|
كيف تتصرفين مع هذا الزوج؟
السلام عليكم ورحمة الله وبركاته
كيف تتصرفين عندما يكون بينك وزوجك سوء تفاهم وعندما يأتي وقت النقاش وتعترفين بعيوبك وتوضحين ملاحظاتك عليه وعندما يشعر أنه المخطئ يقلب كل شي عليك ويؤلف أشياء حتى يشغلك بهذا الشي وتنسين خطأه ؟؟ ماهي ردة فعلك ؟؟ هل تناقشينه ((بالذات أذا كان كلامه جارح وفيه من الظلم الكثير ))؟؟ هل تنسحبين وتفقدين الأمل ((بالذات أذا كان هذا الشي يتكرر مع كل جلسة نقاش ))؟؟ والأهم كيف تنسين الكلام المؤلم الذي وجهه أليك ؟؟ أتمنى كلامي يكون واضح ومفهوم |
ياما حاصلي هذا الشيء بيكون هو الغلطان لكن سبحان الله بقدرة قادر بيصير الغلط علي كيف ما بعرف
حتى احيانا بشك في نفسي اني يمكن انا اللي غلطت لكن انا دايما بناقشه وما بسكت و زوجي الحمدلله نادرا ما يجرحني بالكلام و اذا صاربحاول انه يراضيني لكن بصورة غير مباشره يعني انه يعتذر صراحه لالالالالالالا مستحيل لكن ممكن نقاشنا يوصل لطريق مسدود لا هو يقتنع باللي انا اقوله و لا انا اقتنع باللي هو يقوله عادي بتصير كثير ف ننسحب و ننسى النقاش اما نسيان الكلام الجارح مع الزمن يا حبيبتي لاني بعرف انه في لحظه غضب و بكون متاكدة انه مش قاصد |
أشكرك حبيتي الوتين على المشاركه والله شي مؤلم بصراحه
يعني لمتى نتجاهل أنا أناقشه وعارفه ومتأكده أنه عارف أنه غلطان ولما أناقشه يسكت مايرد !!!!! ويجيني يحاول يعتذر أحياناً بيتأسف واغلب الأحيان بييكون بطريقه غير مباشره ويمشي الموضوع لكن أذا الشي زاد عن حده بينقلب ضده |
طبعا إذا كان هو الغلطان.. وجى يتكلم فيني.. وبدى هجوم علي ..أقول له:
صبر ياحبيبي.. خلصنا أول من موضوعك بعدين نفتح موضوع جديد يخصني.. لا تتوقع انك تقدر تتهرب من مشكلتك!!! وأكون حادة النبرة وهادية الأسلوب.. ــــــــــــــــــــــــــــ لكن عموما أنا طبعي أحاول قدر الأمكان ماتطلع مني غلطة عشان ما أترك مجال للفجوة.. يعني 4 سنوات ولا مرررررررررررة غلطت عليه.. ومرة وحدة بس اللي قصرت معاه.. |
اقتباس:
أو يخرج معانا مثل أول وصار عصبي على الأولاد ويضربهم على أتفه شي وكنت أكلمه بكل أدب وذوق ((للتوضيح أنا من النوع العصبي أللي يضرب ويخاصم بس زوجي عمره ماكان كذا مهما سوو مستحيل يمد يده عليهم بالذات على أشيااااء تافهه)) وكان دايم يخاصمني لما أقوولهم شي أو أخاصمهم ماكأنهم أولادي لكن البارح يوم قلتله أنك صرت تضربهم وقلتله صح أنا أضربهم وأعصب عليهم بس هذا طبعي ومو معنى كلامي هذا أني صح لأ أنا عارفه أني غلطانه بس المشكله أنت أللي كنت تخاصم وتزعل تغيرت صرت تضرب على أشياء تافهه ماتتصورين فحسيته أنقهر تخيلي أيش قال انا بعد فتره مسافره لأهلي قاااللي:الله يعين أجل لو رحتي عند أهلك أيش بتسويين فيهم !!!!!! أنا أنصدمت من كلمته هذي قلت أيش قصدك ؟؟ يعني أنت ماتأمني على أولادي؟؟ وفرضاً أنا ماتأتمني على أولادي !!!!!!! تتوقع أهلي بيرضون أسوي فيهم شي ؟؟ الا أن ككان قصدك أنا وأهلي بنتعاون في ضربهم وتعذيبهم طبعاً سكت لأنه حس أنه خبص؟؟ بعدين قلتله طيب مادامك ما تأتمني عليهم كيف تقدرتخرج وتخليني معاهم يعني لو بسوي شي من باب أولى بسويه وأنا وحدي مو عند أهلي ألا اذا كان قصدك شي ثاني؟؟ كان رده أدعي ربي أنه يحفظهم أنا وقتها طرطعت ؟؟ قلت أنت من جدك ؟؟ قال شوفي سؤالك أنتي ؟؟ يعني يبغى يطلعني غلطانه بالنهايه قلتله سبحان الله عرفت اسلوبك تدور لشي يأثر على نفسيتيي وتشغلني به وتحاول تشككني بنفسي عشان تطلع من السالفه !!!!!! لأني أول كنت أتاثر ؟؟ لكن البارح قلتله لاتحسب أنك أثرت فيه بكلامك هذا وشككتني بنفسي أنا أدرى بأسلوبي مع أولادي وقلبي أحن من قلبك بمليون مره بس أللي زعلني وصدمني هو أسلوبك هذا أبداً ماتوقعتك كذا؟؟ وقمت من عنده ودموعي على خدي تخيلي أب يشكك فيك على أولادك وانه مايستأمني أنا أمهم عليهم ؟؟ بالله مو شي مؤلم حتى ولو أني متأكده مليون مره أنه كلام بس عشان يطلع هو صح وأنا غلطانه !!!!!! طلع كم مره حاول يراضيني لكن ماكلمته ليش كذا أيش سويتله عشان يقول الكلام الكبير هذا !!!!! تكلمت كثير بس عشان أوضحلك السالفه :d أشكرك حبيبتي أحلاهم وأتحداهم الله يسعدك ويحفظ لك زوجك وأبنك من كل شر |
أهلين أختي العزيزة : أحب زوجي تسمحين أنبهك على شيء يمكن ما تدرين عنه .. زوجك تأثر بعصبيتك وصار عصبي على الأولاد صدقيني من تجربتي أنا مثلك كنت أعصب عليهم وخصوصا بنتي عنيدة مرره مهبلة فيني عمرها 7 سنوات تجنني عند المذاكرة والنوم وكل شيئ المهم الأحظ أنها مع زوجي طاعة عمياء :d لما ركزت على أسلوبة فهمت السر يكلمها بنبرة هادية ويشجعها عشان كذا تستجيب له صرت أستخدم هالاسلوب معها وتغيرت وحتى زوجي قالي اللحين حسيت أنك فعلا أم حقيقية :22: وبالنسبة لزوجك اذا بتنبهينه على شي لاتجلسين تضعفين نفسك وتعترفين بأخطائك عشان يتقبل النقاش خطاء كذا :29: وجهي له الملاحظات مباشرة لكن بأسلوب جدي ولين بنفس الوقت مثلا : انا أدري أنك تحب عيالك ولايمكن تقصر عليهم بشيء بس لازم تخفف من عصبيتك معهم شووي حرام مره يشتاقون لك ويفرحون بجيتك للبيت :17: وأنتي مشكلتك حساسه وتركزين على كلامه وتسوين المشكلة بنفسك هو لما قالك : وش بتسوين فيهم اذا رحتي عند اهلك ؟؟ ماكان يقصد أنه يشك فيك لا هو بينبهك أنو أنتي تعاملك معهم غير صحيح بسب عصبيتك وكأنه يرر لنفسه بعد ما أنتقدتي تصرفه معهم .. أنتي دائما حاولي تركزين على الموضوع اللي بتناقشينه فيه واسمعي منه ولاتجلسين تردين على كل كلمة يقولها كذا بتخسرين النقاش وبيدور اي شيء يستفزك عشان تتوترين وتقفلين الموضوع وهو يرتاح أتمنى مايكون كلامي ثقيل عليك .. |
اقتباس:
]أشكرك حبيبتي على ردك المفيد وبالعكس لاثقيل ولاشي على قلبي مثل العسل لأن أسلوبك عسل [/COLOR]وبالنسبه للضرب ترى مو دايم أضرب لما أكون مرررره طفشانه أو تعبانه وتعرفين حركات الأطفال :( أما لما أكون مروقه تلاقيني زي العسل معاهم وهو أسلووبه غلط معاهم مايتفاهم حتى بنتي بديت ألاحظ أنه ماتحترمه ولاتخاف منه لأنه مايقول لها شي على أساس أنها صغيره :( تضربه لما يمد يده عليها تردله نفس الضربه أو يخاصمها لكن أنا ماتقدر تسمع كلامي وتخاف مني لأني أتكلم معاها لما أعصب عليها وتعرف سبب زعلي لكن هو أما يسكت أو يضرب بدون مايعرفون ليش لكن أن شاء الله المره الجايه أعرف كيف أتصدى لحركاته أشكرك ياغاليه |
| الساعة الآن 01:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©