من أسبوع ببيت أهلي و محتارة هل أنفصل عنه
 

السلام عليكم ورحمة الله وبركاته
هذي اول مشاركه لي معكم وللاسف انها مشكله ولم اجد من اشكي له همي بعد الله الا انتم فهل من احد يواسيني ويدعوا لي ويصبرني على همي

الله يجزاكم خير على دعواتكم
مشكلتي مع زوجي او اللي حيكون طليقي انا في البدايه لا انكر اني انسانه عصبيه وازعل بسرعه لاكن ما ادري من وين ابدا بالضبط انا عمري 32 متزوجه من ست سنوات ولي ولد وبنت الله لا يحرمني منهم تزوجت زواج تقليدي ايام الملكه اكتشفت ان زوجي يحب السفر للخارج مع اصدقاءه وسافر مرتين ايام الملكه اللي كانت تسعه شهور وانا من النوع اللي ما احب الرجل اللي يسافر للخارج للتسليه وفهمته هذا الموضوع
وكمان التدخين وقالي انه راح يحاول يتركه طبعا كله كان كلام وبعد زواجي انصدمت في زوجي من اول اسبوع لانه قالي نامي عند اهلك وانا رفضت وهو قال عادي وامي رفضت تقول وش بيقولون الناس عليك من اول اسبوع نايمه عند اهلك وبعدين سافرنا برا وكنت استغرب من الاماكن اللي يوديني لها اماكن الرقص وقلة الحيا المهم رجعنا وانا حاسه بفارق كبير في التفكير بيني وبينه مع ان المستوى التعليمي واحد وبعد شهرين حملت وكثرت المشاكل كل اسبوع لازم مشكله ولما وصلت اخر التاسع حصلت بيننا مشكله ونام برا البيت وانا زعلت ورحت عند اهلي وبعد يومين تعبت وكلمته وجا وداني المستشفى وولدت ونسيت كل شي وبعد ما طلعت ورحت بيت اهلي قالي انه جاه شغل مهم في الامارات ولازم يسافر زعلت ورفضت لاكنه اصر وقبل يسافر بيومين تعب ولدي وهو عمره عشر ايام ووديته المستشفى وتنومت معاه وترجيته ياجل سفره ورفض وسافر وانا نفاس ومتنومه مع ولدي في المستشفى انهرت وبكيت وكنت اكلمه وما يرد واذا رد اسمع ازعاج وموسيقى ويقول انه التلفزيون وانه نايم ولما كذبته قال انه كان في السينما وانا ماصدقته لانه كان يقولي انه لما كان يسافر كان زميله يجيب صديقته التركيه معهم الشقه وهو يتكلم وما يدري اني اتعذب وصرت اشك فيه وكنت اكتشف ارقام بنات يكلمهم واذا واجهته قال كنت اقولها اني متزوج وما احب اكلم مع انه كان ثلث ساعه يكلم وارسل رساله بعدها لنفس الرقم المهم مشاكلي معه ما تنتهي وانا زي ماقلت عصبيه وبعد سنه ونص من زواجنا طلقني بعد ان ضغطت عليه لاني ما قدرت اتحمل ورجعت بيت اهلي مع ولدي وجلست تسعه شهور وبعدين رجعني ووعدني يتغير ويبعد عن اصدقاءه طبعا اصدقاءه كانوا من اهم اسباب طلاقنا سهر يومي وغياب عن البيت وانا ما تحملت الوضع بعد ما رجعني قعد فتره ما يطلع معهم وبعدين شوي شوي رجع وصار كل اربعاء وخميس يسهر معهم نسيت اقولكم انه غير نشاط شغله كان موظف في بنك وبعد ما رجعني صار رجل اعمال واستغربت من التغير المفاجئ في حالته الماديه المهم رجعت المشاكل ويغلط عليه بالكلام وباليد وحملت بعد سنه ببنتي وولدت وبعد اربعه شهور دخل السجن بتهمة اختلاس من البنك اللي كان يشتغل فيه هو وواحد عربي كان في نفس البنك وواحد من اصدقاءه وجلس ثلاث شهور في التوقيف قبل يطلع بكفاله المشكله قبل ما يطلع اكتشفت في كمبيوتره الخاص اشياء لا يعلمها الا الله وصور لا تتحملها زوجه الصور طبعا من بنات تعرف عليهم ايام كنت نفاس ببنتي ويرسل رقم له ويقول طمنيني عليك لك يومين ما ارسلتي مع العلم انه ما كان يزورني وانا نفاس الا مرتين اذا كثر في الاسبوع وتدهورت نفسيتي بعد ان شفت اللي في الكمبيوتر غير رسائل اصدقاء السوء المهم صارحته وهو في السجن وترجاني اسامحه وانها كانت زله من الشيطان وانه تاب والسجن علمه الكثير ضغطت على نفسي وقلت خلاص ربي عاقبه وطلع وربي يعلم كيف كانت حالتي وكيف استقبلته المهم توقعت اني اشوف انسان ثاني لانه كان يصوم اثنين وخميس وكنت اسوي له فطور وارسله السجن وكان امام يصلي بالموقوفين مع العلم انه لما تزوجته كان مايصلي حتى زعلت وهددته اعلم اهلي واهله وبعد سنه من الزواج بدا يصلي والحين الحمدلله مايترك فرض رغم بعض التقصير المهم طلع من التوقيف ورجعنا لبعض وخليته يغير ارقامه وايميلاته لاكن ما قدرت اطلع من دوامة الشك اللي دخلني فيها وصرت كل فتره افتش جوالاته وبدل ما يراعي نفسيتي كان يعصب ويمنعني الا اذا اخذته غصب او من غير ما يدري ورجعنا للمشاكل رغم انها خفت لاكن هو ما كان يبغى اي مشكله ويقول المشكله الصغيره زي الكبيره عندي وتصادمنا كثير مع بعض
اسفه عالاطاله مشكلتي الحين انه من يوم فتح شركته من حوالي اربع سنوات وهو شغله من الساعه عشره الصباح الى الساعه عشره الليل وانا ما يتذكرني الا اذا بيسأل عن العشا طبعا ما يطلع حتى للغدا تحملت كثير وقلت له اكثر من مره الوضع ممل وانا تعبت حتى السوق ما ينزل معي ويخلي اخواني يودوني اي مشوار هو بس اخر الاسبوع يطلعني ماهو عشاني عشان اذا طلعنا يوديني لاهلي ويروح يسهر الى الساعه ثلاث الفجر انا الحين زعلانه من اسبوع في بيت اهلي لانه رفض يوديني اشوف بويه للبيت لانا اتفقنا نغيره وهو يقول ناخذ من اول محل شفناه وخلاص لانه ما يبغى يروح ويجي معي ومع العلم ان السبب الاساسي عندي خيانته ماني قادره انساها وفي نفس الوقت احس انه يخوني باي طريقه يمكن شك لاكن من اللي شفته لانه طول اليوم برا البيت ما يكلف على نفسه يجي حتى يتغدا معانا مع ان المكتب لا يبعد ربع ساعه عن البيت الحين احنا متزاعلين وانا رحت اخذت اغراضي من البيت لانه يقول كذا اريح ومسحت كل ارقامه وايميلاته وكرهت العيشه معاه مع ان اخته كلمتني وقالت انه يقول انه يحبك لاكن حتى في هذي بخيل اقصد في مشاعره مع العلم انه كريم معي ومع اهلي لاقصى حد لاكن الفلوس ماهي كل شي وانا الحمدلله اهلي مبسوطين
ساعدوني ادري اني طولت لاكن حبيت احط كل شي في الصوره وانا زي ماقلت عصبيه وازعل واصيح بصوت عالي اذا زعلت وهو يكره هذا الشي
ساعددددددددددددددددددوني هل اتطلق وارتاح لاني ما اقدر اتحمل اي فرصه معاه الحياه معاه ملللللل وانا محتااااااااااااااااااااااره

