لو أتاك عريس متزوج...
 

أخواتي الغير متزوجات.....
لو أتاك عريس متزوج... و فيه جميع الصفات الأساسية في زوج المستقبل.. هل تقبلين؟؟ أم لا؟؟

طالما اني انا ماسعيت له وانما هو اللي طلبني يعني ناوي يتزوج اذا مو انا غيري فليه لا مو كل يوم بتلاقين

الرجل المناسب ونلاحظ انه في هذا الزمن الرجل المناسب اصبح عملة نادره مثلما اصبحت المرأة المناسبة عملة نادرة

والرسول عليه الصلاة والسلام قال (من ترضون دينه وخلقه فزوجوه .....) او كما قال عليه الصلاة والسلام

ولم يشترط عدم الزواج ، بينما اشتراط عدم الزواج من البدع المدخله علينا فيجب ان

نقف مع انفسنا وقفة تأمل وان لا ننظر الى الزواج الثاني وكأنه جريمة

السلام عليكم
 

اختي العزيزه سهى
بالنسبه لي انا فانا راح ارفض وذلك للاسباب التاليه:

1)انا اعاني من الخيال الواسع يعني راح اتخيله اهو اشلون كان
(سامحوني راح اكون اشوي جريئه) يقبلها او اشلون كان يجامعها طبعا
المجامعه مشكلتي الكبيره لاني ما ادري شنو كان يسوي معاها(اقصد
الجنس الفموي مثلا) او غيره من الحركات.وهذا الشي يعتبر بالنسبه
حقي مشكله وايد كبيره لاني ماراح اقدر اتقبل منه ولا شي.(اتلوع جبدي)

2)راح يتعذب معاي وايد مثل ما انا راح اتعذب وياه وايد لاني غيوره
موووووووت فاذا شفته في يوم سارح راح انقهر وايد لان دايما راح
يكون في بالي ان اهو قاعد يفكر فيها.

3)وبعدين اهي راح اتكون محور تفكيري وهذا راح يدمر حياتي معاه
قمثلا لو مره انتقدني ابشي راح اقول اكيد زوجته كانت احسن مني
وانتي تدرين لما الانسان يبدي يقارن حياته بالناس راح اتكون حياته
صعبه.

وبس اكتفي بهذي النقاط.واتمنى اني اكون جاوبتج على سؤالج.