|
سوال لكل فتاه يهمني
السلام عليكم ورحمة الله وبركاته
سوال ابي الرد فيه بكل امانه لكل فتاه ترغب التعليق ع موضوعي تقدمت لاحد الاسر وتمت الموافقه وملكت ع الفتاه ووقت الشبكه دخلت البسها الدبله وكنا براحه عجيبه وهذا من فضل الله وكان من الظاهر ولالي علم بما بداخل الفتاه وبعد انتهاء التصوير جلست اتكلم مع الفتاه عن الامور المستقبليه لحياتنا وبكل احترام وادب وكانت طلباتي لها كالاتي طلبت منها ان تلبس عبايه ع الرأس ووفاقت ع طلبي وطلبت منها ان تصوم الايام البيض لاني اصومها وبرغبه منها بدون الحاح مني عليها اذا رغبت ووافقت وابدت اعجابها وطلبت منها ان تحافظ ع والدي حفظهما الله وتهتم بهم ولاتزعلهم ابدا لكبر سنهما وطلبت منها ان تكمل تعليمها بالجامعه ع حسابي لو رغبت وسالتها ماذا تحب وماذا تكره وقلت الي تشوفيه مو حلو بتعاملي صارحيني بيه ومع الوقت يتغير والي اشوفه مو حلو فيك من تصرفات اقلك بدون احراج وتغيره مع الوقت وابدت اعجابها وقلت لها اني احب المناقشه والتفاهم والحياه موده والفه بين الزوجين ولابد من التفاهم وابداء مايحول بخاطر كل منا لكي يلبي الطرف الثاني مقتضاه وسالتها هل انتي عصبيه قالت نعم وقلت لها انا ايضا عصبي وهذي فطره بكل انسان ولايعصب الانسان الي من غلط يحس به من الطرف المقابل له وقلت لمن اكون معصب دعيني لو بضع دقائق ورجعي تلقيني انسان طيب فترت خمس دقايق بس وابدت اعجابها وراحتها ولم يكون بيني وبينها اي اتصالات لاني لاافضل الاتصالات الي قبل اتمام الزفاف بشهرين لكي نفهم بعض اكثر واستشيرها باثاث المنزل لانو من حق الزوجه تختار ماتريد لبيتها المستقبلي وبعد شهرين حصل نقاش بيني وبين والدها لموضوع تافه احتفظ به لنفسي وحصل الطلاق بيني وبينهم وبعد الطلاق اتصلو اناس يسعون للشر وقالو ان البنت لاترغب اتمام الزواج لاني عصبي باعترافي لها وكلام كثير لم اعلم به واني طلبت منها ان تبوس راس والدي كل صباح هههههه شي مضحك وانا لم اقل كذالك والله عالم سوالي للاخوات لو تقدم لك زوج وطلب منك هذي الطلابات هل تطلبين الطلاق وهل الانسان العصبي مرفوض ولاترغب الفتاه الزواج منه انتظر ردكم بكل امانه |
عليكم السلام ورحمة الله وبركاته
في البداية كل ماحصل تأكد بأنه فيه خير لك ولخطيبتك السابقة وبإذن الله نصيبك سيأتي كما تتمنى ومابعد العسر إلا اليسر وضعت نفسي مكان البنت وحسيت بأنه كلامك لي من البداية بهذا الشكل ( يخوفني ) رجل ماعرفته وماتكلمت معه إلا هذي الليلة ومن بدايتها ( أوامر ) شي يقلقني ! فيه عدة احتمالات : ممكن ماارتاحت لك ! ممكن تضايقت من طريقتك وقالت ابتعد عنه من اولها أفضل لي ! وممكن يكون أبوها بعد الموقف اللي معك غيّر رأيها ! وبكل الحالات مثل ماقلت أي إنسان ممكن يعصب وإنت فيك ميزة حلوه إنك تهدأ بسرعة لذلك كان من الأفضل ماتقولها على الأقل في البداية مصيرها تعرفك ومااعتقد شي يحتاج إنك تتطرق له من أول جلسة . ماندري عن أسباب طلب الإنفصال ممكن يكون كما ذكرت وممكن أشياء أخرى الأهم من ذلك كله بعد انتهاء الأمر إنك تستفيد منه في مستقبلك أولاً : لاتسمع لكلام الناس مهما كان . ثانياً : التعامل مع الفتاة يحتاج لـ تعامل خاص بمعنى يحتاج لـ ترغيب ورقة وسياسة تناسب عاطفة المرأه . اتمنى أكون افدتك برأيي وربي يعوضك ويعوضها كل خير .. |
اقتباس:
اتمنالك التوفيق واتمنى الله يعوضك خير والله يرزقنا مانتمنى |
ما ادرى شوف كل بنت وطبيعتها
بالعكس انا احس ان طريقتك كانت فى منتهى الصراحة والوضوح وانا ارى ان هذا الطبع نادر جدا ومميز وعادى لو عصبى كل الرجال عصبيون ويهدوا صدقنى ان شاء الله راح تلقى البنت الى تفهمك وتقدرك والله يوفقك الى بينت الحلال وخلط على طريقتك لاتغيرها وراح تشوف كيف الله بيعوضك احسن منها |
جزاكم الله كل خير
|
هلا اخوي ..
