|
أكشتفت أن زوجي مريض بوسواس وشك وكان يراجع عياده نفسيه
اخواتي العزيزات انا في مشكله وارجو منكم مساعدتي .. انا متزوجه منذو عشر سنين وعمري 36 وزوجي عمره 39 ولدي طفلتين من بداية زواجي أكشتفت أن زوجي مريض بوسواس وشكك وكان يراجع عياده نفسسيه من قبل الزواج ( أبوه وأخوانه نفس حالته في الشك والوسواسه لكنهم طبيعيآ أما زوجي معه أرهاب أجتماعي مايحب الاختلاط مع الناسس .. بالأصح أنطوائي ومايحب يسسولف معاي ولا يسمعني كلام حلو يحب الصمت وطول الوقت على التلفزيون في بداية زواجنا كان في شك بسيط بس معاي تمام وكريم حياتنا كانت حلوه وبعدها توظف وانتقلنا للمنطقه ثانيه بسبب عمله وكان لديه اصحاب في العمل أثناء جلوس معهم يتحدثون عن خيانه المراه لزوجها بصفه عامه فزاد شكه فيني فااصبح يراقبني وتعبت نفسيته ويحلفني احد يجي عندك في غيابه بالرغم أن ماعندي لاجوال ولاتيلفون بيت و كان عندي طفله وحامل بالثانيه بس مازال شكه كل يوم يزيد عن اليوم الثاني لدرجة انه قدم استغالته من العمل لكي يراقب تصرفاتي ثم رجعنا لنفس المنطقه اللى كنا عايشين فيها وسكنت في نفس عمارة أهله .. ورجع للدكتور النفسيه وتحسن حالته .. بس مازال يحلفني أن اخاف الله وحاط في باله أني جالسه أخونه مع أحد غيره وأن مو كل من صام وصلى شريف واستمرينا على هذا الحال سنتين ثم رزقه الله بوظيفه في نفس المنطقه اللى عايشين فيها الأن وكانت الوظيفه فيها اختلاط كثير سبب له ضيق وتعب نفسيته ، تصير له مواقف له بالعمل يربطها فيني ويحس ان انا السبب بكل شي مثال ( أنا مرا تزاعلت معه في المساء واليوم الثاني راح دوامه الصباح وجلس يسولف مع صاحبه وبالصدفه صاحبه تكلم عن العلاقه الزوجيه وعن الزعل بين الزوجين فشك زوجي ان انا اعرف صاحبه واشتكيت له) وتعب نفسسيته مرا من كثر المواقف اللى يشوفها بالعمل ويربطها فيني وصار يقول اني سساحره واني كاهنه لدرجه انه ترك العمل لمدة شهرين ثم عاد اليه بتقرير طبي .. وكل بعد فتره يخلق مشكله من لا شي ويسمعني كلام مثل ( أنا اكرهك وانتي ساحره وخاينه وووالخ ) وعلمآ ان كم مره ازعل واروح عند اهلي بس يرجع يراضيني ويقول ان احبك وانا مااكرهك اكره تصرفاتك ولا اخفيكم علمآ أني عصبيه جدآ معه وأرد عليه مااتحمل كلامه :(.. واناالحين عند اهلي بسبب مشكله بسيطه لاني ضربت بناتي فصار يقولي انتي ماتحبيني وماتحبي بناتي انا اكرهك روحي بيت اهلك .. ومن عيوبه ينسا الاشياء الحلوه اللى اسويها معه ويقولي انتي مصلحجيه ماتحبيني وجلوسك عندي لمصلحه ماايدري اني صابره عليه عششان بناتي بس .. وكل اللى حوليه يقولون تطلقي منه وانا رافضه فكرة الطلاق مره لاني خايفه على بناتي وغير كذا بناتي متعلقات فيه مره ويحبونه لانه حنون عليهم مع الرغم انه يضربهم ..وهو مو مقتنع انه مريض نفسي حاط في باله اني ساحرته وش رايكم ارجع له ولالا ب1 اعذروني على اسلوبي لاني اول مره اكتب في منتدى واريد حل منكم عزيزات |
نقل الى مكانه الانسب...........الاشراف
|
عزيزتي زائرة فقط ...
غريب أمر زوجك :29:، مع أن الثقة (المتبادلة) هي إحدى أسس العلاقة الزوجية الناجحة حاولي ترقيه وترقي بيتك وتقري على راسه القرآن والمعوذات يوميا. حسسيه بالأمان أكثر وزيدي من جرعات حنانك عليه. عطيله إحساس إن ما في أحد بدنيتك غيره، وخليكي قربه طول ماهو موجود بالبيت. استقبليه بالترحاب والسرور في كل مرة يرجع للبيت، حطي شموع، أغاني هادية، تزيني له. وأكثري من الاستغفار وقراءة سورة البقرة بالمنزل. الله يهديه . |
أختي الكريمة ..
