|
زوجي محيرني ومجنني ؟؟؟ فبما تنصحوني
السلام عليكم ورحمة الله وبركاته
إخواني أخواتي أحبابي في الله سبق وإني نزلت موضوع بإسم كيف أنقنع زوجي بالسفر ياإخواني زوجي يكره السفر بالطياره على قوله مكلف خاصة لوكانت سفره لمسافه بعيده مثل ماليزيا أو أي مكام بشرق أسيا ..يعني مايبغى يدفع تذاكر لأننا بالعربي ماشاء الله عيله كبيره وقلت له نروح مره لشرق أسيا وبعدين مانروح ..وماشاء الله هو مقتدر بس الله يسامحو وبعدين أنا أعشق السفر وأموت فيه ..هو لاعااادي السفر عندو المهم أقترح علي السنه إننا نسافر بالسياره لتركيا ...قلت يالله تاني تركيا وبالسياره قلت له طيب نسافر بالطياره وهناك نأخذ تكاسي ..الله يهديه جلس يراوغ معايا ..تخيلوا نروح الأردن وبعدين نعدي سوريا وربي تعب ومووت :18: وبعدين أنا قلت له لو عندك نية سفر نرتب لها من بداية السنه ..مو نجي قرب الإجازه ونقول هاتك يالسفر أحب إننا نكون مرتبين ..زوجي يقولي كل شئ راح يجي من الله قلت له إنو عندنا أولاد ولازم يكون كل بالترتيب :( وبعدين أنا أكره السفر بالسياره وربي متعب وهلاك ..وبعدين سافرنا لتركيا ..يخلينا بجنوب تركيا أو شرقها شمالها ناحية إسطانبول مايودينا :11: أنا دحين قلت له أستخيرالله وهو اللي راح يكتب لنا الخير ...:21: وساعه يقول نسافر بالسياره ومره يقول بالباص رغم إنو هلاك ..وساعه يقول نطلع بالسياره ونوقف السياره بتركيا بالتحديد في منطقه إسمها أضنه تبعد عن إسطانبول حوالي 600 كيلو وبعدين نطلع طياره أو باص ومره يقولي إيش رأيك نروح اليمن ....قلت لالالالالا خلاص روحنا لها العام الماضي وبعدين أنا خايفه من اللي صار وأحياناً يقولي الإمارات ونروح دبي بعدين يقول حر مووت ..وشويه يقولي نروح صلاله ..وعمان المهم جنني من كتر ماهو متردد فين نسافر وأنا أقوله الترتيب يكون من بدري يقولي إنتي مالك خص إنتي جهزي الشنط وبس ومكان مانروح ..نروح ويمكن بالأخير نروح جنوب المملكه ونريح بالنا :d بالله دولوني إيش أعمل والله ماأستغني عن مشورتكم ربي يخليكم ويجعل الجنه هي داركم ومقركم إدعوا لي إنو الله يصبرني على أفكار زوجي وتردده وجننانه معايا عنييد وإللي براسو لازم يمشي:( |
طيب مثلا لو تبين تركيا احفظي صور تركيا وقولي شفها وتجنن وخليه يتحمس وضبطي جدول لكم وقولي بحثت واساليه متى بالضبط قولي عشان ارتب الشنط والملابس وكم اخذ من قطعة وبكيذا ان شاء الله يجزم
|
مثل زوجي يا روعة .... كل شيء بالراحة وشوي شوي والدنيا ما بتطير ;)
وفي الأخير أكتشف أنه يخطط من تحت لتحت ;) يا عزيزتي .. ما دام الأمر كله في يده والسالفة فيها عناد فلا فائدة من حرق أعصابكِ .... افعلي مثلي: والله حتى البلد لا أختاره وفقط أقول له: مب مهم المكان المهم أن نكون معاً .... وحتى لو ألغي السفر لأي سبب كان فإنني أيضاً أكون راضية وأقول: المهم أن نكون معاً ;) وبالمناسبة .. لا تييون الإمارات ..... فعلاً حر مووت :d |
استخيري ربك في امر سفرك الي اين كان
الله يوفقكم في رعايه الله |
واضح جدا اختي الكريمة مدى تاثرك بالبيئة حولك
بقريباتك وصديقاتك وهو امر غير جيد ابدا فانت لست مثلهن وهن لسن مثلك وازواجهن ليسوا كزوجك لكل منكم عاداته وطباعه وطريقة تفكيره واسلوب للتعبير عن حبه لشريك حياته لا انفي حقك في السفر إذا كان هو كثير السفر مثلا مع اصدقائه وذلك يفترض ان تقدري رغبته لعدم حبه للسفر ولكن يمكنك ان تفعلي امر اخر (إذا وجدت زوجك متقبل الفكرة) لم لا تتصادقي مع زوجات اصحابه وتوثقي علاقتك بهن ثم تقترحي عليهن السفر كجروب سفر للعائلات كل زوج وزوجته واولادكم اخترن مكان وكل واحدة تقترح على زوجها السفر مع اصحابه وعوائلهم بواجعلن الامر سهلا وبسيطا وممتعا وغير مكلف حتى يتشجع الازواج لاصطحابكن معهم مرة اخرى واذا كتب الله لكم السفر تستطيعين الخروج لبعض الوقت مع عائلتك فقط اختي... نصيحتي لكِ لا تكثري من المقارنة فالحياة تكون اصعب بها واجمل بدونها استمري بمعاملة زوجك باللطف واللين وحاولي توفير مبلغ من المال لتفاجئيه بسفرة سريعة بمناسبة جميلة تمر عليكم وعدم السفر ليس نهاية الدنيا ابدا ربي يفرج كربك يارب تقبلي مروري :) |
يااختي كل الرجال كذا يقولوا كل شي بوقته احسن الله يهدي زوجك ويخليه لك
|
شكلك حااارة
بردي على قولته جهزي الشنط وخليه يختار براحته ولو اعجبك شيء وريه صور وحركات بس يصير طبعا مايحتاج طيران بس اسأليه تجهزي ربيعي والا صيفي والا شتوي :) |
وهو صادق ياروعة .. تعالي يمنا بالجنوب ..<<أشجع السياحة الداخلية ,,,,
براد وامان .. |
اقتباس:
زوجي يعرف تركيا مظبوط لأنو بالأصل من جذورتركيه بس سعودي :d ويعرفها بس ماكان عايش فيها بس هو وأهله كانوا يسافروا لها كتير وهو صغير وتاني شئ حتى أنا روحت لتركيا مرتين قبل الزواج ومره بعد الزواج قبل سنتين .. بس المشكله اللي بيني وبين زوجي إني رافضه السفربالسياره ..وربي تعب من السعوديه إلى غاية تركيا حوالي 3 الآلآف كيلو متر هو حدد موعد إجازتو 10 جولاي ... الله يعين |
اقتباس:
والله صادقه لو بأعاند معاه يمكن يبطل سفر أوممكن يسافر لوحدو وبرضو بالسياره :( ياحب زوجي للسياره الله يحفظه ... والله أنا راضيه أي مكان بعيد بس بلاش سياره .. خلاص بنجي للإمارات في إجازة الحج إن شاء الله يكون الجو أفضل نورتي يابعدي |
| الساعة الآن 07:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©