|
اختي الصغيره ضربتني وشدت شعري
السلام عليكم حلو مشكلتي سجلت عشان ارضي امي وابوووي واشووف لي حل ماودي ازعلهم تكفوون جعل اللي يرد تفتح له ابواب الجنه الثمانيه حسبي الله ونعم الوكيل مجرووحه منها والله اني كرهتها كرهتها من كل قلبي اتذكر لما كانت صغيره كنت اكلها واشربها واغسل لها الا ذى واخرتها :16: تضربني عمري 23 سنه وهي عمرها 16 سنه لا تحترم ولا تقدر احد ..متمردهـ لا ابعد درررررررجه حتى امي وابوي اذا بغت شي قالت لهم كلمتين حلوه يسمعو كلامها لاكن بعد كذا تصررخ عليهم وتمشي كلامها ع كثر الفاضيح اللي سوتها ... تسوي نفسها ماسوت شي ماتخجل و لا تستحي من نفسها واخرتها تضربني وشدد شعرري بدءت مشكلتي معاها لما امي وابووي سمعو كلامها وجابو لها جوال وضغطتت عليهم واخرتها اكتشفت انها تكلم اولاد ... ماتكلمت ولا قلت لا احد وهي انكررت تماما وانا قلبي حااس انها كذابه وهذي اللي زود المشكله جلست اضغط عليها تقوول انكررت كل شي ... تكذب كذب يصدق عقل الواحد ولو انو يقينن اعرف انها كذابه بعدها صارت تكرهني .. لاني كشفتها .. تفاهمت معاها ان حصل كذا راح تنزلي راس امك وابوك وسويت لها محاظره وفهمتها بكل هدووو وعدتها مايطلع شي ووعدتني لاكن كذابه وف الا خير ووصلت انو يتصلو ع البيت ماقدرت اتحمل كلمت امي وانا رجولي مو شايلتني امي ماصارت ططيقها رحت المدرسه عندها ... وعرفت من هذولا البنات اللي معها وجايبين لها الشر سوينا مشكله طويله عريضه وكلو عشان لا احد يلمسها ... وكلو عشان امي ماتبغا تواجهه الفضيحه .. وكانت تجي في وجهي .. من تهزي وكلام من الا دراه تعبت نفسيتي وكلو اقوول عشان امي وعشان اختي ... صارلنا 3 شهور لين انحلت المشكله واخوانها الا ولاد عرفوو ... امي منتعتها من المدرسه من القهرر لما شفت تعامل اخوانها وامها كذا صرت انا الصاحب لها صرت احظنها واجيب لها كل اللي تبي عشان ماحب اشوف احد يتعذب قدامي .. والا نسان يغلط بعدها .. خلاص من ناحيه كذابه عرفت انها كذابه ... ماصرت اطيقها ماني قادره اتكلم معاها زي الا خوات العاديين استحقرتها لما حلفت لي وطلعت كذابه .. ولما حظنتها وجبت لها كل شي عشان لا اشوفها تتعذب وفـ الا خير كنها ماسوت شي تصالحت مع امي وجلست تضغط عليها ترجع المدرسه ووعدتها انها تابت ... ورجعتها امي امي وابووي ع النيه وطبعا ابوي مايعرف ولا كان قتلها ... انا غيرت معاملتي معاها شفت اللين ماينفع ... صرت حازمه وشديده... انا حاره فـ الشغل وهي البيت لو يجلس بالسنوات ماتحرك مناديل ... كل الشغل ع راسي اشتكيت امي ولا فاد بالعكس توقف فـ صفها .. تقول صغيره بكيت كلمت ابووي يتكلم اشووي لاكن لا حياه لما تنادي هذااللي خلاني برضو اكرها صرت لما اشوف وساختها وعدم الا مبالاه اصرخ عليها ... وهي تسكت وتطنش ولاكان قلتي شي ... تعبت ... رجعت اتكلم معها بالتفاهم .. تقول طيب ولا تسوي شي .. كلمت اختي المتزوجه تفهمها .. تمشيها طيب طيب عشان تسكت ... اخر شي شريت اكسوارات للغرفه ادور عليها فتره اسالها تنكر ... ولما طنشت وتكلمت معاها بلين شفت الا كسوارت رجعت مكانها قلت لها مين رجعها ؟؟ وجهها انقلب فـ البدايه قامت وقفت لين عندي وصرخت علي وسبتني ... انا انصدمت قلت لها خذوهم بالصوت مافيه احترام صرخت لا تتدخلي فيني ولا لك صلاح ولا تكلميني ... اوك ماعادني مكلمتك لانك قليله ادب وجلسنا ع هالحال مده مابغا اتكلم معها مرره حاولت اكثر من مرره تكلمني ماكلمها لين جا اليوم .... :16:ضربتني كنت اطلع اخوي من غرفتنا وقالت لا اخوي لا تتطلع انا هنا خلاس ماقدرت اتحمل ضربتها ع كتفها ... قامت مسكتني باضافيرها وعورتني فـ رقبتي ويدي صارت مورمه وشعري قطعته حرام عليها ... انا دافعت عن نفسي لاكن مو زي ضربها هي جثه .. بعد كذا مقدر مقدر طلعت كل اشياءها بالغرفه ورميتها بالصاله خـــــــــــــــلاص فاض فيا مقدر كرهتها والله مابغا اشووف وجهها مابغا اشووفه .. ماني اختها ولا ابغا اشووفها جا اختي تحل المشكله شافت انها قليله ادب سكتت اليوم وانا نايمه فكت باب الغرفه ورجعت ملابسها ثاني وقلت لها راح اطلعك من الغرفه واطلع روحك وملابسك وكل شي يخصك ابوي سمع وجاني ؟؟ قال :: يابنتي عشاني انا وامك ماني قادر اخذ راحتي بغرفتي ... قلت له مقدر اشوفها اكرهها تخيلو راح احتك فيها واكيد راح تصير مشكله ثانيه انا مو طايقتها ؟؟ وناويه هذي المره شررر والله تعبت منها .. اذا جات اكيد راح ترجع ع نفس الموال هل اخرج ملابسها ؟؟؟ ثاني ؟؟ ولا اخليها رجعت ملابسها يعني راح ترجع تجلس بنفس الغرفه ؟؟ قلت لا ابوي خليها بغرفه ثانيه مو طايقتها ؟؟ يقوول لا ؟؟؟ هذي غرفتكم الا ثنين ؟؟ حتى لو رجعت راح تقلبلي الغرفه مطعم غير الاستفزاز اللي راح تسوويه هل اتنازل ؟؟ واخليها ترجع ؟؟ عشان امي وابووي ؟؟ مع انو امي وابووي ماعندهم الا الكلام لو سوت لي شي ماراح ياخذو بحقي او اخرج اشياءها عشان تتادب ياناس وصلت لضررب ؟؟ويقولو كبري عقلك كبرته لاكن نهايتها ضررب مشورتكم... لاني بطلع ملابسها اللحين مافيه طريقت تتادب الا كذا ؟؟ |
اختى لست فقط من الناس الذين يعانون من أقرب الناس اليهم لكن ليس الحل ان تكرهي اختك لا تنسي انها في سن المراهقة وهذا سن صعب عليها .وكذلك سامحها لوجه الله ووالديك فبرضاهم تفتح لكي الابواب و المسامح كريم .ان اختك لا تعي ما تفعله معك ولا مع نفسها وسياتي يوم تندم على ما تفعله .سامحيها و تكلمي معها في حدود يعني غيري معاملتك ولكن لا تقاطعيها فيكون لك اثم انت في غنا عنه. ولا تخرجيها من الغرفة على الاقل تكونين علي دراية بما تفعل احسن من انك تخرجيها فتلقى راحتها في فعل المنكرات .استغفري الله ولا تحملي اي شئ في قلبك .و إن شاء الله يصلح بين قلوبكم.