تم دمج المشاركتين/الاشراف

الله يفرج همك وعليك باالاستغفآر ليل ونهار

الله يجزاك خير انا ابغى حل اونصيحه ابغى شي يريحني لاني تعبانه

فرج الله همك .

نقل إلى مكانه المناسب .

أختي الكريمة ..

في البداية جزاك الله كل خير على صبرك .. و نصيحتي لك يا أختي أنك تجلسين معاه أو تتكلمين معاه هاتفياً هذا طبعا إذا كنتي لسه تريدين إكمال حياتك معاه .. ولا بد أن يكون الكلام صريح جدا خصوصا لمستقبل حياتك معاه و حاولي أنك تتناسي الماضي في كلامك و افهمي منه ايش هو ناوي عليه يعني هل هو راح يصلح من حاله و يتجه لربه و يتوب من أفعاله ؟ هل هو لا زال يريدك في حياته ؟ و قولي له أنا أتكلم معاك لأجل ما أندم على أي قرار أخذه في المستقبل لو كملت حياتي معاك ،،
الطلاق يا أختي الكريمة ليس عيبا عندما تكون الحيات مستحيلة بين أي أثنين ،، والله سبحانه و تعالى جعله آخر شي نفكر فيه ............. و لكن جعله الله حلاً حلالاً عندما نفعل كل شي نستطيعه حتى لا نندم عندما نتخذ قرار الطلاق .. و أنصحك دائما بصلاة الإستخارة في كل أمورك التي تتطلب مشورة والله سبحانه خير من يستشار ..

ربي يكتب لك الخير و يسعدك و يطمن قلبك ...

يااختي نصيحه لاتطلقي ترى صعب انك تطلقي وانت عندك اولاد اصبري على زوجك وادعي ربك ان يهديه ولعد تدوري في اشياءه ترى تتعبي