قال لي لو احد عرف بالمشاكل التي بيننا اعتبري نفسك طالق
 

مساء الخير
بصراحه قريت كم موضوع وشفت مشاركاتكم وارائكم عجبتني فقلت مالي غير اخواني وخواتي اكيد بيفيدوني
ما بطول عليكم
انا متزوجه لي سنه واربع شهور وعندي بنت عمرها 5 شهور
المشكله هي زوجي بداية زواجنا يمكن اول شهر لقيت محادثه له مع وحده يمكن لو غيري كان قومت الدنيا على راسه كبرت عقلي واتفاهمت معه بالهداوه وعدني انه ما راح يكررها صدقته <<< بس خسارة
اكتشفت بعدين ان له علاقه مع اكثر من وحده للأسف ومو بس نت الا صارت جوال بعد ويمكن خرجات هو واياهم المره الثانيه اللي لقيت المحادثه قلبها علي وصار يتقاوح في الكلام وعديتها لاني كنت في فترة النفاس
ادري واعترف اني غلطانه لاني سكت من البدايه المفروض من وقتها ما قعدت معه
مشكلته ما يعترف بالغلط اللي يسويه مهما كان ويعصب من ابسط موقف واتفه كلمه ما تستاهل اللي يسويه
بنكمل الحين السنه واحنا ما طلعنا مع بعض لمطعم او اي مكان
ما اعتبر نفسي مقصره معه والله استنى اي مناسبه علشان اقدم له هديه
وهو والله حتى لذكرى زواجنا اللي صادفت اني مخلصه نفاس والله ما اتذكرني بورده وحده بس تصدقون مستغنيه عن الورده ابغى لو كلمه حلوه تكفيني والله نفسي اسمعها ما احس نفسي مقصره معه بالكلام والله اي شي يبغاه ابشر ومن عيوني وتسلم لكن الشكوى لله
واللي مسكتني اكثر انه يقول لو احد عرف بالمشاكل للي بينا اعتبري نفسك طالق واذا اكتشفتي محادثه ثانيه لا تكلميني روحي لبيت اهلك واللي مسكتني بنتي ما اقدر اصبر عنها

ادري طولت عليكم استحملوني ابي مشورتكم ومشكورين مقدما

يجب ان تقفي بوجهه

حتى لو طلقك

ان شاء الله يبدلك ربي بزوج افضل منه


كثير الي مروا بمشاكل كمشكلتك لكن لم يقفوا مكتوفي الايدي

انفصلوا

والان هن مع ازواج يتمناهم الكثير

واذا كنتي خايفة على بنتك فان شاء الله ربي بيحفظها وماهي ضايعة

وعليك تحريك الاطراف من ابوك واخوانك وامك


نصيحة لا تجعلينه يتمادى بما يفعل

والله يوفقك ويسعدك

الحكمه والراي السديد ماينفع مع هنوعيه يحسب انك ميته عليه اتخذي موقف اللي كذا ينخاف منه والله جريئ

اختي الله يهدي لك زوجك ويجعلك قرة عين له


اري ان تتباقشي معه بجديه ولاباس من التهديد بتركه



حتي يعلم قهرك من تصرفاته الغير مسئوله

بحكم أني أخصائيه اجتماعيه نفسيه راح اجاوبك

عزيزتي كان من المفترض عليك ماتصارحيه بمعرفتك بهذا الأمر لأنه هالتصرف راح يخليه يتمادى
طريقه خطأ ؟؟
كان من المفترض تتعاملين معه بالتقرب له ومحاوله تفهمه وتكونين معه طول الوقت لأن هالتصرف نتائجه ناجحه وتخليه يترك هالطريق
زوجك فقد منك الاهتمام والحب وشغلات كثير بدا يدورها عند غيرك
لاتتناقشين معه بهالمشكله وكملي حياتك معه وكأنه ماصار شي أهتمي فيه وتعاملي معه بأسلوب ومهما غلط تحمليه
هالشي بيكبرك بعينه وبيرجعه لك

كمان ادعيله أنه وبي يسخره لك ويصرفه عنهم
تجنبي الطلاق وتجنبي الغلط أو السب والشتم والشجار بينك وبين زوجك أو اتهامه

اتمنا لك حياه سعيده