![]() |
( بعض ) من يدعي الرجوله للاسف
السلام عليكم جميعا شدتني صورة الكاركاتير ادناه وهي اللي تتكلم عن واقع ( بعض ) اللي يقالك انه رجال للاسف ليس انا بصف المرأه دائما او بغرض اني ( اتميلح ) للقارئ لشد اهتمامي بالمراه ولكن المراه هي امي واختي وبنتي . اللي جاب طاري الموضوع انه يشهد الله اني مقرض احد الاخوان قبل فترة مبلغ من المال لدفع تكاليف خلع اخته !!! لا حول الله ولا قوة الا بالله . ما ادري يمكن طرحت مواضيع قبل كذا بمنتديات اخرى يخص الطلاق ولكن من حر ما فيني كتبت لكم هذا الموضوع . هذا معلقها بين السما والارض ولاهو راضي يطلقها الا بشروط دفع مبلغ قيمته كذا !!! روح عسى الله يعلقك من رجولك قول امين. **** عفوا يحظر المنتدى وضع رسوم ذوات الارواح .. وفقكم الله ****. الله لا يريكم مكروه اخوكم / ابونواف |
اخي الكريم يجب عليك فهم الموضوع كاملا وماهي تفاصيل القصه بين الرجل وزوجته 0
ومن الممكن ان الرجل مغلوب على امره ومن الممكن ان الزوجه هي اللي طقت براسها وقالت مابي زوجي وابي الطلاق في هذه الحاله وش ذنب الزوج يدفع مهر وتكاليف زواج امور كثيره يتحملها الرجل 0 لكن انا ضد الزوج يطلب اكثر من حقه بمعنى ان يقوم بطلب اكثر مما دفعه مهرا لزوجته فهذا لايجوز له لانه يعتبر طمع واستغلال والله اعلم0 |
اقتباس:
حياك الله اخوي بندر وكلامك سليم بس لو تلاحظ انا اتكلم عن حاله معينه وموجوده بالمجتمع والمشكله مالها اي حل الرجل هو اللي يتحكم بالموضوع مع ملاحظة كلمة بعض في موضوعي اعلاه شاكر مرورك وفقك ربي |
وعليكم السلام ورحمة الله أخوي الكريم ما قلت إلا حقاً ؛ لأنك تتكلم عمن يظلم أما من يحسن إلى أهله حتى ولو حصل الفراق فهو يسعى لمرضاة ربه عز وجل أستغرب أن من يعلق زوجته - مع إمكانه تسريحها بإحسان أو أخذ حقه إن كان له حق من القضاء دون ظلم - أنه لا يخشى أو يفكر أن يُـفعل بـنسائه مثل ما فعل هو مع زوجته !!!!
ليجعلوا مراقبة الله همهم، فكم تضرر من هذا التعليق أطفال وتعطلت حياتهم عزوبي بس رجل |
اقتباس:
كل اللي اقدر اقوله لك الله يجزاك الجنه على هالتعليق وفقك ربي |
الخلع جائز في الاسلام وحمايه ايضا لحقوق الزوج فلماذا نحرمه نحن فانا قلت وماذنب الزوج اذا كان طيب وقائم بحقوقه الزوجيه مع زوجته ولم يقصر عليها بشي وتقوم هي بدورها بطب الطلاق بدون سبب لديها0
الا ترون معي انه ظلم للزوج وماذنب الزوج في ان تكون زوجته غير مباليه ولاتقدر الحياه الزوجيه و لاتقدر مايقوم به زوجها تجاهها ومايقوم به من تكاليف للزواج0 |
اقتباس:
انا معاك في امور وفي امور ماني معاك اذا كانت الزوجه بدون اطفال فاتوقع من الممكن انه ترجع بعض ما صرف عليها وليس كل المهر والتكاليف واذا كان معها اطفال فاعتقد ليس له الحق بحكم طول المده وفقك ربي |
الظلم ظلمات يوم القيامه
مشكور اخونا ابو نواف واخونا عزوبي ايضا على رده موضوع رائع واتمنى الردود تاخذ بعين االاعتبار ان اخونا قال :بعض وليس كل ولم يعممممممم امرأه دخلت النار لقطه حبستها فما بالكم بزوج يعلق زوجته لا زواج ولا طلاق تسررررررررررررررررررررررريح باحساااااااااااااااااااااااااااااااااان انما من يفعل ,من ينفذ |
انا اشوف مو من حق الزوج يطالب بحقه اذا زوجته طلبت الطلاق بعد عشرة طويله لانه اعتقد طول قعدتها معاه حللت المهر وكل اللي دفعه يكفي انجبت له ذريه من صلبه ويعينوه بالكبر
|
اذا الرجل عاش مع زوجته فتره طويله وكان قائماً لواجباته على اكمل وجه وليس بصفة كامله لان الكمال لله تعالى , فلماذا تطلب المرأة الطلاق ؟؟؟ هل الدنيا لعبه في يدها كلما رغبت في شيء فعلته !!! وهل كلما طلبت الطلاق تجد كل شيء بالسهل لها ؟ مع الاسف لا يوجد امرأه تطلب الطلاق من زوجها من دون سبب الا اني اعتبرها مافيها خير وما راح تلقى خير في حياتها لانها خالفت شرع الله ولو انها كرهته اذن لماذا تتزوجه وترضى بالزواج منه !!! ورغم ذلك فلا اجبار على حياة لا احد يريدها ولكن على الرجل ان يجد ما صرفه عليها حتى وان وان يستعيد شيء من كرامته مقابل تعنت امرأه خربت بيتها بيدها لشيء غبي وغير واضح !!! , وفي الاخير تقولون ان بعض الرجال ليسوا برجال !!! , والحمد لله اللي جعل الطلاق بيد الرجل والا لو كان بيد المرأة لصار بلاوي كثير كثير . ولله تعالى حمكه في ذلك. |
الساعة الآن 12:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©