|
كيف تكون المعاملة من قبل شريكة الحياة؟؟
السلام عليكم ورحمة الله وبركاته أنا سجلت بهيدا المنتدى لاني عن جد استفدت منو كتير مع العلم انا من زمان كنت ادخل واقرأ المشاكل الي تطرح من قبل الاعضاء ولأني بحب آخذ اكتر من رأي اذا صادفتني اية مشكلة بالحياة قررت ان اطرح عليكم مشكلتي اولا اعتقد انو هيي ماتتسمى مشكلة بقدر ما هي استفسار او تجميع آراء انا مخطوبة ومكتوب كتابي والحمد لله من حوالي اكثر من سنة خطيبي انسان جداً خلوق ومتدين وطيب وانا دايما احمد الله انه رزقني بشخص متلوو هوي اكبر مني ب سنتين واعمارنا هي في بداية العشرينات طبعاً نحنا كل واحد فينا عايش في بلد وهوي عايش في امريكا الخطبة صارت عن طريق اختو الي هيي عايشي هون بنفس بلدي والحمد لله اجا هوي لعنا وتم كتب الكتاب وبعد فترة رجع لأمريكا المهم هوي اول ايام الخطوبة كنت احسه فرحان كتير وماكان يتأخر ولا ثانية عن موعد اتصاله ودايماً هوي الي يبادر بالاس ام اس وكنا دايماً نحكي مع بعض عالمسنجر يعني تقريبا كل يوم الا عند الضرورة لما يكون هوي مشغول يقوم يبعتلي مسج ويقول انه مشغول وانو ماراح يقدر يكلمني مشكلتي انه بآخر فترة حسيتووو ابتعد عني كتير !! وماقام يتصل متل قبل يعني بصراحة حسيتو لما يتصل بس لانه واجب عليه انه يتصل !! وكمان صار فترة ماحكينا ولامرة عالانترنت وبالنسبة للأس أم أس انا الي عم ابعتلووو كل يوم يعني انا الي بادر فيها واليوم نطرت الصبح قلت خليني ما راح ابعتلووو اليوم بس النتيجة للأسف ماوصلني منه ولا شي قمت انا بعتلو لان هوي بيزعل لما ما ببعت له اس ام اس وبيقوم يقول يش مابعتيلي اليوم وشو كان عندك وبطريقة يبينلي فيها انو هوي زعلان مني مشان مابعتلوو :( وانا مرات قول يمكن مل من كتر الاتصالات ولان فترة خطوبتنا طولت شوي ولسه في كتير وقت عالزواج فا بحاول اني ما ابعتلووو بس بيقوم يعصب علي اذا مابعتت :( مع العلم انا بحبووووو كتيييييييير ومابرضى على زعلووو ودايماً لما تصير خلافات بيني وبينوو انا الي بادر بالصلح حتى لو هوي كان غلطان لاني مابحب خليه مضغوط ومابحب يصير زعل بيناتنا لان دايماالزعل يخلق فجوة بين كل اتنين ... ولما بيخلص الخلاف بيكون كتييييير طيب معي وحتى يعتذر من موقفوو اذا كان سلبي هلأ هوي صارلووو يومين ما اتصل وهذا شي كتيير غريب لانو هوي ماكان هيك قبل يعني لو انه عودني على هيك ماكان قلت شي بس انا الي مخوفني اني عم حسووو متغيررررررررررر كتيييير :( وتخيلواا حتى لما يكون مشغول او مابيقدر يتصل مابيبعتلي مسج :( ولا يقول انه مشغول وعلى فكرة دايما صرت قول اني بغير طريقتي يمكن انا صرت كتير طيبة معو ولاني مابطالب بأي شي يعني انا من نوع ما بقلووو انا بدياك تبعتلي مسجات مشان احس انك مهتم فيني او لما يتصل من بعد فترة طويله مابسألووو ليش ماكنت تتصل لاني متل ما قتلكم قريت من قبل انو الرجال مابيحب يكون مضغووط او يحس انو في استجواب بالموضوع هلأ الي بدي اعرفووو ياشباب انتوو لما تيجووا تخطبوا بنت بس مابيكون عن طريق حب بتفكروافيها دايماً ؟؟ وبتعطوها الاولوية بكل شي بيومكم بأتصالاتكم بتفكيركم متل مابنعمل نحنا البنات ولا كيف؟؟ وبتقدرووو هيك تقعدوو فترة طويلة من غير ماتتصلوو ولا على الاقل تبادروو بمسج مشان نحس انو في اهتمام بالمقابل ؟؟ والي بدي اعرفووو كيف تفضلوو تكون معاملتكم من قبل الخطيبة اذا انتو بعدتووو عنها شوي ؟؟؟؟ هل تفضلووو انها تترك خطيبها على راحتووو؟؟؟ ولا لازم تحكي معوو وتسألوو عن سبب التغيير الي حصلووو وسبب بعدوو عنها ؟؟ يعني انا نصحوني كتير بس ناس قالتلي انو يعمل هيك مشان بدوو يعرف انتي بتهتمي فيه اذا ما اتصل ولا لا وناس بتقول طنشيه وخليه هو يرجعلك بعدين ( مع اني ما بعتقد انو هالحالي بتفيد لانو راح يرجع يتصل وبيكون معصب وماراح لاقي عذرررر لسبب التطنيش وبيرجع الموضوع علي وبزيد الطين بله :( ) بلييييييييييييييز ساعدوني انا ماكتبت هالموضوع الا لأني بدي ياه يكون مرتاح معي ومابدي يكون في اي تقصير مني تجاهووو ساعدوني الله يخليكم :( |
طبيعي يا أختي .. لا تعطي المسألة أكبر من حجمها ..
في البداية تكون العلاقة قوية جدا .. ثم يدخلها الروتين فتخف .. ثم تعود لتقوى مرة أخرى .. على حسب قدرة الشريكين على التجديد ومحاولة القضاء على الرتابة والروتين .. وأحيانا تكون لضغوطات الدراسة أو العمل التي يمر بها المرء انعكاسات سلبية على سلوكه مع شريك حياته دون أن يشعر .. فلا بد من الصبر وتحمل الآخر ومراعاة الظروف .. والتمس لأخيك سبعين عذرا .. فكيف بشريكك ؟ |
يسلموو يا اخي على مشاركتك ورأيك
بس يا أخي هوي عايش حياتووو طبيعي حسب كلاموو انو دايما يخرج مع اصحابووو ومع اهلوو وخاصة بهالفترة كل يوم بيكون في مكان غير عن الي قبلووو ومبسووط كتير معاهم هاد حسب كلاموو وحسب القصص الي يحكيها لألي انا مابزعل لما يخرج وينبسط بالعكس انا بتمنى شوفو مبسوط دايما بس انا بزعل لما بشوفو مبتعد عني بالوقت الي هو عايش حياتووو طبيعي مع اصحابوو واهلوو ومبسوط معهم يعني معقولة ظروفووو بتأثر بس فيي انا ؟؟ |
حبيبتي
دامه مااتصل ؟؟؟ فليش تكابري ...اتصلي به وقؤلي اشتقت لك حبيبي فقدك ... تخيلي انه بمشكله او مريض !!!وبيحس انك ماتهتمين به ابدا واكيد بيحس ويحزن لكن مايقؤل لك واذا قال بيعاتب لانك تثقلين عليه !! بين الزوجين مافي تغلي ...زوجك تعب من كثر ماهو يبادر بلاتصال انتي ؟؟؟اذا غاب ليش تتغلين ؟؟ حبيبتي اذا غاب اسئلي عنه ؟؟لانه حبيبك وزوجك وشريك حياتك ...هو غاب مافقديه اتصلي وبيني له شؤقك له ليش تبتعدي وتكابري لاجل هو يتصل !!! وش الهدف اصلن !!! حبيبتي انا مااقؤل ارمي عمرك عليه لدرجة التطفل ولكن اتكلم عن وضعك الحالي وهو زوجك له يؤمين مااتصل بك والايام الماضيه كان يتصل !!! هذا تاكدي بيجرح شعوره كزوج غاب ولم تسئلي عنه !!! حبيبتي لاتستبعدي يمكن انه اختبار لك !!!!