|
هل التزين اليومي للزوج أفضل؟
سلاااااااااااام < من اقولها اتذكر دعاية تانج :25:
شلونكم حبايب قلب قلبييي ؟ آنه الحمدلله ماعندي مشكلة ... بس حبيت اشوف آرائكم / هل كل يوم تتعدلين حق ريلج ؟؟ آنه ساعات مثلاً يكون مالي خلق اتعدل :25: بس ادوووس على الملل والكسل واقوم اتعدل ف اصبح هَـ الشي عادددة يوميييييييييية ما ايي من الشغل إلا وآآنه في كامل الأناقة واحياناً يزورني الملل واقول اليوم ماراح اتعدل له مع إن ريلي مسكين ماتهمه وايد هَـ الاشياء بس وقت اللي يشوفني متعدله له يستانسسس اتهقون عادي مثلاً لو خليت سالفة الكشخة بس يوم في الاسبوع ؟ يعني باجي ايام الاسبوع باكون متعطره ولابسه شي حلوو بس يعني مابتمكيج ووو إلخ انتوا شرايكم ؟ شنو الافضل اسويه ؟ |
ياربي منكم ليش مكبرين هالموضوع والله ممتعة الشغلة :22: تصدقين من أول ما أصحى اصلي الفجر على طوول العدة جاهزه قلوس خفيف كحل داخل العين ماسكارا تعودت خلاص حتى وأنا تعبانه احط خفيف:d بالعكس انا أقنع نفسي أني أتجمل عشان نفسي قبل زوجي وعشان أحس بأنوثتي ولايهمك اذا قال لك مايهمني وتلاقينه اذا شاااف وحده في التلفزيوون كأنه اول مرره يشووف أحد مسووي مكياج أنتي تضبطي ولاتبالغين سووي خفيف |
مو امكبررررررررررررره الموضوع
-( بس احياناً الواحد يتملل .. لأنه صار رووووتين هههههه مسجين ريلي ووووعليه لا آآنه ادرررى فيه .. مايهتم حق هالاشياء :D اهتماماته ثااانية آآنه ماعرف احط قلوز وكحل من غير باقي الاشياء ماسكرا وبلاشر وبودرة وكونسيلر وشدو خفيف وو زحمة زحمة جم صارلج متزوجة ؟؟ وطول فترة زواجج اتسوين جذذذي ؟؟ يعني فيه أأمل إن آنه اسوي هالشي كل يوم من غير ما احس بملل في يوم من الايام ؟ |
والله بصراحة أنا ما أحب أحد يتعود على شكلي بالمكياج.. حتى ولو كان خفيف..
لكن الشي الوحيد اللي على طول أحطه لابيلو بالكرز.. يعطي ترطيب وريحته لذيذة ولونه خفيف.. وحتى لو عندي طلعه.. ما أحط مكياج.. اللهم كحل وجلوس أو لابيلو.. وأقولكم شي يضحك.. (( قبل لا يدخل زوجي البيت أقعد أقرص خدودي عشان تحمر)):14: بعدين كل من شافني تعجبه بشرتي.. وشحقه أحوس بشرتي بمكياج وخرابيط!!! لكن طبعا بالمناسبات الكبيرة أحط مكياج لكن خفييييييف.. أساس .. بلاشر ..كحل .. روج فاتح.. أيلاينر.. إضاءة تحت الحاجب..ومستحييييييييييييييييل أحط ظل.. |
والله انا اشوف انو لازم تغير ملابس البيت وزي ما قالو مكباج خفيف
وبس |
ونااااااسه كاني اطالع مسلسل كويتي .......ياحلو كلامكم
والله اتضبط والبس ليش لا اولا عشان نفسي .......اهم شي عندي اتروش بعد ماأخلص شغل البيت بعدين اكشخ وانوع في لبسي ....احط روج خفيف واتعطر والشعر على حسب المزاج بس ارحم شعري احترق من كثر الصبغات والقص كل 4 شهور قصه ابعيش عمري والله عشان بكرهـ اذا عجزت ماأقول ياحسافة عمري اللي ضاع مالبست هالبس:d اكشخي والبسي ولاتزعلين ....... |
انا من انصار لابيلو وكحل وماسكارا وبس .. ماله داعي الزجمه كل يوم
|
الكحل والجلوس حلو للتزين اليومي
بعدين الرجال يختلفون بعضهم يحب المكياج الصارخ والثقيل وناس تفضل أشياء خفيفه أو حتى بدون شيء فانتِ حسب ذوق زوجك وممن تخالفين ذوقه كنوع من الغير بين فترة وفترة وممكن تكونين مرتبه ولابسه وكلش لكن من غير مكياج أيضا بين فترة وفتره بعد كنوع من التغيير وإراحة للوجه |
شوفي ياقلبي ..
بما اني دايم عروس :) >>>3 اشهر بيبت اهلي و شهر عند زوجي لظروف الدراسة :) كنت و انا عند زوجي على طول احط بودرة و كحل و ماسكرا و جلوس .. دااااييييم . رغم انه زوجي مو مهتم بهالاشياء بتتتتاااااتا البتة :) طيب و في يوم من ذات الايام :) ماحطيت ما كان لي نفس ... قام زوجي العزيز . يطالع في وجهي .. يقولي شكلك تعبانه .. اقوله لا يقولي والله تعباانه .. حاسة بشي . نمتي كويس .. اجيب لك شي وانا اقوله والله ماني تعبانة اتاري الاخ اتعود عليا بالمكياج البسيط .. :) .. من يومها قررررررت ما عاد اعوده على المكيب اب 24 ساعة الحين حبيبتي .. يوم احط كحل و ماسكارا بدون بودرة ويوم احط كحل و جلوس ويوم ما احط شي و يوم مكياج ثقيل وكدا .. منها تغيييير عشان لا هو يمل و لا انا امل ومنها اريح بشرتي قليل و منها لاازم اعوده على شكلي بدون مكياج .. مابقعد طول حياتي مكيجة الا ما تجي اوقات مالك نفس او مشغولة او او ... فالازم يتقبلني بكل حالاتي |
بالنسبه لي
زوجي الله يحفظه ما يهمه التزين بالمكياج بقدر اهتمامه بلبسي وعطري في رعايه الله |
| الساعة الآن 10:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©