جزاك الله خير على صبرك و حسب كلامك زوجك مريض نفسي و يحتاج منك للصبر خصوصا إذا كان فعلا يعالج لدى طبيب مختص و ياليت إذا تقدري أنتي كمان تكلمي الطبيب المشرف على حالته و تعرفي منه أيش مرضه و إيش يحتاج للتعامل معه .. حاولي أنك تتكلمي معاه بهدوء إذا شفتي رايق و مبسوط و حاولي أنك توصلين له فكره أنك لو بغيتي خيانته لا أستطعتي حتى لو كان يراقبك أربع و عشرين ساعه لكنك تخافين الله قبل مخافتك منه .. إذا أنتي تحبينه لازم تصبرين عليه وكل البشر لديهم مشاكل مثلك مشكلتك و أكبر من مشكلتك لكن بالصبر وإحتساب الأجر من الله و بالحكمة والهدوء يعالجون أمورهم .. الله يعينك و يصبرك .. |
كان الله في عونك اختي
لي قريبة بالضبط نفس حالتك مع زوجها ...دائما يتهمها انها تخونه حاط كاميرات مراقبة عليها في كل مكان بالبيت ..حتى بدورة المياة قبل خروجة من البيت للعمل...يقفل ابواب كل الغرف ..يترك لها فقط المطبخ و دورة مياة واحده ...ظناً منه انه اذا اقفل كل الابواب لن تستطيع ان تدخل رجل البيت.... طبعا يقفل باب الشارع ...ومن ثم يتهمها بان الرجل الذي دخل عندها البيت يلبس داقية الاخفاء ويستطيع ان يدخل من خلال الجدران استشارت اطباء كثر ...نصحوها بان تتركه ...لان حالته لا شفاء منها ... وهذا المرض منتشر بين اهله هو وكل اخوانه يشكون في زوجاتهم . هي تقول لن اتركه من اجل اولادي فقط ولكن المشكلة هي خايفة انه ينقل الوراثة لاولاده الحياة مع انسان عنده هذا المرض ...صعبة جدا جدا استخيري و قرري ...وربي يعينك |
والله نزلت دمعتي لان زوجك ذكرني بنفسي انا بعد اصير اربط كل الاشياء بزوجي ولو اي وحدة او اي موقف وان شاء الله تكون هالوحدة مارة بالسوق اقول تعرف زوجي هذا وسواس قهري ربما من عين او سحر الله اعلم
حبيبتي كل الي اقوله لك دامني انا حسيت بكل كلمة قلتيها لا تتخلي عن زوجك ابد وحاولي تكوني معه على قد ماتقدرين وترى هو عارف انك شريفة والا لو يتاكد من صدق وساويسه مايجلس معك دقيقة لكن اذا تسلط الوسواس والشك يكون زي الحيا الي تلتوي على رقبته تخنقه ولا تترك له المجال انه يفكر بمنطقية ويمسح محاسنك باستيكا لان الشيطان ينسيها له ومايصير يشوفك الا عدوة لذوذة له وتمكرين له وتخونينه ارجوكي حبيبتي لا تتخلين عن زوجك وتقربي من الله اكثر ربما لو شاف ايمانك زاد يرتاح اكثر زوجك محتاج ان يحس بالامان والي الطمئنينة وصدقيني كل الي يصير له غصب عنه ولايحس فيه لدرجة انه يصير يتخيل خيانتك وتصدقها جوارحه من الاحسن ان يراجع دكتور نفسي فورا بس انتي عليك بالصبر ولك الاجر وزوجك يحبك يالغالية اسال الله ان يرفع عنه وعني |
الله يشفيه ..
تصدقي بنيه شفااءه وادعي له بتهجدك باليل ..فسهام اليل لا تخطئ:: دعواتي لك |
الله يكون في عونك أختي الغاليه ..أرجو منك الاكثار من الاستغفار والدعاء ليل نهار وفي كل سجده بأن الله يشفي زوجك ويهديه
ولاتملي أبدا من ذلك ...لاتستسلمي لهمومك وبثي همك وشكواك إلى خالقك ..إشغلي وقتك بمايعود عليك بالنفع ..تحملي كلمات زوجك وراعي أنه إنسان مريض ..لست لوحدك أختي هناك الكثير يعانون من هذا الأمر بل أن البعض أسوء أسأل الله أن يفرجها عليك وعليهم ... |
الله يكون في عوونك ويعظم اجرررك .... ويشفي زووجك يااارب .. |
الله يكون في عونك وفي عون زوجك اختي الكريمة .. من منا لا يعاني من مرض نفسي ما ... اما زوجك فحالته زيادة نوعا ما وبالتالي هو يحتاج من يتفهمه ويساعده ويصبر عليه ويدعو له .. فهو لا يملك التحكم بتصرفاته وليس اقرب من زوجته وام بناته له لتقف معه وتصبر عليه احتسبي الاجر عند الله تعالي وداومي على الاستفغار والدعاء له وكان الله بعونكم |
| الساعة الآن 06:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©