منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - قهرني وخدعني (http://www.66n.com/forums/showthread.php?t=209925)

قهرني وخدعني


	السلام عليكم ورحمة الله وبركاته مدري من وين ابتدي بس بقول اللي ربي يقدرني عليه وبعفويه انا تزوجت من رجل خدعني بكل شي تزوجت من رجل قبل 6سنوات كان الفرق بيننا 25سنه ومعه 7اطفال وزوجه طبعا بتقولو كيف؟؟ووش اللي صار؟؟ انا بعلمكم اانا تزوجت وعمري 19سنه طبعا انا ماكنت اعرفه كان زواج عادي المهم يوم جانا كان يقول انه عمره 36سنه ومعه ولد ومطلق تخيلوا حتى ابوي سأل بمقرعمله وطلع نفسى الكلام اللي قاله الظاهر انه متفق معهم والله العظيم انه تزوجني بعد3اسابيع من الزواج تخيلوا ابوي يعقدبالبيت وانا عندالكوافير يعني ماجلست معاه ولاعرفته واهلي طيبين علانياتهم المهم تزوجته وبعد3اشهر من الزواج اكتشفت انه كذاااااااااااااااااااااااا ب ومخادع خدعني وضيعني طبعا انا حملت ماشاءالله بأول زواجي وصعبه اتطلق وانا توي عروس تعرفون مجتمعنا كيف فكرته من هالناحيه صبرت وقلت يمكن تتعدل تخيلوا بعدولادتي مباشرة خلى اولاده يسكنون معاي عصب عني فرضهم علي فرض صبرت 4سنوات وقلت يمكن يتعدل الموضوع بس للاسف شفت الموضوع طاال وزاد عن حده طبعا زوجته طلبت الطلاق ورمت الباقي عندي تحملت صرت شغاله له ولاولاده لاوالمصيبه اولاده كبار البنت عمرها 23 الان والباقي اصغر فأصغر الحين انا مطلقه لي سنتين وعايشه لحالي ببيت مستقل بي وبولدي اكذب عليكم ان قلت لكم اني مرتاحه بوضعي المشكله ياناس اني حبيته عشان كذاانا صبرت عليه لكن مافي فايده كان يجازيني بالعكس واولاده يغيروا مني طيب انا وش ذنبي ؟؟؟ ضيعني وضيع عمري انا الان عمري 26سنه وحالي الله يعلم فيه المهم لااطول عليكم تكلم معاي بموضوع الزواج تدرون وش يقول ؟؟؟ انا ابيكم تحكمون وانا راضيه بحكمكم مهما كان قاسي قال اذابترجعين بيكون فيه اولادي انا مااقدر استغنى عنهم انا ماقلتلك تستغنى عن اولادك بس فكر فيني مثل ماتفكر بغيري قلتله اذابرجع وين راح اجلس وبيتك 4غرف غرفه للاولاد وغرفه للبنات و2صوالين قال بفضي غرفه من الغرف قلتله طيب وكيف راح تكون حياتي معاك كيف راح اخذراحتي معاك بلبسي بجلستي بكل شي قال موشرط تلبسي قصير ولاصدرك يبان عندك غرفه قلت علاكذا بقعد 24ساعه بغرفتي يعني مافي خصوصيه بالله هذا موظلم قال انا راح ارتب وقتي علاهالاساس لاومايبي ينجب قلتله طيب وكيف الانجاب قال الله لايقولها اقسم بالله قهرني لانه استغل الوضع اللي انا فيه من ضعف وقل وحاجتي له بهاالوقت كيف بالله عليكم اعيش مع اولاده وهم يغارون مني كيف اعيش معهم وهم مايبغوني وانا قلبي شايل منهم لانه عمري ماقصرت معهم وهم جازوني بالنكران ماراح اقدر اعيش معاهم كيف ؟؟كيف ؟؟ قال هذاوالله اللي عندي قلت انت ظلمتني الله حسيبك قام قال انتي ماتفهمي انتي وانتي وانتي .........الخ قلتله انت خدعتني وظلمتني وضيعتني ليش اتزوجتني ؟؟تدرون وش قال؟؟ ابي اعف نفسي عن الحرام يعني فكرت بنفسك وانا لا لواختك ولابنتك عايشه بهالوضع وش تسوي ؟؟قال اطلقها منه علاطول قلت شفت اللي ماترضاه علابناتك لاترضاه علي في الاخير قال انا مافي خير للحريم انا ماتنفعلي حرمه انا مابي حرمه انا وانا وانا خلاص انا سكت قال شوفي حياتك يمكن الله يعوضك بس انا ماراح تكوني معاي سعيده بالله اللي حصل هذاا ظلم ولالا؟؟ بايعني بتراب ضيعني حسبي الله ونعم الوكيل في الاخير عرفت انه حطني امام الامرالواقع ياتوافقين اولا؟عادي عنده اقسم بالله العلي العظيم اني جلست ابكي لي الان ساعتين من القهراللي انا فيه من الظلم والصبر اللي صبرته ذل واهانه وفي الاخير هذه جزاتي؟؟ وش وجهة نظركم هذاالانسان بااايع ؟؟ولا وش بالضبط ؟؟ وش الحل وش اسوي ؟؟ اسفه علاالاطاااله