|
ياهويدا هذي ماهي انسانه لما تعامليها بلين تتمرد يعني وش اكثر من انها ظربتني راح تتدخل الغرفه وتسوي اللي اكثررر انا مو ناقصه يجي شي ثاني يجي فـ جسمي والله راح تستفزني وتتقصد اعرفها انا دحين بطلع ملابسها .. بس بنفس الوقت ابووي ماحب اكسر كلامه بس راح تصير مشكله اكبررر انا عادي ممكن اسامح لاكن هي راح تتمرد !! طب الحل |
الله يعينك ياارب والله يهديها لازم احد يوقفها عند حدها ماعندك اخوان كبار يبغالها من جد تاديب:29:
|
ماتتصورو قد ايش بكتني وجرحتني حسستني اني ولا شي
لا احترام ولا تقدير كيف تمد يدها عليا بهذي الوقاحه كيف اسامح !! |
أختي الغالية : استعيذي بالله من الشيطان الرجيم ولا تجعلي للشيطان مدخلا عليكما فهو يسعى للتفريق بينكما ما أمكن .. حبيبتي : أتعلمين مالخطاء في وضعك ؟؟؟ أنك وضعت نفسك في غير مكانك وبالتالي سترين انا كل ما تعتقدين انه الصحيح هو في الواقع الخطاء في طريقة تنفيذه .. اولا : احتوي اختك والكلمة الطيبة لها وقوع اكثر من الفعل .. ثانيا : قابلي طيشها واستهتارها بالبرود لأنها تزيد كلما لاحظت انزعاجك .. ثالثا : استقلي عنها في ترتيب أغراضك داخل غرفتك ولا تلمسبن أغراضها حتى لو يقيت شهر على الأرض حتى تتضح الصورة للكل أنها مهملة في اغراضها .. رابعا: كوني قدوة لها بطريقة غير مباشرة اي اعملي الأشياء التي تريدن منها ان تعملها ودعيها ترى ماتفعلين دون ان توجهين لها الأمر بان تفعل مثلك .. خامسا : اجعليها تعلم انها لن تجدك لتخففي عنها في حال وقعت في مشكلة حتى تنتبه اكثر لتصرفاتها وتعلم انها هذه المرة ستقع ولن تجد من ينتشلها .. سادسا ضعي لها قصص مؤثرة على السرير او داخل حقيبتها دون انت تنبه واتركي لها الفرصة لتقرئها في حال اخرجتها ولم تهتم بها بقصد استفزازك قابلي طيشها ببرود وضعي لها ملاحظة سيأتي يوم وستندمين لأنك لم تقرأي وتفهمي مالذي حدث لمن لم يلتزم بالطريق الصحيح. سابعا : أشغلي نفسك عنها واهتمي بدراستك ومستقبلك ... ثامنا : يبدو لي أنك من النوع الذي يتنازل عن الكثير ويعتقد ان هذا مايسعد من حوله ولكن في الواقع لا أحد يهتم او يعلم بما تفعلين أحصلي على مطالبك بأتزان وكوني قوية وحكيمة تاسعا : لاتنسي الدعاء لها بعد كل صلاة وكان الله في عونك |
اولا الله يهديها
ثانيا حبيبتي هدي من نفسك و صلي ركعتين وادعي الله سبحانه و اطلبي لها الهداية برد عليك من واقع تجربتي مع اخواتي .. يمكن من خلال تجربتي تلقي طريقة مناسبة للتعاملي معاها احنا 3 خوات انا اكبر اخواني البنات و الشباب و البنات وحدة اصغر من ب 6 سنوات و الثانية ب 8 سنوات (17 و الثانية 19 .. يعني 2 مراهقات بالبيت مو وحدة و الاخص اننا في غربة في بلد اوروبي يعني الفساد عيني عينك ولو وحدة اتمردت على اهلها بس تروح البوليس تقولهم مابي اعيش معاهم يقوموا ياخذوها و يكتبوا على الاهل تعهد ما يقربوا منها. يعني شوفي لافين يحميهم القانون او بلاصح يفسدهم المهم اتبعت معاهم الصراحة و الصداقة .. اولا كنت لهم الاخت البشوشة صاحبة النكت و التعليقات و الضحك .. نسهر نضحك و نسولف و اقول لهم على اشياء على اساس انها اسراري عشان يثقون فيني و يعرفون اني اثق فيهم .. اقول لهم قصص حصلت من خيالي .. بنات و ايش صار لهم من حكايا الشباب .. احببهم في ابوي و امي اكثر من اللازم ... و زرع فيهم انه لازم ماحد منا تنزل رؤسهم او تضر بسمعتهم و غير عن دا كله .. زرع مخافة رب العباد ... بدون ترهيب من النار .. لا ابدا و انما من خلال ذكر توفيق الله و البركة في الحياة و اشياء زي كدا .. يعني اتقوا الله عشان يرزقكم و يبارك لكم مو عشان بتدخلو النار .. لانه المراهقين في هذا السن عادة ما تهمهم الجنة و النار بقدر ما تهمهم امور الدنيا .. التوفيق بالدراسة