|
خطبت ولم يردوا علينا هل أتركهم ؟
السلام عليكم ورحمة الله وبركاته.. في البداية أريد أن اوجه كلمة شكر وثناء للقائمين على هذا المنتدى الرائع, وأخرى للأعضاء أصحاب العقول النيّرة الذين لا يتوانون عن تقديم النصيحة ويد المساعدة.. انا شاب عمري 26 عاما , أعمل كمهندس حقول نفط في شركة نفطية منذ حوالي 3أسابيع تقدمت لخطبة فتاة , كنت قد رأيتها في مقر عملها , بعد السؤال عنها طبعا عرفت انها فتاة محترمة , خلوقة, جميلة , وأهلها ناس محافظين وطيبيون جدا وملتزمين , والبنت ليست لها أية علاقات سابقة الا إنها كانت مخطوبة إلى إبن خالتها لفترة سنة وثلاثة أشهر وتم فسخ الخطوبة بعد تلك الفترة ... بعد أخذ موعد مع أهل الفتاة ذهبت انا وأهلي ودخلوا أهلي عندهم البيت ورحبوا فينا أهلها وانا كنت منتظر في السيارة وبعد حوالي ساعتين جاء أخوها الى عندي وطلب مني ان أدخل البيت لان البنت عايزة تشوفني نظرة شرعية لانها ماتعرفني ولا حتى شكلي لاني ماكلمتها ولا فاتحتها بالموضوع من قبل , بصراحة مااترددت ودخلت وجلست مع أخو البنت وأمها وكانت امي وأختي معاهم بعد شوي دخلت البنت وجلست معانا و شفتها تمام وشافتني وقدمت لي العصير وجلست حوالي نص ساعة اسولف معاهم وسالونا وين اشتغل وقالوا لي أن البنت لازلت تدرس وباقي لها سنتين وانا قلت لهم موافق انها تدرس وكمان سالونا بعض التفاصيل عني... وبعد ذلك مشينا من عندهم وقالوا بيسالوا والد البنت لانه مو موجود مسافر خارج البلاد وبيردوا لنا جواب قلنا لهم تمام وبعد حوالي اسبوع اتصلت بنا أم البنت وقالت ياريت لو تزورونا مرة تانية لان البنت تريد تسال الولد كم سؤال وتعرف إذا كنت انا عصبي او لا ؟ شكلها معقدة من سالفة خطوبتها الاولى , فأمي ردت عليها نحن مش جايين الا في حالة انكم موافقين وبعدين نحن قلنا لكم أسالوا عنا وعن ولدنا وبتعرفوا من نحن ومن هو إبني , كمان قالت لها أمي هل البنت موافقة أم لا؟ فقالت الام اني باحاول اقنعها واكلمها لانها الان تمر بأيام امتحانات وتقول لا تفتحوا لي موضوع الزواج الا بعد ما أكمل الامتحانات وفي نهاية ال حديث قالت أم البنت حتى إذا نحن بنوافق بنملك على طول مافي خطوبة ...!!! دلحين ياجماعة الخير أنا محتار جدا لاننا ماحصلت منهم رد إلى الآن فأمي قالت لي ياولدي انساهم خلاص لان ماهو من الاصول يردون بعد فترة طويلة ونحن بنشوف لك بنت غيرها . وانا ياجماعة في حيرة من أمري نفس تقول لي أنساهم رغم إنني تعبت خلال إجازتي الماضية شهر وانا أسأل عن البنت وعنوان البيت ونفس تقول لي أصبر إلى ان تعدي فترة الإمتحانات ويمكن البنت توافق ويتصلوا علينا ونفس تقول لي اتصل بالبنت واتفاهم معها وأشوفها ايش تبي تسألني واتكلم معها . أخواني في الله طرحت موضوعي بين أيديكم قولوا لي أيش اعمل والله انا محتار جدا وتعبت من كثر التفكير بهذا الموضوع والله يجزي اللي يرد بالجنة . |
