|
في جلسة الخطبة
السلام عليكم
يسعد صباحكم يا اعضاء منتداي العزيز حابة استفسر عن المحاور اللي ممكن يتطرق لها الخاطبين اثناء جلسة الخطبة يعني وقت ما يجي الخطيب للرؤية الشرعية شنو ممكن يسولفون فيه؟؟ وجزيتم خير الجزاء اذا ممكن راي الجنسين يهمني جدا |
لن تكون هناك استطاعة للتطرق لمواضيع حوارية عميقة ..
لأن الخجل سيكون سيد الموقف .. :30: والمدة أصلا قليلة بضع دقائق فقط .. ولا يعدو الأمر أن يكون أكثر من مجرد أسئلة تعارفية .. من مثل : السؤال عن الحال والدراسة ومرحلتها ونوعها .. بالنسبة لي ما كنت أسأل كثير بس كنت أطالع :d وفقكم الله .. |
انا مرة حضرت مع اخى جلسة شرعية
ومستحيل يكون فيها سوالف لان الخجل سيد الموقف |
-) احنا تقريباً تكون المقابلة بين الريال والبنت ... احياناً تكون ساعتين
وناس يقعدون ساعتين ونص ... وناس ساعه بس طبعاً مستحيل تكون بس دقايق < هذي عندنا يعني والخجل تقريباً يكون في أول نصف ساعه وبعدين يسولفون عن عمرها دراستها اهلها وهو نفس الشي ووضعهم المستقبلي ... وين بيسكنون وهَـ الاشياء وفيه ريايل يسألون مثلاً لو صار هالموقف انتي اشبتسوين والبنت مثلاً تسأله انت تدخن ؟ يعني تكون جلسة تعارف .... وحوار وآراء :25: اموفقه اختي |
اقتباس:
بس ما اظن انها راح تستمر دقايق اعتقد لازم تطول على الاقل ساعة وبالنسبة للخجل يكون للبنوتة الضغيرة مو وحدة سبق لها الزواج استعدتني مشاركتج:) |
اقتباس:
هلا والله اختي المحبة للاستغفار ليش مستحيل؟؟؟ صج راح يكون فيه خجل بس المفروض الواحد يسيطر على نفسه انا حابة اعرف شنو ممكن المحااور اللي يتطرق لها الخاطبين اشكر مشاركتج وعسى الله يرزقج مما لا تعلمين |
اقتباس:
مشكوووووووووووووووورة حبيبتي يعني سوالف عن المسقبل وما قد يحدث فيه من مواقف هل ممكن تقول المخطوبة شروطها لو كان فيه شروط؟؟ عندي بعد سؤال للاعضاء جميعا هل ممكن تكون سوالف عادية جدا ممكن نستشف من خلالها شخصية الخاطب أو المخطوبة والا فيها نوع من اللف والدوارن؟ اكرر شكري لج اختي الوردة زينب :) |
في ريحة خطوبة أجل ياموهبة ..
ربي يوفقج ويسعدج ياااااااااارب .. فرحت لك واااااااجد ربي يييسر لك .. شوفي موهبة من ناحية هل السوالف تبين الشخصية ؟؟ عاد إنت وذهانتك .. وأكيد من خبرتك بالحياة ما تجلهين أصناف البشر من كلامهم أو مشيتهم أو طريقة لبسهم وأنصحك تمرين على دورة لغة الجسد بتوضح لك شغلات مرة حلوة .. والمحاور .. تكلمي في شغلات تهمك إنت بطريقة ذكية .. أسئلة تبدو له عادية لكن بالنسبة لك تكشف لك الكثير من شخصيته .. موفقة يالغالية .. وانا هنا راح أساعدك بكل اللي تبينه .. وأحب أذكرك بحسن الاختيار .. حتى ما تكرري مرارة الطلاق مرة ثانية .. وتعيشي حياة مستقرة لاخر العمر ؛ |
هلا فيج يا قلبي ..
إي طبعاً ممكن تقولين شروطج .. واهوهـ نفس الشي عشان تتناقشون فيها طبعاً من إجابات الشخص راح اتعرفين طريقة تفكيره واهوهـ راح اييبج لج احسن ماعنده عشان يبين انه شخص مناسب ومهما لف ودار راح تتعرفين على شخصيته لأنج ماراح تقعدين معاه دقيقة او دقيقتين وانتي هم اكيد بتييبين احسن ماعندج عشان اتبينيين " ذا بيرفكت برايد " بس بعد -) الشخصية الحقيقة بتكون طاغية وكل واحد بيتحجى عن حياته واذا له مثلا تجربة سابقة في الزواج او ان اذا واحد منكم طول على ماياه نصيبه اكيد الطرف الثاني بيسأله ليش ومن هالاشياء .. -) ومن خلال هالقعده الواحد يبين اذا ارتاح للشخص ولا مارتاح له -) |
انا جربت موقف شوفه شرعيه على قولهم الخجل سيد الموقف:o
كانت الاسئله كيف حالك؟؟ ايش تحبي ؟ ايش تشتغلى ؟؟ اسئله تعارف عادية طبعا هو الا يسال بس وكل واحده حسب طبيعتها الله يكتب للجميع الخييييييير |
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©