و الزواج و النجاح و و و و كلامي دا كله من خلال ضحك و سوالف مو نصايح مباشرة لانه برضو في هذا السن يكرهوا النصايح المباشرة .. ومع الوقت .. صاروا حتى هم صريحين معي لابعد الحدود و اذا صارت في مشكللة معاهم من اي نووع يجوو يقولوا لي .. او حتى مع صديقاتهم ... يجوو يستشيروني و يستشيروا امي .. لانها دخلت معانا بالخط برضو :) واخر شي اختي جت تقول لي زميلي بالشغل يحاول ياخذ رقمي و يتقرب مني ايش اسوي و نصحناها و خليناها تتصرف وحدها .. و عرفت كيف تصده .. الحمدلله الحين متزوجة وبعيد و برضو متواصلين فا حبيبتي . انا مادري كيف كان اسلوبك بالتقرب من اختك .. يمكن كنتي حنونة و تدافعي عنها و و .. لكن مابنيتي وياها جسر صداقة .. يمكن كلامك كله لها مواعظ و حكم و نصايح و هذا اكره ماعليهم قد يكون كلامك موجه كله بشكل هذا حلال و هذا حرام .. و هذا الاسلوب ما ينفع بهذا العمر الحين برايي.. تنسي اللي فات .. عشان والديك .. رجعي اختك الغرفة ..و ابداي بالتودد اليها .. بقولك كيف .. ابدأي جر التواصل بسوالف خارجية .. يعني و انتو قاعدين بالليل .. قولي لها مادريتي يافلانة استوى كدا و كدا (اي شي يكون صاير بالعيلة مثلا )) لو ماعبرتك طنشيها قولي لها بس حبيت اقولك .. اساليها بلبسك . استشيريها .. اطلبي منها مثلا تسوي لك ميك اب اطلعوا سوى للسوق على اساس تبي ذوقها .. روحوا الاماكن الترفيهية سوى .. قولي لها بعض الاسرار اللي ما تكون خطيرة ... اخترعي لها قصص عن شباب اليوم ... مثلا قولي لها اليوم قريت قصة بالنت عن كدا و كدا باختصار .. اعتبريها صديقة مو اخت صغيرة و طايشة.. اشركيها بكل امورك .. و اصبري ولا تتوقعيها تصدقك و تصارحك بيوم .. و انما مع الوقت راح تعتبرك صديقة و تبتدي تحكي لك كل شي .. ومع الوقت ممكن تبتدي تاخذيها معاك ندوات دينية .. مرة عن رضا الوالدين و مرة عن الصلاة و كدا .. بس مش ورا بعض شغل الابيت اعملوا جدول بينكم .. و الاهم من دا كله .. شوفي صاحباتها و اكسبيهم .. اعزميهم يوم للبيت .. او اطلعي معاهم برى... خواتي كانو ممنوع يطلعوا مع صديقاتهم فا كنت اخذ لهم الاذن من بابا و اخذهم كلهم لاي مشوار .. و اذا جو البيت نقعد سوى على سوالف و نكت و ضحك و كم لعبة .. فاصاروا الحين هم يسألوا عني .. و اذا حد معاها مشكلة جت تسالني فا اكسبيهم بهذه الطريقة .. و الي تشوفها صديقة مو كويسة .. لا تقولي لاختك لا هذيك مو كويسة اقطعي علاقتك بها .. لانها ما راح تسمع كلامك و تعند و انما كرهيها بالبنت بدون ما تشعر .. علقي تصرفاتها من باب التعليق فقط.. و استنكري اي شي غلط .. قولي لاختك ليش فلانه تسوي كدا . هذا بيضر سمعتها .. بعدين ما راح تنخطب (( طبعا هذا همهم بذا العمر :) ))ليش تسوي كدا .. بياخذوا عنها فكرة غلط و على الللي معاها و اسكتي يعني خلي اختك لحالها تفكر و تقطع العلاقة .. ان شاء الله اكون افدتك و لو بالقليل .. و سامحيني افكاري مو مرتبة . قاعدة اكتب لك و اضارب ابني :) |
اقتباس:
انا ترتيبي الثاني وهي قبل الا خير واخوانها اللي بعدي اللي خلاهم يطنشوها وهي تكلم اولاد برضو طنشوها يعني لا تحركي ساكن ياقلبي عليكي انتي وهويدا حاولتو تساعدوني شكلها مسدوده حسبي الله عليها |
الحل لا تحتكوا ببعض
خلي لها قسم و إنت مالك دخل فيه و نفس الشئ معاك |
تبين شوري هذي مايصلح معها الا الحلرب النفسيه خليها في الغرفه بس حسسيها انه ماهي موجوده لاتكلمينها ابدا واذا سالتك لاتردين عليها هي مصيرها تطفش الين تعرف كيف تحترمك وتعرف ان زعلك صعب وبعد كذا بتصير تضرب الف حساب لزعلك بس مو يوم يومين تطنشيها خليها فتره طويله بس تكون نفسك من جوا مش كره اصلاح
|
| الساعة الآن 09:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©