقدون أن الحل بالتعرف على رجل آخر .. صدقيني ما راح تلاقين رجل صادق معك لو فعلتي ذلك كلهم يأخذون حاجتهم منك ومن بعد كذا ينسونك و ينسون همك .. الحل بصبرك و الدعاء له و بالتحدث معه و بصراحه و بهدوء و أنا متأكد أنك راح تنجحين إذا عرفتي كيف تطلعينه من حالته و أنصحيه بالذهاب لطبيب نفساني يساعده على حالته قد يكون محتاج للكلام مع أحد يكون قادر على إرشاده للخروج من وضعه الحالي ... تمنياتي لك بحياة سعيدة و الله يصبرك على ما أنتي فيه |
الساعة الآن 01:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©