|
اختي الله يهديها
السلام عليكم
شو اخباركم :d ادري لعوزيكم بمشكلتي اللي اعيد وازيد فيها بس شو اسوي مالي غير الله تعالى ثم انتوا بسرعه بذكركم بمشكلتي وهي اختي اللي تكبرني بتسع سنين متزوجه ولها طفلين هي تحقد علي ولا تتمنى لي الخير ابدا يكفي انها حاولت تشوه سمعتي بين اهلي واتهمتني بأشياء توصف بها العاهرات وانا عكس ذلك تماما هي يجن جنونها اذا حد ذكرني بالخير او مدحني تكرهني جدا وتحاول تقليل من شأني وتقذف علي اوصاف بدون تثمين حتى زوجة اخي ما سلمت منها انا ما افهمها وما اعرف شو السبب بس اللي اعرفه تماما انها طبعها غيور ما تتحمل احد هي تتوهم انهم احسن منهم يعني ما في قناعه:29: الحين رجعت الثقه من اهلى :17:نصحتوني مرة ارد عليها ومرة اطنشها عشان اوقفها عند حدها والحمد الله نجحت الخطة ومحاولتها الخبيثة فشلت المشكله حاليا انها تدخل في شؤوني واموري وامي تخبرها كل شي كل شي عني وهي تتبع سياسه جديده انها تحاول اتبين لاهلي انها تبي الخير لي والعكس صحيح وهذا اللي مخوفني لانه مرات تنسى اصطناعها وتظهر خبثها لكن سرعان من ترجع للتصنع عشان ما تنكشف وانا خايفه تكيد لي مرة رابعه خاصه اني كنت احلم عنها انها اشيا ولما افسر يطلع انه تحذير منها كلمت امي وكنت صارمه معها انها تخبرها عن شؤوني ليها لك ما في فايده امي تحاول تصلح من بينها بس انا خلاص تعلمت درسي عدل شو |
لاحووول ولاقووه الا بالله
معقووله تسوي كذا اختك من جد مرييضه الله يهديها ويسخركم لبعض بس انتي حاولي تكوني احسن منها وعامليها معامله فوق الخياال وبتكسرين عينها والله ماادري وش اقول بس الله يعين على ها الزمن اللي يخوف |
عمالتها قبل بالزين بس ما في فايدة ابدا لان الزين عندها يعني اني حقوقي تضيع وانها تقلل من شاني وانا ساكته وما اطور ولا احاول افكر اكون شخصيتي واكون مستقله لان اذا حد مدحني او حصلت شي على طول تتهمني باشيا كبيرة هي عندها نقص كبير بنفسها المهم اني ما اكون احسن عنها هي تتوهم انه كذا رح اكون افضل عنها
|
بس بذكر امثله لما كان عمري 17 سنه اتقدملي واحد اول ما عرفت عصبت وقالت كيف بالرغم انه هي كانت مملوك عليها هذيك الفترة ولما سالو عنه اهلي عرفوا انه ما يصلي وسمعته مب زينه وانه يسافر لبلاد الفسق بعد ما عرفت عنه وقتها انا كنت جالسه في المجلس معها ومع امي قالت امامي حق امي وافقوا عليه طبعا اهلي رفضوا ولما كنت ادرس سنه اولى بالجامعه كانت اتقولي انتي لا تكملين اجلسي في البيت احسن وتقلل من تخصصي بالرغم انا بنت شاطره بشهادة الكل حتى لما اتخرجت ما قالتلي كلمت مبروك خدمتها قالتلي مبروك وهي بالعكس جلست تنتقد شكلي في حفلة التخرج
|
| الساعة الآن 06:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©