|
ولدي وكيف اتعامل معه ....
بسم الله الرحمن الرحيم
ماني عارفه كيف ابدء الموضوع بس بربكم ابي حل من جد والله محتاره واحاتي وافكر كثير بولدي اولا ولدي عمره خمس سنوات ونص انا اروح بيت اهل زوجي يعني بيت جده وهناك يجون عماته وعماته عندهم بنات تقول عمته انها مره شافته مع بنتها رافع ملابسها وجت وعطيته كف وخليته يطلع برا الحوش حول الساعه تقريبا وهو يصيح وانا ماكنت موجوده على العلم ان بنتهاعمرها 5سنوات واليوم يقولون انتي ماربيتي عيالك وصارت الملامه كلها علي بس انا قلت للاسف ماعندكم حسن التصرف المفروض دامكم معتبرينه كبير وفاهم ايش يسوي ماتضربون تتفاهمون معاه وطبعا طريقه الحوار مع الطفل هي الي صح .. مش الضرب .... انا الحين مش عارفه كيف اتفاهم مع طفلي كلمته با الموضوع وقالي انا ما اسوي شي يا ماما هم البنات يلعبون عروس وعريس وقالو لي تعال انت العريس لان معاهم بنات كبار بصف اول وثاني ... اسفه على الاطاله بس ابي اعرف ايش هذي الحاله الي بولدي وايش اسوي معاه ... |
أفضل أسلوب هو الكلام , النقاش بكلام يناسب سنه , وابتعدي كل البعد عن الضرب , وابدا لا تسمحي لاحد يضربه , لانه الضرب يولد العنف , ويلفت انتباه الطفل للشيء , ويخليه يكرره , ويعاند ويزيد ويكرر فيه , لانكم استخدمتم اسلوب العنف والضرب معه ..
.. لذلك أبدئي معه , باسلوب يناسب سنه , وفهميه الصح والغلط , وارسمي معه باقلام ملونه وورق ابيض , وشوفيه شنو يخبرك وهو يرسم , طبعا الفي له قصه , وارسميها معه , قصه شبييه جدا بالموقف الا صار , وخليه يفهم انه البطل تبع القصه , لازم ما يسوي الا ابنك سواه , وراح تكتشفي اذا ابنك فعلا سواه الا قالت عنه عمته او لا .. لانه راح يبان على وجهه , وراح يتكلم بكلام , انتي راح تفهميه .. ,, والافضل انه طفلك ما يشوفك مع والده , تسوون اي حركه تفقده توازنه , وتحيره !! وانتي فاهمه اي حركات اقصد .. .. الله يخلي لك طفلك , ويهديه ,, وانتبهي له زين , وراقبيه من بعيد ,, .. واشتري له عروسه مع معرسها , وشوفيها لما يلعب فيهم , وراقبيه من غير ما يعرف , وشوفي كيف يتصرف مع الالعاب , وشنو يقول ,, اذا حسيتي في كلام خطير او حركه شوي غلط , استشيري طبيب اطفال مختص , واسئليه , وامسكي اعصابك , معه , ولا تزيدي الطين بله ,, .. طمنينا على طفلك .. والله يخليه ويحفظه من كل سوء .. |
أهل الزواج ما يصدقوا يلقوا شئ على زوجة الولد
فإنت حطي احتمال 50 بالمية إنه كلام صح ، و 50 بالمية إنه كلامهم هم اللي صح و في كلا الحالتين ، خلي عينك عليه و لا تسمحي لأحد يضربه غير أبوه و جده و جدته |
اقتباس:
نصائح ممتازة جدا:22::22::22::22::22::22: |
الله يجزاكم خير يااارب وربي البارح طول اليل وانا افكر با الموضوع صار ولدي
مايسولف ولمايجي من بيت جده دايم ساكت وفيه طبع الله يصلحه مايحب يصيح قدام احد اذا كان الموقف قوي وبا النسبه للحركات الي بين ابوه وبيني ابدا مافيها شي عاديه مافي شي من الي الي طبعا تخليه محتار او شي لا الحمدالله انا جدا محافظه من هذي الناحيه وشكرا على النصايح المفيده ان شا ءالله انها تفيده وتفيدني معه بطريقه التعامل مع المشكله ..... |
.. العزيـــزة ملاك .. طبعا الحوار لا تبدئيه انتي , لاا اتركيه هو يتكلم ثم , حولي الموضوع الذي يتحدث فيه ابنك للموضوع الذي تودينه ان يتحدث عنه ..