الله يكون بعونك لكن الي فهمته من كلامك انك لسستي مجبره على رجووعك لكنك تحبينه ..

اكبر مافي الموضوووع انه مايبغاك تنجبين .؟ وهذا حق من حقووقك ..وانتي لساتك صغيره ..

اذا انتي تحبينه -->وهذا الي مبين من كلامك بس انتي منقهره منه اصبري عليه ..لكن تفاهمي على سالفه الاطفال لانو مايجوز يحرمك منهم والا شووفي حيااتك لان سعادتك ماراح يوقف بسببه ..

والله يكون بعونك ..

لا ترجعي له وربي ابنك وعيشى عمرك اللي ضاع
انتي الأن في اجمل سنين حياتك ولسه صغيرة
والله يرزقك بولد الحلال اللي يعوضك عن سنين عمرك اللي انسرقت

وصدقيني لو رجعتي له سوف تتعذبين وتهانين اكثر
هو انسان ليس له ضمير
نصاب ومحتال
والإحساس اللي تحسينه ليس الحب
ولكنه التعود
لأنك تعودت عليه في حياتك

دعواتي لك بحياة سعيدة
وراحة البال
ان شاء الله

اشكرك ياام كريم صحيح كلامك يمكن انه مايكون حب بقد مايكون تعود عليه
الله يعوضني بأخير منه لاني والله انظلمت معاه وظلمني
تخيلي بالله هالوضع اللي يبيني ارجع عليه ينفع ولاكلام رجل عاقل؟؟
الله يعوضني بالخير

طبعاا لاترجعين له

ومستحيل الرجاااال يتخلى عن عياااله مستحيييل!

الله يعوضك خير ياارب

حبيبتي وقعتي بوضع صعب الله يعينك و يفرج همك

صح زوجك خدعك بالبداية و خبي عليك اشياء كثيرة

لكن الان هو مايقدر يسيب بناته و اولاده لحالهم ؟ و ين يخليهم ؟

برضو صعبة ..

ابرايي اما تخليك على وضعك و تعيشي مع ابنك و الله يرزقك بابن الحلال

او ترجعي له و تقولي برجعلك و بعيش معك و مع اولادك بشرط تجيب بيت اكبر

لكم كلكم وممكن كمان تاخذي لحالك جناح و يجيب لهم شغالة ...

بالنهاية ياقلبي ابنك هو اخوهم و حاولي ما تعاديهم و تكون عللاقة ابنك معاهم طيبة

مهما كان هم اخوة و بكرة بيكونوا سند لبعض

من اول شي ليش وافقتي عليه؟؟
الصراحة كل من عقله براسه ويعرف خلاصه

ريال باعج بتراب على قولتج ولالزتي تركضين وراه؟؟

ليش ما فيه غيره من الرياييل ،، خلصوا ؟؟

يا بابا عيشي حياتج واستانسي وطلعي وربي ولدج

وبالنهاية مثل ما تعودتي على زوجج راح تتعودين انج تعيشين من غيره

واللي خلقه خلق غيره واحسن

اقتباس:

المشاركة الأصلية كتبت بواسطة موهبة الكويت (المشاركة 2443773)

هلابك اخت موهبه
حبيبتي انا لااركض وراه ولاشي بس حاولت اني اصلح من الامور لكن انا هنت نفسي انا عفته خلاص

اقتباس:

المشاركة الأصلية كتبت بواسطة noora (المشاركة 2443723)

حياك اخت نوره
الشقه اللي هوفيها4غرف ورافض انه ياخذشي اكبر لا يريد يفضي غرفه من الغرف ال4 وانا بصراحه مااقدر اعيش بهالوضع
لكن والله لو كان يبغى يرجعني كان اخترع طريقه بس الرجااال باااااااااااايع

تكفون ابي ردود تشفي غليلي وتريحني من العنا اللي انا عايشه فيه