حطيت نفسي مكان البنت .. احس انك تسرعت بهالامور معها .. يعني لو انك استنيت شوي بعدين تفهمها بهالاشياء مو وقته الحين . . واحس اي انسان بهالدنيا عصبي اكيد بيعصب لو يشوف شي ماعجبه .. فـ هي بطريقتها تقدر تهديك بس هي يمكن ماتعودت ع العصبيه وخافت منك وفكرت باشياء ثانيه وترددت بالمووضوع .. . الله يعوضك خير منها ويرزقك على قد نيتك |
من وجهة نظري اذا كلمتها بنفس الاسلوب اللي انت كاتبو اعلى فاعتقد انه جيد جدا فالحياة تبنى على الصراحة لا الكلام الغير واقعي .ومن جهة اخرى قد تكون هده البنت راسمة احلام وردية لا تعلم ان الحياة اخذ وعطاء وزعل وصلح .ولكن الزواج في الاول والاخير قسمة ونصيب الله يعوضك بياللي تتمناها وتكون سند لك ولاهلك ان هي رغبت في ذلك.
|
.. الأمـــر يختــلف من بنت إلى أخرى , كلن على حسب تفكيرة , وافكارة واخلاقة , وبيئته ,,
,, لكن أنا لما قرأت موضوعك , وبصـــــــــــــــــراحة .. حسيت بالراحه .. .. كلامك بالنسبه لي طبيعي جدا , وعادي , ومريح .. .. بالنسبة لوالدينك , من حقك تطلب منها أحترامهم , والاسلام يدعونا لاحترام الكبير , فما بالك اذا كان هذا الكبير هم عائلة واهل زوجي !!! .. وبالنسبه للصيام , المفروض ما تطلب منها الصيام , بس تعطيها فكرة انك تصوم ايام البيض , واذا هي تحب تصوم فذلك فيه فائدة وثواب كبير .. .. وبالنسبه للعصبية ,, أنا أشوف انه معظم الناس يعصبون , لكن تختلف درجة العصبيه من انسان الى آخر والجميل أنك خبرتها عن طريقه هدوئك بعد العصبيه , وهي طريقه سهله , وما تخوف .. وكلنا << اقصد الا عصبيتهم طبيعيه , نحتاج فقط لدقائق ونهدأ من ثورتنا العصبيه , لكن الافضل ان يتعلم الانسان التحكم بنفسه .. .. اما بالنسبه لعباية الراس , فهذا شيء جدا عادي .. ووعمره ما كان سبب لطلب الطلاق .. .. وجميـــل جدا ان تشجعها على أكمال دراستها ,, وهذه نقطه تحسب لك .. .. واسلوبك في التفاهم هو الحوار ,, هذا شيء تطلبه المرأة في الرجل , لانها بطبعها تحب التفاهم عن طريق الحوار , والكلام , والتعبير عن رأيها .. وهذه أيضا نقطه تحسب لك .. .. بصراحه كلامها معها عين العقل , وجميل جدا , وواضح , وشفاف .. وما أشوف في سبب لطلبها للطلاق !!!! |
أنا الصراحة لو مكانها ، بأخاف ؟؟؟؟؟؟؟؟؟؟؟؟؟؟
من أولها أوامر ؟ و قيود و شروط وووو إلخ ؟ حتى لو كان من باب المصارحة و الوضوح و كذا أحسك كأنك تبغى الحياة بينكم زي العسكري في الشرطة و رسميات و كذا الحياة بسيطة ، و حلو يوم يكون الزوج خفيف الدم و و نفس الوقت يوازن بين الأمور ليه ما تبغى مكالمات ما قبل الزواج ؟ مافيها شئ .. أحسسسك عملي جدا و واقعي ، و الرومنسية بعيدة تماما عنك إنت طلبت الصراحة و هذا ردي بصراحة |
اقتباس:
مع كلام الاخت روح الطير اول اكسب قلبها وحبها ذكرتني بوحده ملكت علي واحد وفي فتره الملكه كان يقولها ترا غدانا حيكون تونه لا تتوقعي كل يوم لحم او دجاج والمكيف مولازم طول الوقت مفتوح الين طفشت منه الكلام الحلو مطلوب في الملكه اكثر من اي شئ ثاني في رعايه الله |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©