لاتستبعدي هالشيء .... بلعكس اذا تقربتي واهتميتي تجدي المقابل اما اذا تغليتي فهو بيعمل مثلك تماما !!! لاجل تحسين .... حبيبتي افرضي مثلا لو انكم ببيت واحد انتي وهو ؟؟وغاب عن البيت ساعات !!اكيد بتخافي وتتصلي وتشؤفي وتطمني قلبك وهو بيعجبه خوفك عليه كثييييييييييييييييييير وتشوفينه يطمنك ومن هلكلام الحلو .... الان وش مانعك من الاتصال تغلي يعني ؟؟؟ اذا عن انك تخافي تضغطين عليه فااتوقع المقصؤد به هو سؤال الرجل وين رايح؟؟ او الاتصال اكثر من مره به بؤقت واحد ؟؟بيجيب له القلق البحث بخصؤصياته دون علمه وبعدها يدري بفعلك ويكون مضغوط بلحرص علئ افعاله التحكم به بلاوامر ...... التغلي بينكم مايصلح واكثر المشاكل عليها وهي المكابره !!!! حبيبتي خذي راحتك لاجل يرتاح زوجك وانتي ترتاحي بعد .. |
بس انا بزعل لما بشوفو مبتعد عني بالوقت الي هو عايش حياتووو طبيعي مع اصحابوو واهلوو ومبسوط معهم
ياحبيبتي انتي معك حق تغيرين انا كنت كذا بداية الزواج اغير عليه واقؤل هذا ينساني اذا اختلط بااهله واصحابه وكنت اغير كثير لاشفته يقعد من اخوانه بغرفه لاني مااكشف علئ اخوانه !!وانا بغرفه مع اخواته فكان يدخل ويسئل اخواته ولا يمر من قدامي ولا يتكلم غير السلام !!فكنت اشيل بقلبي ولكن مع الوقت عذرته فهولاء اهله وانا مقابلته دائما فمعه حق يختلط ولا يمكن ان اربطه بي !! وهذا لايدل انه مهمشني كليلا لا بل انسان احسه مزاح وضحوك وجدي بنفس الوقت كأي شخص مع اهله وكنت افتقد لشخصيته العاطفيه معي واسلؤبه لكن مستحيل ان يبين هذا امام اهله فكل شيء في ؤقته افضل ... هذا مجتمعه مثل ماانتي لك اصحابك ومجتمعك حطي هلمعؤمه بعقلك وهي مستحيل ان تربطين الزوج بك كلي لاينساك ابدا ويكلمك ويااخذك بكل مكان ولاينساك لحظه بظل وجود اهله واهتمامه بهم فهولاء اهله ومعه حق كل له قدره واحترامه ووناسته مع اهله مثلك انتي ؟؟؟ اذا افترقتي عن اهلك وبلاخص اذا كنتي بمكان وهم بمكان بتفقديهم اكثر وتختلطي بهم اذا ذهبتي بهم باجازه وتنسين زوجك نوعا ما !! كم يوم وترجعين كلعاده مثل اهتمامك السابق به لكن مستانسه مع اهلك ..ويمكن تلقين منه عتب وغيره ليش نسيتيني ومن هلدلع ؟؟؟وانا زوجي احيانا يقؤل لي هالشيء ...واطيب خاطره بكلام حلو. حبيبتي اذا استمريتي كذا ليش ينساني بوقت وجد اهله واصحابه !! وصرحتي له او تحسسين انك متضايقه من اهماله لك وانتم مثلا عند اهله !!فصدقيني بتبعدين زوجك عنك وزوجك بيفهمك خطأوهو انك لاتريدين اختلاطه بمجتمعه وسعادته وبيبدء يبتعد عنك بسب تقربك الواضح له وعدم مفارقته لو ساعات وهو مثلا عند اهله او اصحابه !! فهذا مجتمعه وسعادته ولعبه مع اصحابه .... وانتي بلنسبه له زوجه وحبيبه وغاليه ولا يستطيع ان يفارقك ابدا !! انتي من حبك وغيرتك له جعلك تفسرين بانه ينساك وانه متغير عليك ...!يعني معقولة ظروفووو بتأثر بس فيي انا ؟؟ ترئ اي تأثير له بلدوام او مشاكل مع اهله بياثر علئ علاقتكم طبيعي جدا !! والسبب لانك اقرب الناس لقلبه هو من يحكي لك كل شي ؤؤقت الضيق بيبتعد عنك كراحه قليلا ليس منك فقط بل من العالم كله كأختلاء مع نفسه شؤي وراحه من اجهاد النفس وزيادة التوتر مثلا انتي لو زعلتي ولا حصل مشكله تبتعدي عن اي شخص بوقت الغضب والتوتر اتمنئ اكون افدك .. تحياتي والله يؤفقك يالغاليه. !! |