.. او خذيه بحضنك ,, وبوسيه واحضنيه , وامسحي على راسه والعبي بشعره ,, وحسسيه بالامان , وبعدين جيبي له قصه , من تاليفك , والفيها مسبقا علشان تعرفي شنو تقولين له , وشوي شوي هو راح يتفاعل معك ومع القصه , ومن خلال تفاعله , اسئليه اسئله بس انتبهي تركزي على الموضوع كثير او تسئلي اسئله مباشره .. والافضل انك ما تسئليه ليش رفع ملابس بنت عمته , الافضل انك تسئليه البنات شنو كانوا يقولون ويسوون بس بطريقه غير مباشره ,, علشان تفهمين الموضوع من كل النواحي ,, ولما تعرفين الموضوع اكيد راح تعرفين تعالجينه .. .. وطفلك , علميه يبكي على حضنك , لا تخليه يكبت .. وحاليا خليه يقلل من زياراته لبيت جده , بس من غير ما يحس انه ممنوع من الزيارات , قولي له اي عذر , وخليه تحت عيونك ,, يمكن ابنك تفكيره بريء وطفولي والبنات هم الا قاعدين يستغلونه ؟ ويطلبون منه يعمل لهم حركات ؟؟ .. الله يخلي لك ابنك , ويحفظه من كل شر .. وطمنينا عليــكم .. |
عزيزتي راح أرد برد أنشاء بيكون حل للمشكله
أبنك تصرف هالتصرف نتيجه روئيته لأحد يتصرف هذا التصرف أو سماعه أو معرفته بطريقه ما وهذا السلوك هو سلوك مكتسب أكتسبه من الكبار أو من الأطفال المحطين به وهم أكتسبوه من المحيطين بهم السلوك هذا منتشر بكثره ويحتاج تفهم منك واحتواء أبنك بمرحله حساسه وهدوئه نتيجه تعرضها للتعنيف منك أو من الأخرين لابد أن تتكلمي مع أابنك وهو بهذا العمر وتقنعيه بأن هذا السلوك خاطئ وتسئليه من أين أكتسب هذذا السلوك وكيف اكتسبه أبدئي بطرح قصه له من خيالك توصلين له بها نظره الناس ونظرتك لمن يسلك هذا السلوك بأن الناس لايحبونه وبأنه كسول وليس شاطر لكن لاتعنفي ولدك بمفردات مثل غبي أو متخلف أو الخ مما يفقده ثقته بنفسه ويزيز من عدوانيته أو أن يتم تطبيق السلوك امام الطفل وتقومين انتي بنهي من يقوم بهذا السلوك امام ابنك والتوضيح له بأنه لايصح (عيب)وبأنه يجب أن يعتذر طفلك لما يشوف أنه غيره قاعد يعمل السلوك وأنتي قمتي برفض هذا السلوك ونصحتيه وطلبتي منه الاعتذار راح يتركه لما تتناقشين مع أبنك وضحي له سبب عقابك له وسبب مكافئتك له وضحي له ليه هالسلوك خطأ وليه هالسلوك صح لو واجهتي مشكله في ذلك راسليني عالخاص وانا اعطيك رسومات خاصه وقصص لحل هذا المشكله :) وان شاءلله ثقي بالله ان هذا المشكله راح تنحل لكن تحتاج منك تفهم واستيعاب فقط تحياتي الأخصائيه الاجتماعيه والتفسيه مضاوي |
مرحبا اختي مضاوي بس الله يعافيك كيف ارسل على الخاص
بصراحه مش عارفه .... |
Ms.Blue
مرحبا حبيبتي انا سويت بنصيحيتك ومشيت على كلامك والله العظيم حسيت ان ردوده مرررره بريئه وخليته يرسم زي ماقلتيلي رسم لي بحر ورسم شمس وكل الي رسمهم اولاد اخوانه ورسم ابوه ورسم خالته لانه مره متعلق فيها واحنا حاليا بعيد عن اهلي هذي كانت رسمته حتى بنات مافيها على اني الفت له قصه فيها بنات واولاد بس تدرين انا خايفه من شي خايفه من الضربه الاولى صار فيه رده فعل يبي يعرف ايش الي ضربوه عليه يعني حركو الفضول عنده الله يجزاك خير اتمنى تردين علي ................... |
.. عزيزتي .. ملاك الروح ..
.. طبعا الام أخبر وأعرف بطفلها ..وما دام طفلك لم يشاهد اي منظر , ولم يرى اي شيء ممكن يحرك بداخله اي ميول جنسي , اذن هو بريء .. .. عندما حكيتي له القصه , هل حاول ان يتجاوب معك ؟ هل استدرجتيه بالكلام ؟ هل سئل اسئله غير بريئه؟ عندما تجيبين عن هذه الاسئله .. ستعرفين ان كان طفلك بريء او لا .. .. واذا طفلك سئلك عن ليش عمته ضربته , انتي بشنو تجاوبيه؟ .. .. ومن خلال كلامك مبين انه طفلك تفكيره مرررررة بريء ..وعايش سنه .. وليس لديه اي ميول غير طبيعيه .. .. الاهم .. لا تسمحي له باللعب مع البنات , الا وانتي تراقبينه من بعيد.. حتى لا يساء فهمه من جديد ويتعرض للضرب مرة اخرى .. .. .. مثلي على طفلك انك نعسانه , وتودين النوم , لكنك تودين منه ان يحكي لك عن قصه جميله حتى تساعدك على النوم .. وشوفيه شنو راح يقول , بس لا تتركيه يخبرك قصه متكرره , او قصه انتي حكيتيها له من قبل .. وانتبهي لتصرفاته وانفعالاته وقت القصه .. .. واطلبي منه يرسم مجموعه اللعب الا كان يلعب معهم وقت الا اتهم بالتهمه ,, وشوفيه شنو يقول , وشنو يرسم , واسئليه منو هذا ؟ ومنو هذه ؟ وشنو تسوي ؟ واظهري تفاعل , وحركات واصوات حلوة اذا قال شيء حلوة , وبوزي وازعلي اذا قال شيء مو حلو .. بس مو تطلبين منه هذا الطلب مباشره .. لا ارسم لي كيف تلعبون انت وبنات عمتك , وايش تسوون ؟ احب العب مثلكم بس انا كبيره ,يعني استدرجيه , وخليه يرسم لك .. وشوفيه شنو يرسم .. ..طفلك امانه فانتبهي له واحميه وحافظي عليه .. الله يخليه لك .. |
| الساعة الآن 03:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©