|
اريد نصيحة الى صديقتي وهي ندمانة
السلام عليكم اخواني واخواتي الاعضاء اريد نصيحه الى صديقتي وهي ندمانه جدا على مافعلت بزوجها و لديها ولدان كانت نكديه جدا اسوي مشاكل مع زوجها ومطالبها كثيره فوق طاقه الزوج وهو مو مقصر معهاالراتب كله في ايدها بس علشان يرتاح من صراخها وسبها واخواني جم مره يشفونه يجمع معادن في الخمايم من بدايه الشهر علشان البترول سيارته ووصل الحال ان زوجها مايقدر يتكلم معها في بيت كله ساكت صار يخاف منها واول ماكان جدي وايضا يحاول بقدر مستطاع ان يكون بره البيت لانه اذا دخل البيت على طول اتصارخ عليه وتتطلب واذا رد عليها تعصب وتسب امه واهله باالفاظ مستفزه جدا ووسخه لااستطيع كتابته وحتى تقوم بضربة باي شيء وتقوم بحركات صبيانيه في وجهه وهذا الكلام هي من قالت واعترفت لي وكنت اقول ليها ليش اسوين في جدي اتقول لي ماابي كله يقول ماعنده وبعد شكله مو عاجبني كأنه هندي وجاء اليوم الي ماقدر هذا الزوج ان يمسك اعصابه وضربها ولكن اعتذر منها وبعدها بفتره ايضا فقد اعصابه وضربها مره اخره وتكرر هذا الشيء اربع مرات وفي الاخير كان الضرب مبرحا فهي تستفزه باالفاظها واصبح حياتهم الزوجيه تنهار وقد طلبت هي الطلاق وجلست في بيت اهلها واصيب الزوج بحاله ضيق وحزن شديد لايستطيع ان يتكلم معها بكلمه ولا مع احد مما دعاه ان يذهب لي استشاره طبيب نفسي وقد استغلت هي هذا الشيء ورفعت دعوى الطلاق للضرر وادعت عليه بالجنون وان يتعالج في الطب النفسي وادعت بأنه يقوم بضربها بدون سبب هي واطفال وادعت امور غايه في الاشئزاز القصد منها حرمانه من رؤيه ابنائه وقد نجحت هي وامها فعلا بااسلوبهم بأن يحرمونة من ابنائه قرابه سنه وحتى مسكين كان يقعد على عتبة بابهم يصيح يبغي يشوف عيالة واتهمتة في المحاكم انة يتحرش فيهم جنسيا وتقول كان يجي المحكمة ويبكي جدام القاضي يقول ابي اشوفهم وحشوني الى ان جاء اليوم الذي انتقم الله منها ومن امها بطريقة فيها عبرة كما تدين تدان لا اريد ان اكتب ماحدث لهم وذالك نزولا عند طلبها لاانة مسالة اخلاقية سبحانك يارب كما تدين تدان طبق اصل مافعلو بهذا الزوج حدث لهم لاقرب الناس لهم وهي الان ندمانه واما عن الزوج فهو لايريد مراجعتها فقط يريد ان يرى ابنائه ويصرف عليهم ويهتم بهم واني محتاره وش اقول ليها بس قلت ليها توبي الى الله ..................................وزوجها غضبان منها خصوصا انها شوهت صورته وسوت الي سوته فيه اترك لكم الردود في امان الله |
نقل إلى مكانه الأنسب الإشراف |
لا حول ولا قوة إلا بالله إنا لله وإنا إليه راجعون الله اقتص لعبده الفقير المسكين.. طليقها ما يبي يرجعها وهذا حقه...يعني الموضوع منتهي. التوبة تراجع فيها شيخ تستفتي.. وهي وش غرضها من كتابة الموضوع؟؟؟ :29: |
لا حول ولا قوة إلا بالله
|
يعني صارت القضية من صالحها لاجل انه بس راح لطبيب نفسي!! طيب وين تقرير الطبيب عنه!!
|
-) ما ابي اتشمت ... بس الواحد لما يسوي شي
المفروض يحسب حساب لي باااجر ... ما يتذكر اليوم بس باجر فيه حساب وكتاب ، والله مو غافل عن أحد الله يمهل ولا يهمل .. ألحين اشبينفعها الندم فيه ؟ والزوج لهدرجه ماعنده شخصية ؟ وليش قبلت فيه ويابت منه عيال دامه مو عاجبها ؟؟ اتحمد ربها إن الله معطيها ريال طيب ولا جان اهيه من زماااااااان في قاع الأرض يعني لو ماصار لها كل اللي صار ما اندمت !!! سبحان الله عندها ربا يحاسبها واحنا مو في صدد إن انحاسبها ! بس الشي فعلاً يقهر !!! ويبيله قلب عشان الواحد يسوي مثل اللي سوته في ريلها والله من اوتعي واشوف ريلي ماعليه لحاف يكسسسسر خاطري من اقول له كلمة تضايقه ضميري ما يخليني في حالي يييذبحني وين الرحمة في قلبها ؟ هذي مو أمينه على عيالها اصلاً !! لأنها ماكانت أمينة ويا الريال اللي عطاها وصانها بس وش نقدر نقول ؟ إنا لله وإنا إليه راجعون قوليلها اتخلي الريال يجوف عياله ... عل وعسى تكفر عن ذرررة من اللي سوته فيه واهوهـ الله يآجره بمصيبته وبمصيبتهم اهمه بعددد |
ما تحتاج نصيحة دام شافت نصر الله بعيونها ..
والله ياها الدنيا عجيبة .. وش تنتظر يصير لها على شان تخلي الاولاد ويا أبوهم .. لان هالمرأة ما تنفع ولية عليهم نهائي ؛ |
وعليك السلام
الله يهدي ويصلح .. واسأل الله لزوجها اليسر والتيسير عاجلا غير اجل لا شي احب من التوبة والسماح لأب ابنائها برؤيتهم وتبرأءة زوجها مما اتهمته فيه باطلا وزوراً عفا الله عما سلف وفي قصص الاولين العبر هدينا للحق اجمع |
الله مااكبر ظلمها
ونكرانها للجميل لاوبعد حارمته من عياله لازم تتوب الى ربها وعسى ان يتوب عليها ويغفر لها وقوليلها خلاص لاعاد تحرمه من شوفة عياله كفايه سنه مو شايفيهم الله يهديها الى الحق والله يصبره |
لا حول ولا قوة الا بالله,,
دنيا فيها عجايب.. |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©