همس تسلمي يالغلا على افادتك
والله انك ريحتيني بكلامك ارتحت كثير لما قريت مشاركاتكم انا كنت بتمنى اني بكون انا الغلطانة وانا الي عم كبر الموضوع احسن من مايكون هوي الغلط منو بالنسبة لموضوع التغلي انا دايماً اتصل عليه اذا غاب مستحيل اني اتغلى عليه وهوي بهاليومين كان في اتصال بيناتنا عن طريق المسجات فقط يعني مافيي اتصل عليه وقلوو وينك لانو هو اساسا في اتصال بالمسجات بس انا الي مضايقني انو تغير عن قبل يعني عم حسوو انو ماعم يهتم فيي متل قبل حتى لما يتصل ونعقد نحكي بحسو كل شوي بدو ينهي المكالمة وحتى صار يقولي صايرة كتير تحكي بالتلفون وبستحي كتير لما يقولي هيك او لما بدو ينهي المكالمة يقولي ها شوفي ترى انا اتصلت فيكي يعني عم حسووو عم يعمل واجب وبس مع اني مافي يوم حكيتووو بهالموضوع انو ليش ماتتصل كتير وليش ماتهتم فيني ابدا ابدا بالعكس تاركتووو على راحتوو اخر مرة حاكيتوو عالانترنت كان كتير معصب من غير سبب وبيمسك اي شي حجة اي كلمة مني ياخذها بعصبية ولما اجي اعمل حالي عم اضحك وبدي غير الموضوع ودلعووو بيضل معصب بعدين قمت انا كمان زعلت وقلتلووو شو صايرلك شو عملتلك انا .. وتناقشنا بالموضوع كتيييير وكان في توتر كبير بيناتنا بس لما وصلنا لنقطة وحس انو هوي الي غلطان ومقصر قام قلي انو هوي مريض هاليومين ولما بيكون مريض بيتضايق في اشيا كتيرة الشخص ممكن يحس فيها وبيعرف لما شخص متغير عليه ولا لا بس انا ماحدا جاوبني على سؤالي بهالحالة شو بدي اعمل ؟؟ ضلني متل ما انا ؟؟ ولا قوي علاقتي فيه ؟؟ ولا خليه على راحتووو ولا كأني حاسة بشي يعني طنش شعوري الي عم حس فيه هلاً ؟ |
ارسلي له مسج قولي له عن احساسج باللي قاعد يصير ..
[ قولي له احس هَـ اليومي قل اهتمامك فيني ف هل يا ترى هذا بسبب تقصير مني ؟ أو كلمة ازعجتك ؟ أو بسبب شي ثاني ؟ وإذا كان هَـ التغيير مو بسببي ممكن اتوضح لي السبب ؟ آنه احبك وابي سعادتك ... بس انت هَـ اليومين متغير ويهمني اعرف السبب ] ^_^ |
نحن الرجال نعامل بالمراة بأسلوبها فول شعرنا أن المرأة تتثاقل ولو 1% نتثاقل عليها ونطنشها
أما الودوده نتودد معها ونتواصل معها .. |
اقتباس:
يسلمووو اختي علماً انه اليوم كمان ما اتصل |
اقتباس:
الموضوع مافيه تقل ابدا انا حتى تعبيري بمسجاتي كتير حلوو ورومانسي وكتير عبرلوو عن حبي له حتى بهالفترة الي هوي تقريبا قاطع اتصالاتوو عني :( عطووووني اراااء الله يخليكم :( |
| الساعة الآن 09:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©