|
تهاوشت مع زوجي !!! مقهووره (حُلت ولله الحمد ..الرد 12)
بصراحه اكتب وانا قمه في الزعل والقهر تهاوشت مع زوجي قبل قليل على تصرف يسويه ويقهرني موووووت وكذا مرره انبهه عليه باسلووب بس المره هذي كانت الانفجااااار يعني لي يومين وانا اطلب من زوجي انو نطلع نغير جووو لاني احس بملل ويوم تكرم ووافق ماطلعني الا الساعه 12 الليل يوم كل المحلات قفلت انا وش اطلع اسوي ذيك الساع قلت مااشي مو مشكله اهم شي تغيير جو لكن مو معقوووووله من يوم طلعت وهو مااسك الجوال ويكلم صديقه يمكن نص ساعه على ذا الحال ولا كأني موجووده معاه والمشكله لو اسوي الحركه هذي انا معاه في السياره خلاااص يطنقر وتقفل نفسيته << ياخي حس على دمك شوي يوم انتهت مكالمته التفت علي وهو يضحك يعني عاارف ان تصرفه ينرفزني انا هنا انفجرت خلاااص الى متى باسكت قلت رجعني البيت وخلك انت تكلم ربعك على رااحتك وانفكيت فيه وتصرفت تصرف انا عارفه انه غلط بس والله من قهري مسكت جوالي زقلت له انا بسوي مثلك وبكلم لين نرجع البيت هنا حاول يسحب الجوال مني وانا عندت وسحبته بقووه اخر شي عصب ورمي الجوال علي وقالي كلمه تجرح ورجعنا البيت نزلني وراح لربعه وربي مقهووووووووره موت من تصرفه اعوذ بالله منك ياشيطااان |
الله يهديك بس,,
يعني عشان المحلات مقفلة قلبتيها نكد,, طيب بعد ماخلص زوجك المكالمة كان واصلتوا النزهة,والدردشة,,وين المشكلة؟ وش استفدتي الحين؟ زوجك راح يكمل السهرة وانتي تشتكين.. |
هل هذه عادته اذا طلعتوا دائما يعني ولا هلمره !!!؟؟؟
عادي لو اطلع الساعه 3 الفجر ولا 12 علئ قؤلتك الاهم اني طالعه ومع زوجي !!! مو لازم اتمشئ بلاسؤاق ياحبيبتي ! وبعدين ردة فعلك غلط وهو رد بغلط بعد!!! لكن ماالومك اذا كان تصرفه كذا دائما!!!!!!!! \ الاهم اذارجع وش ناويه تسؤين عتذرين ولا تكابرين!! المفرؤض تكلمينه بيؤم 2 وهو هادئ وتقنعينه ان لك حق يسؤلف معك ولا يطنشك وانتي معه وطالعين للوناسه والضحك انت لو شخص غريب معك بلسياره بتخجل انك تكلم وهو بجنبك لانك تحترم وجوده فمابالك اننا زوجتك حبيبتك !!! مطنش وتسؤلف ولا همك من جنبك ...... قؤلي انا يؤم قلت اني ابكلم لحد مانوصل للبيت هو قصد مني انك تحس فيني وابيك تشعر بلي اشعره انا !!!! لكن انت !! عصبت وياليتك رميت الجوال وبس كان هانت الله يهديك !! لكن انا اسفه بتصرفي المنرفز لك ومشكور انت علئ كلمتك الي جرحتني ..الف شكر حبيبي ! واطلعي من الغرفه ! هو الان بيندم ويحس انه غلط بحقك.. |
يا تعندني هذي مو اول مررره كم مره انبهه ان التصرف هذا يضايقني بس اليوم انفجرت فيه صرااحه والشيطان شاطر اعوذ بالله منه وخليه يطلع لربعه انا ما ودي اشوف وجهه الحين صرااحه لاني احس اني مو طايقته |
آسف أختي رديت على عجالة وباختصار..
عندي سؤال/ 1- هل كان هو المتصل أم مستقبل الاتصال؟؟ 2-هل مكالمته كانت مهمة(ضرورية) فاذا كانت كذلك فالتمسي له العذر, أما اذا غير ذلك فممكن تقولي له في وقت مناسب ليش لما أطلع معاك تحاول تلتهي عني(تتجاهلني)بمكالمات أصدقائك(اذا كان هو المتصل) ليش ماتحاول تعطيني من وقتك وتسولف معاي,ترضى أسولف بالجوال وأنا معاك طول الوقت؟؟ حاولي تناقشينه بهدوء,, وانشاءالله راح يحس و يبطل هالعادة.. |
الله يهدي باالك ويريحك
شكلك عصبيه شوويه صح كان تصرف غلط بس انتي من المفروض تصيري احسن منه حاولي تهدين وتسولفين معاه وتقولين نبي نعوض الطلعه بااحسن منها |
الكلمه الحلوه تجيب نتيجه اكثر من الصراااخ والتنكيد اذا رجع ناقشيه بهدوء وبكلام جميل وباذه الله تعود المياه الى مجاريها بدون تنكيد على حياتكم وبالتوفيق للجميع |
هلا اختي همس 2009 ..
والله يا اختي اغلب طلعاتنا كذا والمشكله كلها مكالمات مالها داعي يعني سوالف بس وهوه المتصل بعد واذا على الوقت انا اللي نرفزني اني كنت ابغى كم شغله من برى والوقت تاخر مع انه فااضي من المغرب ماعنده شي بس مدري ليه المماطله .. الله يهديه بس عاد وش ناويه اسوي الحين والله مو عارفه لاني حاسه اني باقي متضايقه من تصرفه مع اني رحت توضيت وصليت وتعوذت من ابليس الله يهدي النفوووس |
حببتي صدقيني الدنيا ماتسوى لكن حاولي ماتنفعلين بسرعة صدقيني انتي تموتين قهر وهو ماهمه ...
بس نصحك خليك احسن منة ولاتكرري الغلط ... هم كذا الرجال مايهمهم احد ... اللة يفرج همك ويهديك ؟؟؟؟ |
اخوي تعاندني ...
اجاباتي على اسئلتك .. لا طبعا كالعاده هو المتصل والمكالمه كانت مو ضروريه كلها سوالف مالها داعي ,, يعني وش اخباركم ومن ذا الكلام |
| الساعة الآن 05:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©