وعليكم السلام ورحمة الله هلا فيك اخوي أنتظر حتى تخلص البنت اختباراتها في هذه الفترة .... وأنتم جيتم في فترة صعبة على الشخص يتخذ قرار مهم مثل قرار الزواج ولذلك وسع صدرك واصبر، و ترى طلبهم معقول وأراه مشروع بأن يسألوا عنك أو تطلبك البنت لسؤالك عن بعض الأمور . عموماً تفاهم مع أهلك وشوف ما هو المناسب لكم ؟! والله يرزقك الزوجة الصالحة عزوبي بس رجل |
انتظر الي ان تنتهي الامتحانات
|
اولا الزواج قسم ونصيب بأذن الله
وثانيا انا رأي مع رأي الاخوان انتظر وشوف بعد الامنتحان وان شاء الله تتيسر امورك وتتم على خير بأذن الله ارجع لعملك وانسى الامر انا بيني وبينك جلست سنه كامله حتى خلصت البنت امتحناتها وتزوجت اختها الكبيره وبعدين خطبت البنت لاني ابيها والله يوفقك |
وعليكم السلام ورحمة الله وبركاته:
أشوف ان الوضع ماشي تمام التمام الى الآن, بس ياخوي لازم تصبر الفترة هذي لأنه وقت صعب(امتحانات), منها تعطي البنت فرصة تعدي امتحاناتها بكل يسر, ومنها يكون الوالد(أبوها)رجع من السفراذا أمكن,, وكل تأخيره فيها خيره ان شاء الله.. |
وعليكم السلام ورحمة الله وبركاته أخي العزيز اذا لك نصيب فيها ماراح احد ياخذها غيرك وان شاء الله تجتمعون على طاعة الرحمن أصبر لعل الله يكتب لكم نصيب مع بعض واذا خلصت الاختبارات بكم يوم اقنع الوالده انها تكلمهم عشان يردون لكم ... كل التوفيق لك .. |
اخذ معك اكثر من شهر تتسأل عن البنت
والرجل حصتي البنت يلزمهم شهرااان امزح اخي اطلب من الوالده انو تتصل وتقول لهم :نحن منتظرين الجواب بعد الامتحانات ومن ثم كان رد امك قاسي قليلا العروس طلبت تشوفك مره ثانيه وتسألك المفروض يكون الجواب بالموافقه من غير شروط الله يجعلها من نصيبك ويتمم لك على خير |
يا اخوي أصبر ولا تستعجل
الين تعدي فترة الامتحنات وبعد الامتحنات كلم اخوها وشوف أش السالفه الله ييسرلك ويكتب لك الخيره |
استنى لبعد الامتحانات
وروح شوفها زي ما طلبت البنت ... وشوف اسالتها و ان شاء الله ربي يكتب انها تكون من نصيبك اذا كان فيها خير لك الله يوفقك |
ياجماعة مشكورين على ردودكم والله يجزي كل واحد رد بالجنة بس حبيت أرد على أخواني وأخواتي اللي قالوا لازم أروح مرة ثانية لبيت البنت ياجماعة ماهو من الاصول إن الواحد يروح مرة ثانية بعد النظرة الشرعية إلا في حالة إنهم كانوا موافقين 100% علشان نعرف أيش شروطهم لا أكثر.. وبعدين الزواج ياجماعة قسمة ونصيب , كم من بنات تزوجوا شباب من غير مايعرفوهم من قبل ؟ كثير والله . يعني ماهو بشرط إنه البنت تتعرف على الولد قبل الموافقة عليه , حاجة ثانية أنا قد أجيب لها كلام حلو ومعسول خلال الجلسة الثانية وأخليها توافق وبعد الزواج أوريها الوجه الثاني .. صح ولا لا يعني صعب إنه البنت تقدر تقيس الشاب من مقابلة واحدة حتى ولو كانت دكتورة طب نفسي ومحللة شخصيات . لكن نحن قلنا لهم أسألوا علينا وعلى أسرتنا وبتعرفوا من نحن , قالوا قد سألنا عليكم وطلعتوا ناس كويسين وأصحاب أصول .. طيب مادام إنهم سألوا علينا وقالوا لهم الناس إن نحن أسرة تمام ليش عادهم يريدوا بنتهم تجلس معي ؟؟؟؟ دمتم بود .. وأي إستفسار انا موجود |
| الساعة الآن 01:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©