مشلكتي اني حساسه من مزح وتريقة زوجي
 

بنات انا متزوجه لي سنه عندي بنت مشلكتي اني حساسه بالمره من زوجي وهو مايقصر كلامه يجرح ويحرج بنفس الوقت واذا سألته يقول والله يمزح مو من قلبه بس كانه يتعمل مع شباب مو مع زوجته انتم تعرفون تريقه الشباب ومزحهم مع بعض قوي ولانهم رجال متعودين وعادي عندهم تخيلو ساعه الولاده وانا بالمستشفى يدق ويسال عن الجنين وكيف حركتها طبعا قبل الولاده لاني جلست يومين بالمستشفى بدل مايخفف عني يسال عن الجنين وانا بغرفه الولاده طبعا جوالي مع امي يدق ويسال عن الجنين وبعدماطلعت كلمني وقال الحمدلله ع السلامه وعقبال الثاني وهذا الشي اثر فيني لانهىاليوم اللي احتجته هو بالذات مالقيته والحين رافض استخدم حبوب او مانع يقول لو معاه 10اولاد مااخذ مانع مع انكم لو تشوفوني وقت الحمل تحزنون علي كيف صرت امي لما شافتني جلست تبكي بعد ماجبت البنوته صار يهتم بها ونسيني اهملني بقوه مع انه مو مقصر بالاشياء الثانيه من ناحيه البيت وغيره لاكن انتم ادرى وش تحتاج البنت الحب والحنان والدلع وهذا افتقده بعد ولادتي وش تنصحوني فيه تكفون ردو لاني مشتركه جديده

نحن الحريم ما يعجبنا شئ :D
زوجي ما يسأل عن ولده و ما يهتم فيه كثير و كنت أتضايق بس صرت انظر لها نظرة ايجابية
و أقول الحمدلله يهتم فيني

بس تبغي نصيحتي ؟؟؟؟؟؟
اهتمي إنت في بنتك و هو راح يهتم فيك أكثر

و كلميه و صارحيه ؟ : (

يااختي حاولي انك تتقربي من زوجك وتجذبيه لك انا كمان اعاني من نفس المشكله احس زوجي صار يحب اولادي اكثر مني حاولي تتخلصي من هذا الشعور او ادا حسيتيه يهتم ببنتك اكثر قومي وخليه يدلعها بعدين ارجعي وبالنسبه للحبوب قوليله ان الحمل ورا بعض متعب لجسم المراه وحاولي تقنعيه ان لازم تاخدي حبوب عشان تقدري تقومي بكل الواجبات الزوجيه على الاقل الين تكبر بنتك شوي بعدين قوليله اوقفها

مشكورين ع الرد بس انا ماقدرت اتاقلم مع هالشي امكن لاني كنت مدلله عند اهلي ولاني ملتزمه مو ذاك الاتزام يعني ماسمع اغاني والصلاه محافظه عليهاوكنت مشتركه في تحفيظ وبعدماتزوجت اهملتها لانه هو متهاون بالصلاه والاغاني يزعل لوقلتله لاتسمع يقول لو دريت ماخذيتك بالرغم من انا قلنا لهم يوم الخطبه عن هالاشياع كلها امكن هالاسباب تخليني اتحسس اكثرلانه مايهتم بالصلاه والعبادات كثير وعودني معاه حتى الاجزاء اللي حافظتها نسيتهاحولت اراجع الجزاء بس ماحمسني اراجع يوم واتركها

والله اجدد في غرفه النوم وفي شكلي وفي بيتي وماشوف جديد

ما ادري انا احس زوجي اذا سأل عن بنتي كأنه سأل عني
اصلا يقولها صريحه هي اهم منك وانا بعد اقوله هي اهم منك ما ادري يمكن لان جبناها بعد خمس سنين
فحسينا انا متعطشين نبغى اطفال
لا تزعلين وبنته هي بنتك لاتصيرين حساسه